ପୁଣି ଥରେ ଶାଶୁଘର ସାମ୍ନାରେ ଧାରଣାରେ ବସିଲେ ଆଉ ଜଣେ ବୋହୂ । ଖାଲି ଏତିକି ନୁହେଁ ବରଂ ଶ୍ଵଶୁରଙ୍କ ନାଁରେ ସାଂଘାତିକ ଅଭିଯୋଗ ମଧ୍ୟ ଆଣିଛନ୍ତି । ସ୍ଵାମୀ ଯଦି ଫେରି ତାଙ୍କୁ ଗ୍ରହଣ ନକରନ୍ତି ତେବେ ତାଙ୍କର ସବୁ ସିକ୍ରେଟ ଖୋଲିଦେବେ ବୋଲି ଗଣମାଧ୍ୟମ ଜରିଆରେ ଧମକ ଦେଲେ ସ୍ତ୍ରୀ । ସ୍ଵାମୀ ଓ ଶ୍ଵଶୁରଙ୍କ ନାଁରେ ସାଂଘାତିକ ଅଭିଯୋଗ ଆଣିବା ସହ ଧାରଣାରେ ବସିଛନ୍ତି ବୋହୂ । ମହିଳାଜଣକ ହେଉଛନ୍ତି କଟକ ସାଲେପୁର ମାଛୁଆତି ଗାଁର ସନାତନ ମହାରଣାଙ୍କ ବୋହୂ ତଥା ଢେଙ୍କାନାଳର ସତ୍ୟନାରାୟଣ ମହାରଣାଙ୍କ ଝିଅ ସସ୍ମିତା ମହାରଣା ।
2020ରେ ବୈଦିକ ରୀତିନୀତିରେ ସୁଶେନ ମହାରଣାଙ୍କ ସହ ସସ୍ମିତାଙ୍କର ବିବାହ ହୋଇଥିଲା । ବାହାଘର ବେଳେ ଦାବି ମୁତାବକ ଯୌତୁକ ମଧ୍ୟ ଦିଆ ଯାଇଥିଲା । କିନ୍ତୁ ଶ୍ଵଶୁର ଘରଲୋକେ ପରବର୍ତ୍ତୀ ସମୟରେ ଅଧିକ ଯୌତୁକ ମାଗିଥିଲେ ବୋଲି ସସ୍ମିତା ଅଭିଯୋଗ କରିଛନ୍ତି । ଏପରିକି ଶ୍ଵଶୁର ସନାତନ ମହାରଣା ତାଙ୍କ ଉପରେ ଖରାପ ନଜର ରଖିଥିବା ମଧ୍ୟ ସେ ଅଭିଯୋଗ କରିଛନ୍ତି । ସସ୍ମିତା ଶ୍ଵଶୁରଙ୍କ ନାଁରେ ସାଲେପୁର ଥାନାରେ ଅଭିଯୋଗ କରିଛନ୍ତି ।
ହେଲେ ସାଲେପୁର ପୋଲିସ ତାଙ୍କୁ ନ୍ୟାୟ ଦେବାରେ ବିଳମ୍ବ କରୁଥିବାରୁ ସସ୍ମିତା ବାଧ୍ୟ ହୋଇ କେତେଜଣ ମହିଳାଙ୍କୁ ଧରି ଶ୍ଵଶୁର ଘର ଆଗରେ ଧାରଣାରେ ବସିଛନ୍ତି । ତାଙ୍କ କହିବା ଅନୁଯାୟୀ, ସେମାନେ 10 ଲକ୍ଷ ଟଙ୍କା, ହୋଣ୍ଡା କାର୍, ଜମି ଆଦି ମାଗିଥିଲେ । ଶେଷରେ ଶ୍ଵଶୁରଙ୍କ ପାଖରେ ବୋହୂକୁ ଛାଡି ପଳେଇଯିବାର ଯୋଜନା କରିଥିଲେ ।
ଯେଉଁଥି ପାଇଁ ସସ୍ମିତାଙ୍କ ଗର୍ଭ ନଷ୍ଟ କରିବା ସହ ତାଙ୍କ ଜୀବନ ସହ ଖେଳିଥିବା ସେ ଅଭିଯୋଗ କରିଛନ୍ତି । ତେବେ ସନାତନ ମହାରଣା କିମ୍ବା ତାଙ୍କ ପୁଅ ତଥା ସସ୍ମିତାଙ୍କ ସ୍ଵାମୀ ମାସେ ହେଲାଣି ଫେରାର ଅଛନ୍ତି । ସ୍ଥାନୀୟ ବାସିନ୍ଦା ସସ୍ମିତାଙ୍କୁ ସମର୍ଥନ କରି ତାଙ୍କ ସହ ଧାରଣାରେ ବସିଛନ୍ତି । ଝିଅକୁ ନ୍ୟାୟ ନମିଳିବା ପର୍ଯ୍ଯନ୍ତ ଅନିର୍ଦ୍ଦିଷ୍ଟ କାଳ ଯାଏଁ ସେମାନେ ସେଠାରେ ଧାରଣାରେ ବସିବେ ବୋଲି କହିଛନ୍ତି ।
ଏହାସହ ସସ୍ମିତା ସ୍ଵାମୀ ଓ ଶ୍ଵଶୁରଙ୍କ ବିରୋଧରେ ଅନେକ କିଛି ତଥ୍ୟ ରଖିଥିବା କହିଛନ୍ତି । ଯଦି ସ୍ଵାମୀ ଭଲରେ ନ ଆସନ୍ତି ତେବେ ସେ ଗଣମାଧ୍ୟମରେ ସେସବୁ ପ୍ରସାରିତ କରିଦେବେ ବୋଲି କହିଛନ୍ତି । ଆମ ପୋଷ୍ଟ ଅନ୍ୟମାନଙ୍କ ସହ ଶେୟାର କରନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍ କୁ ଲାଇକ କରନ୍ତୁ ।