କାନ୍ଥକୁ ଡେରିଛି ବ୍ୟାଗ ଆଉ ପଛରେ ରଖିଛି ଗ୍ଯାସଚୁଲା, ହାଣ୍ଡି, କଡେଇ ଆଉ ମାସ୍କ ପାଇଁ ରାସନ ସାମଗ୍ରୀ । ଆଉ ଯିଏ ସିନ୍ଦୁର ଦେଇଥିଲା ତା’ ଘରେ ରହିବ ବୋଲି ଜିଦ୍ ଧରିଛି । ହେଲେ ତାଙ୍କ ଘର ତାଲା ପଡିଛି । ଏବେ ଆଉ ଘରକୁ ପଶିପାରୁନି ଘରର ବୋହୂ । ମାସେରୁ ଉର୍ଦ୍ଧ ସମୟ ହେବ ଶ୍ଵଶୁର ଘର ବାରଣ୍ଡାରେ ବସିରହିଛି । ଏହି ମହିଳାଜଣକ ହେଉଛନ୍ତି ରୀନା ଖଟୁଆ, ଯିଏକି ଚଳିତ ବର୍ଷ ଜୁଲାଇ ୭ରେ ବିବାହ କରିଥିଲେ । ହେଲେ ବାହାଘରକୁ ମାସେ ନ ପୁରୁଣୁ ପାରିବାରିକ କଳି ଆରମ୍ଭ ହୋଇ ଯାଇଥିଲା ।
ଶାଶୁଘର ଲୋକ ଯୌତୁକକୁ ନେଇ ତାଙ୍କୁ ନିର୍ଯ୍ୟାତନା ଦେଇ ଆସୁଥିଲେ । ଡାଇନିଙ୍ଗ ଟେବୁଲ, ୱାସିଙ୍ଗ ମେସିନ ଆଉ ୧୦ ଲକ୍ଷ ଟଙ୍କା ଆଣିବାକୁ ସେମାନେ ବୋହୂକୁ ବାଧ୍ୟ କରୁଥିଲେ । କିନ୍ତୁ ରୀନାଙ୍କ ବାପା ବାହାଘର ବେଳେ ସକ୍ଷମ ଅନୁସାରେ ୨ ଲକ୍ଷ ଟଙ୍କା ଦେଇଥିଲେ । ସେମାନଙ୍କ ଡିମାଣ୍ଡ ଅନୁଯାୟୀ ଯୌତୁକ ନ ଆଣିବାରୁ ଶାଶୁଘର ଲୋକେ ତାଙ୍କୁ ମାରଧର କରୁଥିଲେ ।
ଯାହାପରେ ସେମାନେ ପ୍ଳାନ କରି ବାପଘରକୁ ବୁଲିବା ନାଁ କହି ସେଠାରେ ତାଙ୍କୁ ଛାଡି ଦେଇ ଆସିଥିଲେ । କିନ୍ତୁ ରୀନା ତୁରନ୍ତ ଶ୍ଵଶୁର ଘରକୁ ଫେରିଥିଲେ, ଆଉ ଦେଖିଥିଲେ କି ସେଠାରେ ତାଲା ପଡିଛି । ଏନେଇ ସେ ନିଜ ବାପାମା’ଙ୍କୁ ଜଣାଇବା ସହ ପୋଲିସରେ ମଧ୍ୟ ଖବର ଦେଇଥିଲେ ।
ଯାହାପରେ ଦୋଷୀକୁ ଦଣ୍ଡ ମିଳିବ ବୋଲି ପୋଲିସ କଥା ଦେଇଥିଲା । ହେଲେ ତାଙ୍କୁ ଏଯାଏଁ ଖୋଜି ପାରିଲାନି ପୋଲିସ । ଯାହାପରେ ରୀଣ ନିଜ ଶ୍ଵଶୁର ଘର ସାମ୍ନାରେ ଗତ ମାସ ୬ ତାରିଖ ଠାରୁ ଆସି ବସି ରହିଛନ୍ତି । ହେଲେ ପୋଲିସ ଏଯାଏଁ କିଛି ବୁଝୁନାହିଁ କି କୌଣସି କାର୍ଯ୍ୟାନୁଷ୍ଠାନ ନେଉନି ।
ତେବେ ଆହୁରି ମଧ୍ୟ କୁହାଯାଉଛି କି ରୀନା ଓ ତାଙ୍କ ସ୍ଵାମୀଙ୍କ ମଧ୍ୟରେ ଏକ ଫୋନ କଲ୍ କୁ ନେଇ ସନ୍ଦେହ ଆରମ୍ଭ ହୋଇଥିଲା । ରୀନା ତାଙ୍କ ମାମୁଁଙ୍କ ସହ କଥା ହେଉଥିବା ବେଳର ଏକ ଅଡିଓ ରେକର୍ଡ ସ୍ଵାମୀଙ୍କ ହାତରେ ପଡିଥିଲା । ଯାହାର ସାତ୍ୟତା ଏବେବି ସନ୍ଦେହ ଘେରରେ ରହିଛି । ତେବେ ରୀନାଙ୍କୁ ବଦନାମ କରିବା ପାଇଁ ଶାଶୁଘର ଲୋକେ ଏପରି କରିଥିବା କହିଛନ୍ତି ରୀନା । କେବଳ ଏତିକି ନୁହେଁ ତାଙ୍କ ଫଟୋ ଫର୍ଜରି କରି ତାଙ୍କୁ ସମାଜରେ ନିଜ ଶାଶୁଘର ଲୋକେ ହିଁ ବଦନାମ କରିଛନ୍ତି ବୋଲି ଅଭିଯୋଗ ଆଣିଛନ୍ତି ରୀନା ।
ଏନେଇ ରୀନା କୋର୍ଟରେ ମାମଲା ରୁଜୁ କରିଛନ୍ତି ଓ ଦୋଷୀଙ୍କୁ ନିଶ୍ଚିତ ଭାବେ ଦଣ୍ଡ ମିଳିବ ବୋଲି ତାଙ୍କର ବିଶ୍ବାସ ସେ କହିଛନ୍ତି । ଆମ ପୋଷ୍ଟ ଅନ୍ୟମାନଙ୍କ ସହ ଶେୟାର କରନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍ କୁ ଲାଇକ କରନ୍ତୁ ।