ଓଲିଉଡର ବେଶ ଜଣାଶୁଣା ପ୍ଲେ ବ୍ୟାକ ସିଙ୍ଗର ସରୋଜ ଜେନାଙ୍କୁ ଆପଣ ନିଶ୍ଚୟ ଜାଣିଥିବେ । ଓଡିଶାବାସୀଙ୍କୁ ସେ ଅନେକ ସୁପରହିଟ୍ ଗୀତ ସବୁ ଭେଟି ଦେଇଛନ୍ତି ଏବଂ ତାଙ୍କୁ ସମସ୍ତେ ବେଶ ଭଲପାଇବା ମଧ୍ୟ ଦେଇଛନ୍ତି । ତାଙ୍କୁ ଓଡିଶାର ସୋନୁ ନିଗମ ବୋଲି କୁହାଯାଏ । ଏପରିକି ନିର୍ବାଚନ ସମୟରେ ମଧ୍ୟ ସେ ଗୀତ ଗୁଡିକ ସବୁ ଗାଇଥାନ୍ତି । ନିକଟରେ ଆମ ରାଷ୍ଟ୍ରପତି ଦ୍ରୌପଦୀ ମୁର୍ମୁଙ୍କ ପାଇଁ ସେ ଏକ ଗୀତ ଗାଇଥିଲେ । ଯାହା ଖୁବ ଭାଇରାଲ ହେବାସହ ତାଙ୍କୁ ଅଧିକ ଲୋକପ୍ରିୟତା ମଧ୍ୟ ଆଣିଦେଇଛି ।
କେବଳ ଏତିକି ନୁହେଁ ବରଂ ରାଷ୍ଟ୍ରପତି ମୁର୍ମୁ ନିଜେ ଏହି ଗୀତ ଶୁଣି ସରୋଜ ଜେନାଙ୍କୁ କଲ୍ କରିଥିଲେ । ଯାହାର ଅନୁଭୂତି ସେ ନିଜେ ଏକ ଗଣମାଧ୍ୟମ ସାକ୍ଷାତକାରରେ ପ୍ରକାଶ କରିଛନ୍ତି । ଓଡିଶାର ଘରେ ଘରେ ଖୁସିର ଲହରୀ, ଦିଲ୍ଲୀ ଦରବାରେ ଆଜି ମୟୂରଭଞ୍ଜ ନାରୀ, ଭାରି ବଢିଆ ମୋଦିଙ୍କର ନୀତି, ଓଡିଶାରୁ ବାଛି ନେଲେ ଉପଯୁକ୍ତ ପ୍ରାର୍ଥୀ, ଦ୍ରୌପଦୀ ମୁର୍ମୁ ହେବେ ଆମ ରାଷ୍ଟ୍ରପତି… କିଛି ଏଭଳି ଥିଲା ସେହି ଗୀତଟି ।
ଓଡିଶାରୁ ଦ୍ରୌପଦୀ ମୁର୍ମୁ ଯେତେବେଳେ ରାଷ୍ଟ୍ରପତି ପଦବୀ ପାଇଁ ବଛା ଯାଇଥିଲେ ଏହା ଓଡିଶାବାସୀଙ୍କୁ ବେଶ ଖୁସି ଆଣି ଦେଇଥିଲା । ଏହା ଆମ ଓଡିଶା ପାଇଁ ଖୁବ ଗର୍ବ ଓ ଗୌରବର ବିଷୟ । ଏତିକି ବେଳେ ଦିନେ ସରୋଜ ଷ୍ଟୂଡିଓରେ ଥିବା ବେଳେ ଦ୍ରୌପଦୀ ମୁର୍ମୁଙ୍କ ଉଦ୍ଦେଶ୍ୟରେ ଏକ ଗୀତ ତିଆରି କରିବା ପାଇଁ ଚିନ୍ତା କରିଥିଲେ । ସେତେବେଳେ ବର୍ଷା ଓ ଟୁଙ୍ଗୁରୁଙ୍କୁ ନେଇ ବହୁତ ଚର୍ଚ୍ଚା ଚାଲିଥିଲା ।
ଏଭଳି ସମୟରେ ସରୋଜ ଜେନାଙ୍କ ସ୍ଵର ଓ ପରିକଳ୍ପନା, ବିଭୁତି ସ୍ଵାଇଁଙ୍କ ଲେଖା ଓ ମାନସ ଜେନାଙ୍କ ମ୍ୟୁଜିକ ସହାୟତାରେ ଗୀତଟି ତିଆରି ହୋଇଥିଲା । ଗୀତଟି ମାର୍କେଟକୁ ଆସିବା ପରେ ଏହା ଖୁବ ଜୋରରେ ଭାଇରାଲ । ଆଉ ଏହାପରେ ମହାମହିମ ରାଷ୍ଟ୍ରପତି ସରୋଜ ଜେନାଙ୍କୁ ଫୋନ କରିଥିଲେ ବୋଲି ସରୋଜ ନିଜେ ସ୍ଵୀକାର କରିଛନ୍ତି । ଆଉ ରାଷ୍ଟ୍ରପତି ତାଙ୍କୁ ଫୋନ କରିଥିବା ଜାଣି ସେ ବିଶ୍ବାସ କରି ପାରି ନଥିଲେ ଆଉ ବସିଥିବା ସ୍ଥାନରୁ ଗଳି ପଡିଥିଲେ ବୋଲି କହିଛନ୍ତି ।
ରାଷ୍ଟ୍ରପତି ସେହି ଗୀତ ପାଇଁ ତାଙ୍କୁ ପ୍ରଶଂସା କରିବା ସହ ବହୁତ ଭଲପାଇବା ଓ ଆଶୀର୍ବାଦ ଦେଲେ । ଏହାସହ ଆଗାମୀ ଭବିଷ୍ୟତ ପାଇଁ ତାଙ୍କୁ ଶୁଭକାମନା ମଧ୍ୟ ଜଣାଇଥିଲେ । ଏହା ଓଡିଶାରେ କେବେବି ଘଟିନି ଯାହା ତାଙ୍କ ସହ ଘଟିଥିଲା ବୋଲି ସେ କହିଛନ୍ତି । ରାଷ୍ଟ୍ରପତିଙ୍କ ଆଶୀର୍ବାଦରୁ ଓଡିଆ ଇଣ୍ଡଷ୍ଟ୍ରିରେ ଗତ 17 ବର୍ଷରେ ଯାହା ତାଙ୍କୁ ମିଳି ନଥିଲା ତାହା ତାଙ୍କୁ ମିଳିଗଲା ବୋଲି ସେ କହିଛନ୍ତି । ଆମ ପୋଷ୍ଟ ଅନ୍ୟମାନଙ୍କ ସହ ଶେୟାର କରନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍ କୁ ଲାଇକ କରନ୍ତୁ ।