ରାଜଧାନୀ ପୋଲିସ ବର୍ତ୍ତମାନ ସ୍ଥାନେ ସ୍ଥାନେ ନିଶାଦ୍ରବ୍ୟକୁ ବ୍ୟାପକ ଅଭିଯାନ ଜାରି ରଖିଛି । ଆଉ ଏହି ସମୟରେ ରାଜଧାନୀର ସାଲିଆ ସାହିରେ ଏକ ବଡ ଧରଣର ରେଡ୍ କରିଛି କମିଶନରେଟ ପୋଲିସ । ରାଜଧାନୀରେ ବିପୁଳ ମାତ୍ରାରେ ଦେଶୀ ମଦ ତଥା ହାଣ୍ଡିଆ ବିକ୍ରି ହେଉଥିବା ଖବର ବିଶେଷ ସୂତ୍ରରୁ ମିଳିବା ପରେ ସେଠାରେ ଯାଇ ଚଢାଉ କରିଥିଲା ରାଜଧାନୀ କମିଶନରେଟ ପୋଲିସ । ସେଠାରୁ ବିପୁଳ ପରିମାଣର ଦେଶୀ ମଦ ଜବତ କରିବା ସହ ଏହା କିପରି ଓ କେଉଁଠି ରଖି ବିକ୍ରି କରାଯାଉଥିଲା ଜାଣିଲେ ଆପଣ ବି ଆଶ୍ଚର୍ଯ୍ୟ ହେବେ ।
ସାଲିଆ ସାହିର ଏକ ଘର ଭିତରେ ସୁଡଙ୍ଗଟିଏ କରାଯାଇଥିଲା ଏବଂ ସେହି ସୁଡଙ୍ଗ ଭିତରେ ଏକ ଗୁପ୍ତ କୋଠରୀ ରିଆରି କରାଯାଇ ସେଠାରେ ଦେଶୀ ମଦ ସବୁ ଷ୍ଟୋର କରି ରଖାଯାଉଥିଲା ଏବଂ ପରବର୍ତ୍ତୀ ସମୟରେ ଏହା ବିକ୍ରି କରାଯାଉଥିଲା । ଏହି ଘର ତଳେ ଏକ ସୁଡଙ୍ଗ ଭଳି ବାଟ ପ୍ରସ୍ତୁତ କରାଯାଇ ତା’ ଭିତରେ ଦେଶୀ ମଦ ଭାଟି କରାଯାଇଥିଲା । ଯାହା ପୋଲିସ ଖୋଜି ବାହାର କରିବା ସହ ଦେଶୀ ମଦ ସବୁକୁ ଜବତ କରିଛି ।
ସାଲିଆ ସାହିରେ ଚୋରା ଭାବେ ଏକ ମଦ ଭାଟି କାମ କରୁଥିଲା ଏବଂ ସେହି ମଦ ଭାଟିକୁ ରାସ୍ତା ହେଉଛି ଏହି ସୁଡଙ୍ଗଟି । ଘରର ତଳଭାଗରେ ରହିଥିବା ଏହି ଛୋଟିଆ ବାଟ ଦେଇ ଗଲେ ଭିତରେ ରହିଛି କୋଠରୀ । ଯେଉଁଠି ଦେଶୀ ମଦର ସବୁ ସାମଗ୍ରୀ ଏବଂ ଦେଶୀ ମଦ ବି ମହଜୁଦ ହୋଇ ରହିଛି ।
କେବଳ ଗୋଟିଏ କୋଠରୀ ନୁହେଁ ବରଂ ତିନିରୁ ଚାରୋଟି କୋଠରୀ ଏହି ସୁଡଙ୍ଗ ଭିତର ଦେଇ ତିଆରି କରାଯାଇଛି । ଏହାସହ ଯଦି ପୋଲିସ ଚଢାଉ କରେ ତେବେ ଖସି ପଳାଇବା ପାଇଁ ସେହି ସୁଡଙ୍ଗ ବାଟ ବ୍ଯତୀତ ଅନ୍ୟ ବାଟ ମଧ୍ୟ ରହିଛି ଗୁପ୍ତ କୋଠରୀ ଭିତରେ । ଏକଦମ ସୁଚିନ୍ତିତ ଢଙ୍ଗରେ ଦେଶୀ ମଦର ବ୍ୟାପାର କରିବା ସହ ପ୍ରସ୍ତୁତି ମଧ୍ୟ ହେଉଥିଲା ସାଲିଆ ସାହିର ଏହି ସୁଡଙ୍ଗ କୋଠରୀ ମଧ୍ୟରେ ।
ବଡ ବଡ ଡ୍ରମ ଓ ଡେକଚି ମାନଙ୍କରେ ଦେଶୀ ମଦ ମହଜୁଦ କରି ରଖାଯାଇଥିଲା । ଏତେ ସୁଚିନ୍ତିତ ଭାବେ ଏହିପରି କଳା କାରବାର କରିବା ପାଇଁ ଏହି କୋଠରୀକୁ ନିର୍ମିତ କରାଯାଇଛି ଦେଖିଲେ ଆପଣ ବି ଆଶ୍ଚର୍ଯ୍ୟ ହେବେ । ଆମ ପୋଷ୍ଟ ଅନ୍ୟମାନଙ୍କ ସହ ଶେୟାର କରନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍ କୁ ଲାଇକ କରନ୍ତୁ ।