ବିବାଦୀୟ ଯାତ୍ରା ଅଭିନେତ୍ରୀ ରାଣୀ ପଣ୍ଡା ଅନୁଭବ ମହାନ୍ତିଙ୍କୁ ବାହା ହେବା ପାଇଁ ମନ ବଳାଇଥିବା କଥା କାହାକୁ ଅଛପା ନାହିଁ । କାରଣ ସେ ନିଜେ ଏନେଇ ସର୍ବ ସମୁଖରେ କହି ସାରିଛନ୍ତି । ଏଭଳି ଖବର ସାମ୍ନାକୁ ଆସିବା ପରେ ଏବେ ସୁପରଷ୍ଟାର ଅନୁଭବ ମହାନ୍ତି ନିଜେ ଏନେଇ ମୁହଁ ଖୋଲିଛନ୍ତି । ରାଣୀ ପଣ୍ଡାଙ୍କ ବିବାହ ପ୍ରସ୍ତାବ ନେଇ ଏକ ଭିଡିଓ ମାଧ୍ୟମରେ ପ୍ରତିକ୍ରିୟା ରଖିଛନ୍ତି ଅନୁଭବ । ଅନୁଭବ କହିଛନ୍ତି କି, ରାଣୀଙ୍କ ହୃଦୟ ଖୁବ ଭଲ ।
ସେ ସମାଜ ସେବାରେ ଖୁବ ଆନନ୍ଦ ପାଆନ୍ତି ଓ ଆମ ସମାଜର ଜଣେ ସେବକ । ସେ ନିଜ ପାରିଶ୍ରମିକ ଅନ୍ୟକୁ ଦେଇ ଖୁବ ଖୁସି ପାଆନ୍ତି । ସେ ନାରୀ ନେତ୍ରୀ ନେହେଲେ ବି ନିଜେ ନେତୃତ୍ଵ ନିଅନ୍ତି । ସେଥିପାଇଁ ମୋର ବିଶ୍ବାସ ଯେ, ରାଣୀଙ୍କ ପାଖେ ଜଣେ ଭଲ ପତ୍ନୀ ଏବଂ ଭଲ ବୋହୂ ହେବାର କ୍ଷମତା ରହିଛି । ଅନୁଭବଙ୍କୁ ବିବାହ କରିବେ ବୋଲି ରାଣୀ ପଣ୍ଡା ଖୁଲମାଖୁଲା କହିବା ପରେ ଅନୁଭବ ପ୍ରଥମ ଥର ପାଇଁ ଏନେଇ ପ୍ରତିକ୍ରିୟା ରଖିଛନ୍ତି ।
ଅନୁଭବ ଆହୁରି ମଧ୍ୟ କହିଛନ୍ତି କି, ରାଣୀ ପଣ୍ଡାଙ୍କୁ ମୁଁ ବହୁତ ସମ୍ମାନ କରେ । ଯଦିଓ ବ୍ୟକ୍ତିଗତ ଭାବେ ତାଙ୍କ ସହ ମିଶିବ ପାଇଁ ସେତେ ସୁଯୋଗ ପାଇନାହିଁ, ଯେତିକି ତାଙ୍କ ବିଷୟରେ ଶୁଣିଛି ବା ଜାଣିଛି ସେ ସମାଜସେବା କରିବାକୁ ବହୁତ ଭଲ ପାଆନ୍ତି । ଯାହା ସେ ରୋଜଗାର କରନ୍ତି ପ୍ରାୟ ସବୁକିଛି ଦାନ କରିଦିଅନ୍ତି ।
କେବଳ ଏତିକି ନୁହେଁ ବରଂ ତାଙ୍କୁ ଟିକିଏ ସମୟ ମିଳିଲେ ସେ ରାଣୀ ପଣ୍ଡାଙ୍କୁ ନିଶ୍ଚୟ ଦେଖା କରିବେ ବୋଲି କହିଛନ୍ତି । ତେବେ ଏସବୁ ମଧ୍ୟରେ ରାଣୀ ପଣ୍ଡାଙ୍କୁ ଗୋଟି ଗୋଟି କରି ଅନୁଭବ ପଢି ସାରିଲେନି । ରାଣୀଙ୍କ ଭିତରେ ଥିବା ଦକ୍ଷତା ଓ ସେବା ମନୋବୃତ୍ତିକୁ ବେଶ ପ୍ରଶଂସା କରିଛନ୍ତି ସାଂସଦ ଅନୁଭବ ମହାନ୍ତି ।
କାରଣ ସେବା କରିବା ପାଇଁ କୌଣସି ପଦ ପଦବୀର ଆବଶ୍ୟକତା ନଥାଏ ବରଂ କେବଳ ସୁନ୍ଦର ମନୋଭାବର ଆବଶ୍ୟକ ଥାଏ । ବିଭିନ୍ନ କଥା କହି ବିବାଦରେ ଛନ୍ଦି ହୋଇ ଯାଉଥିଲେ ମଧ୍ୟ ରାଣୀଙ୍କ ହୃଦୟ ଖୁବ ସଫା ବୋଲି ସମସ୍ତେ ଜାଣନ୍ତି । ତେବେ ଏନେଇ ଆପଣଙ୍କ ମତ କଣ ଆମକୁ କମେଣ୍ଟ କରି ଜଣାନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍ କୁ ଲାଇକ କରନ୍ତୁ ।