ଏକ ସୁସ୍ଥ ଶରୀର ପାଇଁ ଅତି କମ୍ ରେ ୮ଘଣ୍ଟା ଶୋଇବା ଅତ୍ୟନ୍ତ ଜରୁରୀ । ଖାଲି ଶରୀର ନୁହେଁ ବରଂ ମାନସିକ ଶାନ୍ତି ପାଇଁ ଭଲ ନୀଡର ଆବଶ୍ୟକତା ରହିଛି । ମାତ୍ର ଅଧିକାଂଶ ଲୋକଙ୍କୁ ଶୀଘ୍ର ନିଦ ଆସେ ନାହିଁ ଓ ଅନେକ ଲୋକ ସାରା ରାତି ଚାହିଁ ରହନ୍ତି । ରାତିଆରେ ଭଲ ନିଦ ନହେଲେ ଏହାର କୁପ୍ରଭାବ ମସ୍ତିଷ୍କ ଉପରେ ପଡିଥାଏ । ତେବେ ଭଲ ନିଦରେ କିପରି ଶୋଇବେ ଆସନ୍ତୁ ଜାଣିବା ବିଶିଷ୍ଟ ସ୍ନାୟୁ ମାନସିକ ରୋଗ ବିଶେଷଜ୍ଞ ଡାକ୍ତର ସତ୍ୟକାମ ମହାପାତ୍ରଙ୍କ ଠାରୁ ।
ଅନେକ ଲୋକ ନିଦ ନହେଲେ ବାରମ୍ବାର ଫୋନ ଦେଖିଥାନ୍ତି ଓ ଇଣ୍ଟରନେଟ ୟୁଜ କରିଥାନ୍ତି । କିନ୍ତୁ ଏହା ସଂପୂର୍ଣ୍ଣ ଭୁଲ କାର୍ଯ୍ୟ ଅଟେ । ଏପରି କରିବା ଦ୍ଵାରା ଆମ ବ୍ରେନ ଆଉ ଥରେ ଆକ୍ଟିଭ ହୋଇଯାଏ ଏବଂ ନିଦ ଆସିବାରେ ଆହୁରି ଡେରି ହୋଇଥାଏ । ଜଣେ ସାଧାରଣ ଲୋକଙ୍କୁ ୬ରୁ ୮ଘଣ୍ଟା ଏନଆଇଡ଼ି ହୋଇଥାଏ ଓ ବୟସ୍କ ବ୍ୟକ୍ତିଙ୍କୁ ୪ରୁ ୫ଘଣ୍ଟା ନିଦ ହୋଇଥାଏ । ଭଲ ନିଦ ହେବା ପାଇଁ ଆପଣ ପ୍ରତିଦିନ ଏକ ନିର୍ଦ୍ଧିଷ୍ଟ ସମୟରେ ଶୋଇବାକୁ ଚେଷ୍ଟା କରନ୍ତୁ ।
ଯେପରିକି ୧୦ଟାରୁ ୧୧ଟା ଭିତରେ ଶୋଇଲେ ୬ଟାରୁ ୭ଟା ଭିତରେ ଉଠିବେ । ଏହାଦ୍ବାରା ଆପଙ୍କ ସ୍ଲିପ ସାଇକେଲ ଭଲ ରହିବ ଓ ନିଦ ଠିକ ଆସିବ । ରାତ୍ରି ଭୋଜନ ପରେ ୯ଟା କିମ୍ବା ୧୦ଟା ପରେ ଆପଣ ଆଉ ଫୋନ ବ୍ୟଭର କରନ୍ତୁ ନାହିଁ । କାରଣ ଏହାଦ୍ବାରା ଆପଣଙ୍କ ବ୍ରେନ ଆକ୍ଟିଭ ହୋଇ ରହିବ ଓ ନିଦ ଆସିବ ନାହିଁ ।
ଯଦି ଆପଣ ଶୋଇବାକୁ ଚେଷ୍ଟା କରୁଥିଲେ ମଧ୍ୟ ନିଦ ଆସୁ ନାହିଁ ତେବେ ଆପଣଙ୍କୁ ଭଲ ଲାଗୁଥିବା କିଛି କାମ ଯଥା ନୋଭେଲ ପଢନ୍ତୁ କିମ୍ବା ମ୍ୟୁଜିକ ଶୁଣନ୍ତୁ ଦେଖିବେ ଆପଣଙ୍କୁ ନିଦ ଆସିବ । ଏହାସହ ସନ୍ଧ୍ୟା ସମୟରେ କୌଣସି ଉତ୍ତେଜକ ଖାଦ୍ଯପଦାର୍ଥ ଯଥା ଚାହା, କଫି ଆସି ପିଅନ୍ତୁ ନାହିଁ । ଦିନରେ ୩୦ରୁ ୪୫ ମିନିଟ ଏକ୍ସରସାଇଜ ଓ ଡିପ୍ ବ୍ରିଦିଙ୍ଗ ଏକ୍ସରସାଇଜ ମଧ୍ୟ କରନ୍ତୁ । ସନ୍ଧ୍ୟା ସମୟରେ ମଧ୍ୟ ଶାରୀରିକ ବ୍ୟାୟମ କଲେ ଏହା ଭଲ ନିଦ ଆଣିବାରେ ସହାୟକ ହୋଇଥାଏ ।
ଏହାସହ ସଫ୍ଟ ମ୍ୟୁଜିକ ମଧ୍ୟ ଶୁଣିଲେ ଲାଭଦାୟକ ହୋଇଥାଏ । ଅଧିକ ରାତି କେବେବି ଫୋନ, ଟିଭି ଆଦି ଦେଖନ୍ତୁ ନାହିଁ । ଦିନ ସାରା ଆପଣ ପ୍ରଚୁର ପରିମାଣରେ ପାଣି ପିଅନ୍ତୁ ଓ ରାତିରେ କେବେ ହେଲେ ଭାରି ଖାଦ୍ଯ ଖାଆନ୍ତୁ ନାହିଁ ।
କାରଣ ଅନେକ ସମୟରେ ଦେଖା ଦେଇଛି ଭାରି ଖାଦ୍ଯ ଖାଇବା ଦ୍ଵାରା ହଜମ ହେବାରେ ସମସ୍ଯା ହୋଇଥାଏ ଓ ତାହା ନିଦରେ ବାଧା ଦେଇଥାଏ । ସବୁଠୁ ବଡ କଥା ହେଉଛି ଆପଣ ରିଲାକ୍ସ ରୁହନ୍ତୁ । ରିଲାକ୍ସ ରହିଲେ କେବେବି ଶୋଇବାରେ ସମସ୍ଯା ଦେଖାଦେବ ନାହିଁ । ଯଦି ଏହାପରେ ବି ଆପଣଙ୍କୁ ନିଦ ହେଉନାହିଁ ତେବେ ମାନସିକ ବିଶେଷଜ୍ଞଙ୍କ ସହ ପରାମର୍ଶ କରନ୍ତୁ । ଆମ ପୋଷ୍ଟ ଅନ୍ୟମାନଙ୍କ ସହ ସେୟାର କରନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍ କୁ ଲାଇକ କରନ୍ତୁ ।