ଅଧିକାଂଶ ମହିଳା ପିରିୟଡ୍ସ ବା ଋତୁସ୍ରାବ ବେଳେ ଠିକ ଭାବେ ଖାଦ୍ୟପେୟ କରନ୍ତି ନାହିଁ । ଏହି ସମୟରେ କେତେକ ଅସ୍ଵାସ୍ଥ୍ୟକର ଖାଦ୍ଯ ଖାଇବା ଦ୍ଵାରା ଏହା ପିରିୟଡ୍ସ ଉପରେ କହରାପ ପ୍ରଭାବ ପକାଇଥାଏ ଓ ଏଥିରେ ଅସନ୍ତୁଳନ ଦେଖା ଦେଇଥାଏ । ତେଣୁ ପିରିୟଡ୍ସ ସମୟରେ କ’ଣ ଖାଇବେ କ’ଣ ନାହିଁ ଏହା ଜାଣି ରଖିବା ମଧ୍ୟ ନିହାତି ଆବଶ୍ୟକ ଅଟେ । ତେବେ ଆସନ୍ତୁ ଜାଣିବା ପିରିୟଡ୍ସ ବେଳେ କେଉଁ ଖାଦ୍ଯ ଖାଇବେ ଏବଂ କଣ ଖାଇବେ ନାହିଁ, ଡାଏଟିସିଆନ ସୁଶ୍ରୀ ତପସ୍ଵିନୀ ଦାସଙ୍କ ଠାରୁ ।
ଜଣେ ମହିଳା ସାଧାରଣ ଭାବେ ଜୀବନଯାପନ କରିବା ପାଇଁ ପିରିୟଡ୍ସ ହେବା ନିହାତି ଜରୁରୀ । କିନ୍ତୁ ଏହି ପିରିୟଡ୍ସ ଅଧିକ ହେବା କିମ୍ବା ବହୁତ କମ୍ ହେବା ମଧ୍ୟ ମହିଳାଙ୍କ ସ୍ୱାସ୍ଥ୍ୟ ଉପରେ ପ୍ରଭାବ ପକାଇଥାଏ । ତେବେ ପିରିୟଡ୍ସ ସମୟରେ କିଛି ଖାଦ୍ୟପେୟ ପ୍ରତି ଧ୍ୟାନ ଦେବା ଅତ୍ୟନ୍ତ ଆବଶ୍ୟକ ରହିଛି । ବିଶେଷ କରି ପିରିୟଡ୍ସ ବେଳେ ଦେହ ଯେପରି ଥଣ୍ଡା ରହିବ ନାହିଁ ସେଥିପ୍ରତି ଧ୍ୟାନ ଦେବେ ।
ସେଥିପାଇଁ ଏହି ସମୟରେ ଥଣ୍ଡା ପାଣି, କୋଲ୍ଡ ଡ୍ରିଙ୍କସ୍, ବାସି ପଖାଳ, ଆଇସକ୍ରିମ, ଖଟା ଦହି, ଯେତେବେ ନାଳୁଆ ଜାତୀୟ ଜିନିଷ ଯେପରିକି ସାରୁ, ଭେଣ୍ଡି, ପୋଇ ଆଦି ଏବଂ ମ୍ୟୁକୋସ ଜାତୀୟ ଜିନିଷ ଖାଇବା ଉଚିତ ନୁହେଁ । ପିରିୟଡ୍ସ ବେଳେ ଯେତେ ତଟକା ଏବଂ ଗରମ ଜିନିଷ ଆପଣ ଖାଇବେ ଆପଣଙ୍କ ପାଇଁ ସେତେ ଭଲ । ଗରମ ଭାତ, ପତଳା ଡାଲି, ପ୍ରୋଟିନ ଯୁକ୍ତ ଖାଦ୍ଯ, କ୍ୟାଲସିୟମ ଯୁକ୍ତ ଖାଦ୍ଯ ଖାଆନ୍ତୁ ।
ଗରମ କ୍ଷୀର ପିଅନ୍ତୁ, ସିଜିନାଲ ପରିବା ଏବଂ ଫଳ ସବୁ ମଧ୍ୟ ପିରିୟଡ୍ସ ବେଳେ ଭୋଜନ କରିବାକୁ ଚେଷ୍ଟା କରନ୍ତୁ । ସେହିପରି ଛତୁଆ, ଚୂଡା ଆଦି ମଧ୍ୟ ଆପଣଙ୍କ ଖାଦ୍ୟ ସାରଣୀରେ ସାମିଲ କରିପାରିବେ । କିନ୍ତୁ ପିରିୟଡ୍ସ ବେଳେ ମିଠା ଜାତୀୟ ଖାଦ୍ଯ ବିଲକୁଲ ମଧ୍ୟ ଖାଇବା ଉଚିତ ନୁହେଁ । କାରଣ ଏହି ସମୟରେ ଆମ ଶରୀରରେ ଇନସୁଲିନ ସଠିକ ଭାବେ କ୍ଷରଣ ହୁଏ ନାହିଁ । ସେଥିପାଇଁ ଅଧିକ ମିଠା, ତେଲ ଏବଂ ଚର୍ବି ଜାତୀୟ ଖାଦ୍ଯ ଆଦି ଖାଇବା ଉଚିତ ନୁହେଁ ।
ଅଧିକ ମଇଦାଯୁକ୍ତ ଖାଦ୍ଯ, ତେଲ ଛଣା, କେକ୍, ପେଷ୍ଟ୍ରି, ଟ୍ରାନ୍ସଫ୍ୟାଟ ତଥା ଚିପ୍ସ ଜାତୀୟ ଖାଦ୍ଯ ଆଦି ଖାଇବା ଉଚିତ ନୁହେଁ । ପିରିୟଡ୍ସ ବେଳେ ବାସି ଏବଂ ଖଟା ଜାତୀୟ ଖାଦ୍ୟ ମଧ୍ୟ ନ ଖାଇବା ଉଚିତ । ଦରସିଝା ଖାଦ୍ଯ ବା ଯେଉଁ ଖାଦ୍ଯ ସହଜରେ ହଜମ ହୁଏ ନାହିଁ, ସେହିଭଳି ଖାଦ୍ଯ ମଧ୍ୟ ପିରିୟଡ୍ସ ବେଳେ ଖାଇବା ଉଚିତ ନୁହେଁ । ପିରିୟଡ୍ସ ବେଳେ ଯାହା ମଧ୍ୟ ଖାଇବେ ସବୁବେଳେ ତଟକା ଏବଂ ଉଷୁମ ଜିନିଷ ଖାଇବାକୁ ଚେଷ୍ଟା କରନ୍ତୁ ।
ଏହାସହ ଆପଣଙ୍କର ଯେକୌଣସି ଅସୁବିଧା ଦେଖା ଦେଲେ ପ୍ରଥମେ ଡାକ୍ତରଙ୍କ ସହ ପରାମର୍ଶ କରନ୍ତୁ । ମନଇଛା ଚିକିତ୍ସା କରିବା ବା ଔଷଧ ଖାଆନ୍ତୁ ନାହିଁ । ଆମ ପୋଷ୍ଟ ଅନ୍ୟମାନଙ୍କ ସହ ଶେୟାର କରନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍କୁ ଲାଇକ କରନ୍ତୁ ।