ଟ୍ୟୁସନ ଦିଦି ପ୍ରେମରେ ଏମିତି ବୁଡିଗଲେ ଯେ ବୟସ, ସ୍ଥାନ, ପାତ୍ର ସବୁକିଛିକୁ ନଜରଅନ୍ଦାଜ କରିଦେଲେ । ନିଜେ ଟ୍ୟୁସନ କରୁଥିବା ଛାତ୍ରଙ୍କ ସହ ପ୍ରେମ ସମ୍ପର୍କ ରଖି ତାଙ୍କୁ ନେଇ ଫେରାର ହେଇଗଲେ ଦିଦି । ନୟାଗଡ ଜିଲ୍ଲାରୁ ଏଭଳି ଏକ ଘଟଣା ସାମ୍ନାକୁ ଆସିଛି, ଯାହାକୁ ନେଇ ସ୍ଥାନୀୟ ଅଞ୍ଚଳରେ ଚର୍ଚ୍ଚା ଜୋର ଧରିଛି । ଛାତ୍ରଙ୍କୁ ନିଜ ପ୍ରେମ ଜାଲରେ ଫସାଇବା ପରେ ତାଙ୍କୁ ନେଇ ଫେରାର ହୋଇ ଯାଇଛନ୍ତି ଟ୍ୟୁସନ ଦିଦି ।
ଏହାପରେ ଛାତ୍ରଙ୍କ ପରିବାର ଲୋକେ ଟ୍ଯୁସନ ଦିଦିଙ୍କ ନାଁରେ ଅଭିଯୋଗ ଆଣିଛନ୍ତି । ମିଳିଥିବା ସୂଚନା ଅନୁଯାୟୀ ନୟାଗଡ ଦଶପଡା ନାହକ ଅଞ୍ଚଳର ଜଣେ ଛାତ୍ରଙ୍କ ସହ ସ୍ଥାନୀୟ ଜଣେ ଟ୍ୟୁସନ ଦିଦିଙ୍କ ସହ ପ୍ରେମ ସମ୍ପର୍କ ଗଢି ଉଠିଥିଲା । ନାବାଳକ ଜଣକ 2020 ରେ ସ୍ଥାନୀୟ ଏକ କଲେଜରେ ନାମ ଲେଖାଇଥିଲେ । କଲେଜ ଯିବା ସହ ସେଠାକାର ଜଣେ ଟ୍ୟୁସନ ଦିଦିଙ୍କୁ ନିୟମିତ ପଢିବା ପାଇଁ ଯାଉଥିଲେ ନାବାଳକ ଛାତ୍ରଜଣକ ।
ହେଲେ ଟ୍ୟୁସନ ହେଉ ହେଉ ସମ୍ପୃକ୍ତ ଶିକ୍ଷୟତ୍ରୀ ଏବଂ ଉକ୍ତ ନାବାଳକ ଛାତ୍ରଙ୍କ ମଧ୍ୟରେ ପ୍ରେମ ସମ୍ପର୍କ ଗଢି ଉଠିଥିଲା । ସମ୍ପର୍କ ଧୀରେ ଧୀରେ ନିବିଡ ହେବାକୁ ଲାଗିବା ପରେ ପ୍ରେମରେ ପାଗଳ ଭଳି ହୋଇଥିଲେ ଉଭୟ ଦିଦି ଏବଂ ଛାତ୍ର । ଶିକ୍ଷୟତ୍ରୀଙ୍କ ସହ ପୁଅର ପ୍ରେମ ସମ୍ପର୍କ ବିଷୟରେ ଜାଣିବା ପରେ ପରିବାର ଲୋକେ ଏହାକୁ ବାରଣ କରିଥିଲେ ।
ଶିକ୍ଷୟତ୍ରୀ ଜଣକ ଯେପରି ତାଙ୍କ ପୁଅ ସହ କୌଣସି ଯୋଗାଯୋଗ ରଖି ପାରିବେନି ସେନେଇ କଲେଜ କତ୍ତୃପକ୍ଷଙ୍କୁ ମଧ୍ୟ ଅବଗତ କରିଥିଲେ ପରିବାର ଲୋକେ । ହେଲେ ସବୁ କଟକଣା ସତ୍ତ୍ୱେ ଉଭୟଙ୍କ ମଧ୍ୟରେ ପ୍ରେମ ଚାଲିଥିଲା । ନାବାଳକଙ୍କ ବୟସ ମାତ୍ର 17 ବର୍ଷ ହୋଇଥିବା ବେଳେ ଶିକ୍ଷୟତ୍ରୀ ବୟସ 30 ବର୍ଷ ହେବ । ଉଭୟଙ୍କ ମଧ୍ୟରେ ପ୍ରେମ ଏତେ ବଢି ଯାଇଥିଲା ଯେ ସବୁକିଛି ଭୁଲି ଉଭୟ ଫେରାର ହୋଇ ଯାଇଛନ୍ତି ।
ଆଉ ଏବେ ପୁଅ ଫେରାର ହେବା ଘଟଣା ନେଇ ଉକ୍ତ ଶିକ୍ଷୟତ୍ରୀ ଓ ତାଙ୍କ ପରିବାରକୁ ଦୋଷ ଦେଉଛନ୍ତି ନାବାଳକଙ୍କ ପରିବାର ଲୋକେ । ଜଣେ ଶିକ୍ଷୟତ୍ରୀ ହୋଇ ନିଜ ଛାତ୍ରଙ୍କ ସହ କିପରି ପ୍ରେମ ସମ୍ପର୍କ ରଖିଲେ ଏହାକୁ ନେଇ ଏବେ ସ୍ଥାନୀୟ ଅଞ୍ଚଳରେ ଖୁବ ଜୋରରେ ଚର୍ଚ୍ଚା ଚାଲିଛି । ଆମ ପୋଷ୍ଟ ଅନ୍ୟମାନଙ୍କ ସହ ଶେୟାର କରନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍ କୁ ଲାଇକ କରନ୍ତୁ ।