ପ୍ରଥମ ଦୃଶ୍ୟରେ ଭୁବନେଶ୍ବର ଚନ୍ଦ୍ରଶେଖରପୁର ପେଟ୍ରୋଲ ପମ୍ପ ଛକରେ ଜଣେ ଯୁବକଙ୍କୁ ମାଡ ମାରି ଜୋର ଜବରଦସ୍ତ ବାଇକରେ ଉଠାଇ ନେବାକୁ ଲାଗି ପଡିଛନ୍ତି । ଦ୍ଵିତୀୟ ଦୃଶ୍ୟରେ ରାଜମହଲ ଅଟୋଷ୍ଟାଣ୍ଡ ନିକଟରେ ଜଣେ ପୋଲିସ ସାଧା ପୋଷାକରେ ଯୁବକଙ୍କୁ ଧରିବା ପରେ ପାଖରେ ଥିବା ଯୁବତୀ ଜଣକ, “ମାରିଦେବେ କେହି ଭିଡିଓ କର” କହି ମିଛ ନାଟକ କରୁଛି । ଦୁଇଟି ଜାଗାର ଚିତ୍ର ପ୍ରାୟତଃ ସମାନ ଓ ଯୁବକ ଯୁବତୀ ମଧ୍ୟ ସମାନ । ଆଉ ଏମାନଙ୍କ କାରନାମା ଜାଣିଲେ ଆପଣ ତାଜୁବ ହୋଇଯିବେ ।
ପୋଲିସ ଦେଇଥିବା ସୁଚାନ ଅନୁସାରେ, ରାଜ୍ୟ ବାହାରୁ ଓଡ଼ିଶାକୁ ଆସିଥିବା ଲୋକଙ୍କୁ ଲୁଟିବା ପାଇଁ ଏମାନେ ମାଷ୍ଟର ପ୍ଳାନ ପ୍ରସ୍ତୁତ କରନ୍ତି । ସହରର ପ୍ରମୁଖ ଛକ ହେଉଛି ଏମାନଙ୍କ ଅପରେସନ ଏରିଆ । ସୁନ୍ଦରୀମାନେ ପ୍ରଥମେ ଲୋକଙ୍କୁ ଇଶାରା ଦିଅନ୍ତି, ଆଉ ଲୋକଟି ପାଲରେ ପଡିବା ପରେ ପୂର୍ବରୁ ଛକି ବସିଥିବା ଲୁଟେରା ଗ୍ୟାଙ୍ଗ ହୋହଲ୍ଲା କରିବା ସହ ପୋଲିସକୁ ଜଣାଇବାକୁ କୁହନ୍ତି । ଯାହାଫଳରେ ସମ୍ପୃକ୍ତ ଲୋକମାନେ ଲୋକଲଜ୍ଜା ଭୟରେ ସବୁକିଛି ଦେଇ କାନମୁଣ୍ଡା ଆଉଁସି ଚାଲିଯାନ୍ତି ।
ଆଉ କେହି ଖସିଯିବାକୁ ଚେଷ୍ଟା କଲେ ଗ୍ୟାଙ୍ଗର ସଦସ୍ୟ ଆତ୍ମହତ୍ୟା କରନ୍ତି । ହେଲେ ପୋଲିସ ସୁରାକ ପାଇ ଗତକାଲି ଅଭିଯୁକ୍ତ ଗୋପୀକୁ ଗିରଫ କରିବା ପରେ ରାଜମହଲ ଛକରେ ହାଇଡ୍ରାମା ଦେଖିବାକୁ ମିଳିଥିଲା । ପୋଲିସ ଲୁଟ୍ ଓ ହଣାକଟା ମାମଲାରେ ଏହି ଗ୍ୟାଙ୍ଗର ଏକାଧିକ ମେମ୍ବରଙ୍କୁ ଗିରଫ କରିବା ପରେ ଗୋପୀଙ୍କୁ ସ୍ପେଶାଲ ସ୍କ୍ବାଡ ଉଠାଇ ନେଇ ଜେରା କରୁଛି ।
ଆଗକୁ ପାର୍ବଣ ମାହୋଲ ଆସୁଥିବାରୁ ଏହି ସମୟରେ ଅପରାଧ ଓ ଅପରାଧୀଙ୍କୁ ସାବାଡ କରିବା ପାଇଁ ରାତିରେ ଟିମ୍-୬୦ ଓ ଟ୍ରାଫିକ ପୋଲିସଙ୍କୁ ନେଇ କମ୍ବାଇନ ବାଇକ ପେଟ୍ରୋଲିଂ କରୁଛି ପୋଲିସ । ଅପରାଧୀଙ୍କ କାର୍ଯ୍ୟକଳାପ, ଖଟି ଓ ଖୋଲା ଜାଗାରେ ମଦ୍ୟପାନ କରୁଥିବା ବ୍ୟକ୍ତିଙ୍କୁ ଗୋଡେଇ ଧରୁଛି ପୋଲିସ । ଏହାରି ମଧ୍ୟରେ ମାୟାବିନି ଗ୍ୟାଙ୍ଗକୁ ଧରିଛି ପୋଲିସ । ଆଉ ଧରିବା ବେଳେ ସେମାନେ ଯାହା ହାଇଡ୍ରାମା କରିଥିଲେ ତାହା ଏବେ ଚାରିଆଡେ ଚର୍ଚ୍ଚାରେ ବିଷୟ ପାଲଟିଛି ।
ଏହି ମାୟାବିନୀଙ୍କ ଜାଲରେ କିଏ କେତେବେଳେ ବି ଶିକାର ହୋଇପାରନ୍ତି । ତେଣୁ ସାଧାରଣ ଲୋକଙ୍କୁ ସାବଧାନ ରହିବା ପାଇଁ ସତର୍କ କରିଛି ପୋଲିସ । ଆମ ପୋଷ୍ଟ ଅନ୍ୟମାନଙ୍କ ସହ ଶେୟାର କରନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍ କୁ ଲାଇକ କରନ୍ତୁ ।