ଋଷିଆ ଓ ୟୁକ୍ରେନ ମଧ୍ୟରେ ଚାଲିଥିବା ଯୁଦ୍ଧ ସାରିବାର ନାଁ ନେଉନି । ଗୋଟିଏ ପରେ ଗୋଟିଏ ସହର କବଜା କରିଚାଲିଛି ଋଷିଆ । ଋଷିଆର ପ୍ରଚଣ୍ଡ ଆକ୍ରମଣରେ ୟୁକ୍ରେନ ଥରହର ହେଉଛି । ତେବେ ୟୁକ୍ରେନ ସହର ଉପରେ ଋଷ ସେନା ପକ୍ଷରୁ ହୋଇଥିବା ବୋମାମାଡକୁ ଖଣ୍ଡନ କରିବା ସହ ପୁଟିନ କହିଛନ୍ତି ଯଦି ୟୁକ୍ରେନ ଆମର ତିନୋଟି ସର୍ତ୍ତ ମାନିବ ତେବେ ତୁରନ୍ତ ଯୁଦ୍ଧ ବନ୍ଦ ହୋଇଯିବ । ଆଉ ଋଷର ଏହି ସର୍ତ୍ତ ସାମ୍ନାକୁ ଆସିବା ପରେ ପୁରା ବିଶ୍ବରେ ଏହାକୁ ନେଇ ବେଶ ଚର୍ଚ୍ଚା ହେଉଛି ।
ଯୁଦ୍ଧ ବିରତି ଚାହୁଁଥିଲେ ଆମର ତିନୋଟି ସର୍ତ୍ତ ମାନ ବୋଲି ୟୁକ୍ରେନକୁ କହିଛି ଋଷିଆ । ଋଷ ରଖିଥିବା ସର୍ତ୍ତ ମୁତାବକ ୟୁକ୍ରେନ ଏକ ନିରପେକ୍ଷ ଓ ଅଣ ପରମାଣୁ ଦେଶ ହେବ, ୟୁକ୍ରେନ କ୍ରିମିଆକୁ ଋଷର ଏକ ଅଂଶ ଭାବେ ସ୍ଵୀକାର କରିବ ଓ ପୂର୍ବ ୟୁକ୍ରେନର ବିଚ୍ଛିନ୍ନତାବାଦୀ ଅଞ୍ଚଳ ଗୁଡିକର ସାର୍ବଭୌମତର ସର୍ତ୍ତ ଅନ୍ତର୍ଭୁକ୍ତ କରିବ । ଯଦି ୟୁକ୍ରେନ ଋଷିଆର ଏହି ତିନୋଟି ସର୍ତ୍ତ ମାନିବ ସେତେ ଯୁଦ୍ଧ ସମାପ୍ତ ହେବ ବୋଲି ଋଷିଆ କହିଛି । କେବଳ ଏତିକି ନୁହେଁ ବରଂ ମସ୍କୋ ୟୁକ୍ରେନ ସହ ଆଲୋଚନା ପାଇଁ ପ୍ରସ୍ତୁତ ଥିବା କହିଛି ।
ସେପଟେ ଋଷ ରାଷ୍ଟ୍ରପତିଙ୍କ କାର୍ଜ୍ଯାଳୟରୁ କ୍ରେମଲୀନ କହିଛନ୍ତି କି ୟୁକ୍ରେନ ସହର ଉପରେ ଋଷ ସେନ ପକ୍ଷରୁ ବୋମାମାଡ ନେଇ ଆସିଥିବା ଅଭିଯୋଗ ସଂପୂର୍ଣ୍ଣ ମିଥ୍ୟା । ୟୁକ୍ରେନର ବେସାମରିକ ଅନୁଷ୍ଠାନକୁ ଋଷ ଆକ୍ରମଣ କରୁଛି । କୌଣସି ସାଧାରଣ ଲୋକଙ୍କୁ ଋଷ ସୈନ୍ୟ ଆକ୍ରମଣ କରୁ ନାହାନ୍ତି କି କରିବାର କୌଣସି ଯୋଜନା ବି ନାହିଁ ବୋଲି ସେ କହିଛନ୍ତି । ସେପଟେ ୟୁକ୍ରେନ ଋଷର ସମସ୍ତ ପ୍ରସ୍ତାବ ଗ୍ରହଣ କରିପାରିବ ନାହିଁ ବୋଲି ପରୋକ୍ଷରେ କହିଛନ୍ତି ଜେଲେନସ୍କି ।
ଏହାସହ ୟୁକ୍ରେନର ରାଷ୍ଟ୍ରପତି ଏବେବି ଦେଶ ମଧ୍ୟରେ ଅଛନ୍ତି ଓ ଋଷ ସୈନ୍ୟଙ୍କୁ ଡରି ଦେଶ ଛାଡି ପଳାଇ ଯିବା କଥା ସଂପୂର୍ଣ୍ଣ ମିଥ୍ୟା ବୋଲି ଜେଲେନସ୍କି କହିବା ସହ ରାଷ୍ଟ୍ରପତି ଭବନରୁ ଏକ ନୂଆ ଭିଡିଓ ଶେୟାର କରିଥିବା ଦେଖିବାକୁ ମିଳିଛି । ଦଶଦିନରୁ ଊର୍ଦ୍ଧ୍ଵ ସମୟ ହେବ ଚାଲିଥିବା ଏହି ଯୁଦ୍ଧ ବନ୍ଦ ହେଉ ବୋଲି ସମସ୍ତେ ଚାହୁଁଥିବା ବେଳେ ଋଷ ଏବେ ଯୁଧ ବନ୍ଦ କରିବା ପାଇଁ ସର୍ତ୍ତ ରଖିଛି ।
ଆଉ ୟୁକ୍ରେନ ଋଷର ସର୍ତ୍ତକୁ ମାନିବ କି ନାହିଁ ସେନେଇ ବୋଲି ପ୍ରତ୍ଯକ୍ଷ ଉତ୍ତର ଦେଇନାହିଁ । ତେବେ ଦେଖାଯାଉ ଆଗକୁ କଣ ହେଉଛି ଋଷ ୟୁକ୍ରେନ ଯୁଦ୍ଧ ସ୍ଥିତି । ତେବେ ୟୁକ୍ରେନ ଋଷର ସର୍ତ୍ତକୁ ମାନିନେବା ଉଚିତ କି ? ଏ ସମ୍ପର୍କରେ ଆପଣଙ୍କ ମତ କଣ ଆମକୁ କମେଣ୍ଟ କରି ଜଣାନ୍ତୁ ଓ ଆଗକୁ ଆମ ସହ ରହିବା ପାଇଁ ପେଜ୍ କୁ ଲାଇକ କରନ୍ତୁ ।