ଭାରତ ଦେଶରେ ବହୁତ ସାରା ଦେବୀ ଦେବତାଙ୍କ ମନ୍ଦିର ରହିଛି, ସବୁ ମନ୍ଦିର ଗୁଡିକର ଅଲଗା ଅଲଗା ବିଶେଷତ୍ତ୍ଵ ରହିଛି । ସବୁ ମନ୍ଦିରର କିଛି ଇତିହାସ ରହିଛି ଓ କାହାଣୀ ମଧ୍ୟ ରହିଛି । ବହୁତ ଥର ଏହି ମନ୍ଦିର ଗୁଡିକ ବିଷୟରେ ଜାଣି ଲୋକମାନେ ଆଶ୍ଚର୍ଯ୍ୟ ହେଇଯାନ୍ତି । ଏହି ମନ୍ଦିର ଗୁଡିକରେ ହେଉଥିବା ଚମତ୍କାର ପାଇଁ ଲୋକମାନଙ୍କର ବିଶ୍ଵାସ ବଢିଯାଇଥାଏ । ଏହି ମନ୍ଦିର ଗୁଡିକରେ ଲୋକମାନଙ୍କର ଆସ୍ଥା ଯୋଡି ହୋଇଥାଏ, କିନ୍ତୁ ଆଜି ଆମେ ଆପଣଙ୍କୁ ଏମିତି ଏକ ମନ୍ଦିର ବିଷୟରେ କହିବୁ ଯାହାକୁ ବହୁତ କମ ଲୋକ ଜାଣିଛନ୍ତି ।
ଦେଶସାରା ଆପଣମାନେ ଶନି ଦେବତାଙ୍କର ବହୁତ ମନ୍ଦିର ଦେଖିଥିବେ ଓ ଦର୍ଶନ କରିବା ନିମିତ୍ତ ମଧ୍ୟ ଯାଇଥିବେ । କିନ୍ତୁ ଆଜି ଆମେ ଆପଣଙ୍କୁ ଯେଉଁ ମନ୍ଦିର ବିଷୟରେ କହିବୁ ସେହି ମନ୍ଦିରଟି ଉତ୍ତର ପ୍ରଦେଶର ଉଜ୍ଜୈନରେ ଅବସ୍ଥିତ, ଯାହାକୁ ଶନି ମନ୍ଦିର ନାମରେ ଲୋକମାନେ ଜାଣନ୍ତି । ଏହି ମନ୍ଦିରଟି ନବଗ୍ରହ ମନ୍ଦିର ନାମରେ ମଧ୍ୟ ନାମିତ । ଶନି ଦେବତାଙ୍କ ଏହି ମନ୍ଦିରଟି ଶିପ୍ରା ନଦୀ କୂଳରେ ଅବସ୍ଥିତ । କୁହାଯାଏ କି ଏହି ମନ୍ଦିରଟି ୨୦୦୦ ବର୍ଷ ପୂର୍ବେ ଏଠାରେ ସ୍ଥାପିତ ହୋଇଥିଲା । ଏହି ମନ୍ଦିରର ସ୍ଥାପନା ରାଜା ବିକ୍ରମାଦିତ୍ୟ କରାଇଥିଲେ ।
ଏହି ମନ୍ଦିରରେ ନ୍ୟାୟାଧୀଶ ଶନିଦେବ ଶିବଙ୍କ ରୂପରେ ବିରାଜମାନ ଅଟନ୍ତି । ଲୋକମାନେ ବହୁତ ଦୂରରୁ ଶନି ଦେବତାଙ୍କୁ ତେଲ ଅର୍ପଣ କରିବା ପାଇଁ ଏହି ମନ୍ଦିରକୁ ଆସନ୍ତି । ସବୁ ଶ୍ରଦ୍ଧାଳୁମାନେ ନିଜର ଇଛା ପୂରଣ କରିବା ପାଇଁ ଶନି ଦେବତାଙ୍କ ଉପରେ ତେଲ ଅର୍ପଣ କରନ୍ତି । କୁହାଯାଏ କି ଏହି ମନ୍ଦିରରେ ତେଲ ଅର୍ପଣ କରିବା ଦ୍ଵାରା ଶନିଦୋଷ ରୁ ମୁକ୍ତି ମିଳିଥାଏ ।
କୁହାଯାଏ କି ଅମାବାସ୍ୟା ଦିନ ଏଠାରେ ଶନି ଦେବତାଙ୍କ ଉପରେ ୫ କ୍ଵିଣ୍ଟାଲରୁ ବି ଅଧିକ ତେଲ ଅର୍ପଣ କରାଯାଏ । ଏହି ଦିନରେ ଶ୍ରଦ୍ଧାଳୁ ଶିବଙ୍କ ରୂପରେ ଶନିଙ୍କୁ ତେଲ ଅର୍ପଣ କରନ୍ତି । ଏହି ମନ୍ଦିରରୁ କୌଣସି ବି ଶ୍ରଦ୍ଧାଳୁ ନିରାଶ ହୋଇ ଫେରି ନଥାଏ ।