ପ୍ରଥମ ଓଡିଆ ଝିଅ ଭାବେ ସୁପର ମଡେଲ ପ୍ରତିଯୋଗୀତାରେ ଭାଗ ନେଇ ରାଜ୍ୟ ତଥା ନିଜ ଜିଲ୍ଲା ପାଇଁ ଗୌରବ ଆଣିଛନ୍ତି ସ୍ଵପ୍ନା । ଢେଙ୍କାନାଳର କୁଞ୍ଜକାନ୍ତରେ ସ୍ଵପ୍ନାଙ୍କ ଘର । ପିଲାଟି ବେଳୁ ଆକ୍ଟି॰ ଓ ମଡେଲି॰ ପ୍ରତି ରହିଥିବା ଆହେତୁକ ଦୁର୍ବଳତା ସ୍ଵପ୍ନାଙ୍କୁ ମାୟାନଗରୀ ମୁମ୍ବାଇରେ ପହଞ୍ଚାଇ ଦେଇଛି । ଏମଟିଭି ର ରିୟାଲିଟି ଶୋ ସୁପର ମଡେଲ ଅଫ ଦି ଇୟର ସିଜିନ-୨ ରେ ସେ ଦ୍ଵିତୀୟ ରନର୍ସ ଅଫ ସ୍ଥାନ ହାସଲ କରିଛନ୍ତି । ଏହି ରିୟାଲିଟି ଶୋରେ ଦେଶର ବିଭିନ୍ନ ସ୍ଥାନରୁ ୧୫ ଜଣ ପ୍ରତିଯୋଗୀ ଭାଗ ନେଇଥିଲେ ।
ଓଡିଶାର ପ୍ରସିଦ୍ଧ ରଙ୍ଗବତୀ ଗୀତରେ ସେ ମଞ୍ଚ ଦୁଲୁକାଇ ଦେଇଥିଲେ । ଏହି ଶୋରେ ଜଜ୍ ଭୂମିକାରେ ରହିଥିବା ବଲିଉଡ ଅଭିନେତ୍ରୀ ମଲାଇକା ଅରୋରା ଓ ମିଲିନ୍ଦ ସୋମନ ମଧ୍ୟ ସ୍ଵପ୍ନାଙ୍କ ସହ ନାଚିଥିଲେ । ଗତ ଜୁଲାଇରେ ଏହି ପ୍ରତିଯୋଗୀତା ପାଇଁ ସ୍ଵପ୍ନା ଅଡିସନ ଦେଇଥିଲେ । ମାତ୍ର ୧୯ ବର୍ଷ ବୟସରେ ସ୍ଵପ୍ନା ପ୍ରଥମ ଓଡିଆ ଝିଅ ଭାବେ ଏହି ଶୋରେ ସଫଳତା ହାସଲ କରିଛନ୍ତି ।
ଆଉ ଏଥିପାଇଁ ସେ ଅତ୍ୟନ୍ତ ଗର୍ବିତ ବୋଲି କହିଛନ୍ତି । ବାପା ବିଶ୍ଵଜିତ ଓ ମା ମଧୁମିତା ରାଉତରାୟଙ୍କ ଏକମାତ୍ର ଅଲିଅଳି ଝିଅ ହେଉଛନ୍ତି ସ୍ଵପ୍ନା । ପିଲାଟି ବେଳୁ ମଡେଲି॰ ପ ଆକ୍ଟି॰ରେ ରୁଚି ଥିବାରୁ ସେ ୨୦୧୫ରେ ପ୍ରଥମେ ମଡେଲି॰ ଦୁନିଆରେ ପାଦ ଦେଇଥିଲେ । ଏହାପରେ ସେ ଆଉ ପଛକୁ ଫେରି ଚାହିଁ ନାହାନ୍ତି । ୨୦୧୮ରେ ମିଆଁମାରର ୟାଙ୍ଗୁନ ଠାରେ ଅନୁଷ୍ଠିତ ମିସ୍ ଟୁରିଜିମ ଓ କଲଚର ୟୁନିଭର୍ସରେ ତୃତୀୟ ରନର୍ସ ଅଫରେ ସ୍ଥାନ ପାଇଥିଲେ ସ୍ଵପ୍ନା ।
କେବଳ ସେତିକି ନୁହେଁ ସେ ମିସ୍ ଛତିଶଗଡ ଉପାଧି ମଧ୍ୟ ହାସଲ କରିଛନ୍ତି । ଦୁଇ ବର୍ଷ ତଳେ ସେ ଏକ ଓଲିଉଡ ଚଳଚିତ୍ରରେ ଅଭିନୟ ଆରମ୍ଭ କରିଥିଲେ । ତାଙ୍କ ଅଭିନୀତ ଅନ୍ୟ ଏକ ଓଡିଆ ଚଳଚିତ୍ର ସୁଟି॰ ସାରିଥିବା ବେଳେ ରିଲିଜ ଅପେକ୍ଷାରେ ରହିଛି । ମାତ୍ର ୧୯ ବର୍ଷ ବୟସରେ ଝିଅର ଏହି ସଫଳତା ପାଇଁ ଖୁସି ଥିବା କହିଛନ୍ତି ତାଙ୍କ ବାପା ମା ।
ଆଗକୁ ସୁଯୋଗ ମିଳିଲେ ବଲିଉଡରେ ମଧ୍ୟ କାମ କରିବା ସହ ଜଣେ ଆନ୍ତର୍ଜାତୀୟ ସ୍ତରର ମଡେଲ ହେବା ପାଇଁ ଆଶା ରଖିଛନ୍ତି ସ୍ଵପ୍ନା । ସ୍ଵପ୍ନାଙ୍କ ପରିଶ୍ରମ ଓ ତାଙ୍କ ପିତାମାତାଙ୍କ ସହଯୋଗ ଆଜି ତାଙ୍କୁ ଏହି ସବୁ ସଫଳତା ହାସଲ କରିବାରେ ସାହାଯ୍ୟ କରିଛି ।
ସେ ପିଲାବେଳୁ ଏହି ସବୁ ମଡେଲି॰ ଶୋର ବହୁତ ବଡ ଫ୍ୟାନ ଥିବା ବେଳେ ଆଜି ସେହି ଶୋରେ ଭାଗ ନେଇ ସଫଳତା ହାସଲ କରି ପାରିଥିବାରୁ ସେ ବହୁତ ଖୁସି ଅଛନ୍ତି ବୋଲି କହିଛନ୍ତି । ତେବେ ସେ ଆଗକୁ ଆହୁରି ସଫଳତା ହାସଲ କରିବା ସହ ଆମ ଦେଶ ଓ ରାଜ୍ୟ ପାଇଁ ଗୌରବ ଆଣିବେ ବୋଲି ଆମର ଆଶା ଏବଂ ବିଶ୍ବାସ । ଆମ ପୋଷ୍ଟ ଅନ୍ୟମାନଙ୍କ ସହ ଶେୟାର କରନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍କୁ ଲାଇକ କରନ୍ତୁ ।