ୟୁକ୍ରେନ ଉପରେ ଋଷିଆ ଏମିତି ମିଶାଇଲ ମାଡ କରି ଚାଲିଛି ଯାହାକୁ ଆମେରିକା, ଫ୍ରାନ୍ସ ଏବଂ ଜାପାନ ଭଳି ବିକଶିତ ରାଷ୍ଟ୍ର ମଧ୍ୟ ସାମ୍ନା କରିପାରିବ ନାହିଁ । ସକାଲୁଇ ସନ୍ଧ୍ୟା ପର୍ଯ୍ୟନ୍ତ ୟୁକ୍ରେନ ଆକାଶରୁ ଅହରହ ଖସୁଛି ମିଶାଇଲ । କୋଠାଘର, ମେଡିକାଲ ଏବଂ କେତେବେଳେ ମାର୍କେଟକୁ ଟାର୍ଗେଟ କରୁଛନ୍ତି ଋଷ ସୈନ୍ୟ । ମୋଟ ଉପରେ ଯୁଦ୍ଧକୁ ମାସେ ଉପରେ ବିତି ଯାଇଥିଲେ ମଧ୍ୟ ୟୁକ୍ରେନ ଉପରେ ଅନବରତ ଆକ୍ରମଣ କରି ଚାଲିଛି ଋଷିଆ । ୟୁକ୍ରେନ ଉପରେ ଋଷ ସବୁଠୁ ଭୟଙ୍କର ଓ ସ୍ମାର୍ଟ ହାଇପରସୋନିକ ମିଶାଇଲ ମାଡ କରିଛି ।
ଏହା ବ୍ଯତୀତ ଆହୁରି ଅନେକ ଜୀବନ ନାଶକ ମିଶାଇଲ ମଧ୍ୟ ଋଷ ୟୁକ୍ରେନ ଉପରେ ବର୍ଷ କରିଚାଲିଛି । ଋଷର ଏଭଳି ଆକ୍ରମଣରେ ୟୁକ୍ରେନ ଥରହର ହେଉଛି । ଶୁଣିବାକୁ ମିଳୁଛି କି ଋଷ ୟୁକ୍ରେନ ଉପରେ ଏମିତି ମିଶାଇଲ ମାଡ କରୁଛି ଯାହା ମଣିଷକୁ ମାତ୍ର କେଇ ସେକେଣ୍ଡରେ ବାଷ୍ପ କରିଦେଇ ପାରେ । ଆଉ ସବୁଠୁ ଗୁରୁତ୍ୱପୂର୍ଣ୍ଣ କଥା ହେଲା ଏହି ମିଶାଇଲକୁ ଅଟକାଇବା ପାଇଁ ଆମେରିକା ସମେତ ଅନ୍ୟ କୌଣସି ଦେଶର ତାକତ ବି ନାହିଁ । ଯାହାଫଳରେ ୟୁକ୍ରେନ ଉପରେ ଆକ୍ରମଣକୁ ଦିନକୁ ଦିନ ତୀବ୍ର କରୁଛି ଋଷିଆ ।
ହାଇପରସୋନିକ ମିଶାଇଲକୁ ଋଷ ରାଷ୍ଟ୍ରପତି ଭ୍ଲାଦମିର ପୁଟିନ ଆଇଡିୟଲ ୱିପନ ନୋଳି କୁହନ୍ତି । ଏହାର ମାରକ କ୍ଷମତା ୧୫୦୦ରୁ ୨୦୦୦ କିମି । ଏହି ମିଶାଇଲରେ ପରମାଣୁ ବମ୍ କୁ ବି ବହନ କରାଯାଇ ପାରିବ । ୨୦୧୮ରେ ପରୀକ୍ଷଣ କରା ଯାଇଥିବା ଏହି ତୀବ୍ର ଗତି ସମ୍ପନ୍ନ ମିଶାଇଲ ସାମ୍ନାରେ ମଡର୍ଣ୍ଣ ଡ଼ିଫେନ୍ସ ସିଷ୍ଟମ ବି ଫେଲ୍ ମାରିବ । ଆମେରିକା ପାଖରେ ଏହାର ଜବାବ ନାହିଁ । କ୍ୟାଲିବର କୃଜ ମିଶାଇଲକୁ ଋଷ ମାର୍ଚ ୨୦ ତାରିଖରେ ବ୍ଲାକ ସି ଏବଂ କେପସିୟନ ସି ଦେଇ ୟୁକ୍ରେନ ଉପରେ ମାଡ କରାଇଥିଲା ।
ଏହି ମିଶାଇଲ ୟୁକ୍ରେନର ସେନା ଛାଉଣି କ୍ଷେତ୍ର ଏବଂ ସରକାରୀ ଭବନ ଗୁଡିକୁ ନିମିଷକେ ଧ୍ଵଂସ କରି ଦେଇଥିଲା । ଏହା ପୂର୍ବରୁ ୨୦୧୫ରେ ଋଷ ସିରିଆରେ ଆଇଏସଆଇଏସ ର ଠିକଣା ନଷ୍ଟ କରିବାକୁ ଏହି ମିଶାଇଲ ମାଡ କରିଥିଲା । ସିଲିଣ୍ଡର ଟାଙ୍କି ଭଳି ଦେଖା ଯାଉଥିବା କ୍ଲଷ୍ଟର ବମ୍ ଭିତରେ ଶହ ଶହ ବମ୍ ଖଞ୍ଜି ହୋଇ ରହିଥାଏ । ଯୁଧ ବିମାନରେ ଏହାକୁ ନେଇ ବଡ ଜନବସତି ନଷ୍ଟ କରିବା ପାଇଁ ଏହାକୁ ବ୍ୟବହାର କରା ଯାଇଥାଏ ।
ଗୋଟିଏ ବୋମାରେ ଶହ ଶହ ଲୋକଙ୍କର ମୃତ୍ୟୁ ହୋଇଥାଏ । ଋଷ ୟୁକ୍ରେନର ସହରାଞ୍ଚଳରେ ଲଗାତର ରକେଟ ମାଡ କରି ୟୁକ୍ରେନକୁ ଉଜାଡି ସାରିଲାଣି । ଏହାସହ ଆହୁରି ଅନେକ ଅତ୍ୟାଧୁନିକ ଅସ୍ତ୍ରଶସ୍ତ୍ରର ବ୍ୟବହାର କରିଚାଲିଛି ଋଷ । ଋଷିଆର ଏଭଳି ଭୟଙ୍କର ଆକ୍ରମଣ ଫଳରେ ପୁରା ୟୁକ୍ରେନ ଭୟରେ ଥରୁଛି । ଆମ ପୋଷ୍ଟ ଅନ୍ୟମାନଙ୍କ ସହ ଶେୟାର କରନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍ କୁ ଲାଇକ କରନ୍ତୁ ।