ଜଣେ ମା’ଙ୍କର ଏହି ଦୃଶ୍ୟ ଦେଖିଲେ ଆପଣ ବି ନିଜ କୋହ ସମ୍ଭାଳି ପାରିବେନି । ଝିଅ ପାଇଁ ମାଆ ମାଟିରେ ଗଡେଇ ତଡେଇ ହୋଇ କାନ୍ଦୁଛି ଆଉ ଚେତାଶୁନ୍ୟ ହୋଇପଡୁଛି । ରାତିରେ ଗେଲ ବସରିଆ ଝିଅ କଲ୍ କରିଥିଲା ଆଉ ସବୁକିଛି ଠିକ ଲାଗୁଥିଲା । କିନ୍ତୁ ସକାଳୁ ଫ୍ୟାନରେ ଝୁଲି ପଡିଥିଲା ଝିଅ । ସବୁଦିନ ପାଇଁ ଆଖି ଦେଇଛି ଝିଅ ଲିପ୍ସା । ଆଉ ଝିଅର ଏହି ଖବର ସହି ନପାରି ମା ଚିତ୍କାର କରି କାନ୍ଦୁଛି । ସିନିଅର ମାନଙ୍କ ଟର୍ଚର ସହି ନପାରି ଝିଅ ଲିପ୍ସା ଶେଷରେ ଜୀବନ ହାରି ଦେଇଛି ।
ଲିପ୍ସା ନର୍ସିଙ୍ଗ ପାଠ ପଢିବା ପାଇଁ ଯାଇ ବାଲେଶ୍ଵରର ଏକ ଘରୋଇ ମେଡିକାଲରେ ନର୍ସିଙ୍ଗ ଟ୍ରେନିଂ ନେଉଥିଲେ । କିନ୍ତୁ ସିନିଅର ମାନଙ୍କ ଅତ୍ୟାଚାର ଦିନକୁ ଦିନ ବଢିଚାଲିଲା । ଶେଷରେ ସେ ସହି ନପାରି ଜୀବନ ହାରିଦେଲେ । ବାଲେଶ୍ଵର ଜିଲ୍ଲା ସୋର ଥାନା ଅନ୍ତର୍ଗତ ସବିରା ଅଞ୍ଚଳର ଗଙ୍ଗାଧର ବେହେରାଙ୍କ ଝିଅ ହେଉଛନ୍ତି ଲିପ୍ସାରାଣୀ ବେହେରା । ସେ ବାଲେଶ୍ଵର ସ୍ଥିତ ଏକ ଘରୋଇ ନର୍ସିଙ୍ଗ ମେଡିକାଲର ପ୍ରଥମ ବର୍ଷର ଛାତ୍ରୀ ଥିଲେ ।
ଗତ ରବିବାର ଦିନ ରାତିରେ ଝିଅ ଗୁରୁତର ଅଛି ବୋଲି ବାପା ଗଙ୍ଗାଧରଙ୍କ ନିକଟରୁ ପୋଲିସ ତରଫରୁ କଲ୍ ଯାଇଥିଲା । ଶୀଘ୍ର ସେମାନଙ୍କୁ ଜ୍ଯୋତି ହସ୍ପିଟାଲରେ ପହଞ୍ଚିବା ପାଇଁ କୁହାଯାଏ । ପରିବାର ଲୋକେ ପହଞ୍ଚିବା ପରେ ଝିଅକୁ ଗୁରୁତର ଅବସ୍ଥାରେ ଆଇସିୟୁରେ ଦେଖିବାକୁ ପାଇଥିଲେ । ଝିଅର ଏଇ ଅବସ୍ଥା କେମିତି ହେଲା ଭାବି ତାଙ୍କ ପାଦତଳୁ ମାଟି ଖସି ଯାଇଥିଲା ।
ପରିବାର ଲୋକେ ଝିଅର ଏଭଳି ଅବସ୍ଥା କେମିତି ହେଲା ତାହା ଜାଣିବାକୁ ଚାହିଁଥିଲେ । କିନ୍ତୁ କଲେଜ କତ୍ତୃପକ୍ଷ ଝିଅ ରହୁଥିବା ହଷ୍ଟେଲ ରୁମ୍ କୁ ଛାଡି ନଥିଲେ କିମ୍ବା ରୁମ୍ ମେଟ୍ ଙ୍କ ସହ କଥା ହେବାକୁ ମଧ୍ୟ ଦେଲେନାହିଁ । ଲିପ୍ସାକୁ ଗୁରୁତର ଭାବେ ଭୁବନେଶ୍ବରର ଏକ ଘରୋଇ ହସ୍ପିଟାଲକୁ ସ୍ଥାନାନ୍ତର କରା ଯାଇଥିଲା । କିନ୍ତୁ ଚିକିତ୍ସାଧୀନ ଅବସ୍ଥାରେ ସକାଳ ୯ଟା ସମୟରେ ଲିପ୍ସାଙ୍କ ମୃତ୍ୟୁ ହୋଇ ଯାଇଥିଲା ।
ସିନିଅର ମାନଙ୍କ ରାଗିଂ ଯୋଗୁଁ ଲିପ୍ସା ଜୀବନ ହାରିଥିବା ତାଙ୍କ ପରିବାର ଲୋକେ ସିଧାସଳଖ ସଦର ଥାନାରେ ଅଭିଯୋଗ ଆଣିଛନ୍ତି । ରାଗିଂରେ ଆଉ କେତେ ଜୀବନ ଯିବ ଆଉ କେବେ ବନ୍ଦ ହେବ ଏହି ରାଗିଂ ? କେବେ ଏମାନଙ୍କୁ ନ୍ୟାୟ ମିଳିବ ? ଏନେଇ ସମସ୍ତେ ପ୍ରଶ୍ନ କରୁଛନ୍ତି । ଆମ ପୋଷ୍ଟ ଅନ୍ୟମାନଙ୍କ ସହ ଶେୟାର କରନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍ କୁ ଲାଇକ କରନ୍ତୁ ।