ଛତିଶଗଡର ୧୧ ବର୍ଷୀୟ ବାଳକ ରାହୁଲ ସାହୁ ରେସ୍କ୍ଯୁ ଅପରେସନ ଉପରେ ସମସ୍ତଙ୍କ ନଜର ରହିଥିଲା । ଦୀର୍ଘ ୫ଦିନ ଧରି ୮୦ ଫୁଟ୍ ଗର୍ତ୍ତ ଭିତରେ ଏକାକୀ ରାହୁଲ କେମିତି ବିତାଇଥିଲା ଓ ଶେଷରେ ଜୀବନ ସଂଗ୍ରାମରେ ଜିତି ଉଦ୍ଧାର ହୋଇପାରିଛି ତାହା କାହାରିକୁ ଅଜଣା ନାହିଁ । ରାହୁଲ ଗର୍ତ୍ତକୁ ଖସି ପଡିବା ପରଠାରୁ ଅନେକ ଲୋକ ତାକୁ ଉଦ୍ଧାର କରିବାକୁ ଚେଷ୍ଟା କରିଥିଲେ ମଧ୍ୟ ବିଫଳ ହୋଇଥିଲେ ।
କିନ୍ତୁ ଶେଷରେ ବୋରୱେଲ ଯାଏଁ ସମାନ୍ତରାଳରେ ଖନନ କରି ଯେଉଁ ପ୍ରକାର ଭାବେ ରାହୁଲକୁ ବୋରୱେଲ ମଧ୍ୟରୁ ଉଦ୍ଧାର କରାଗଲା ତାହା ସାରା ଦେଶବାସୀ ଦେଖିଛନ୍ତି । ଏନେଇ ରାହୁଲଙ୍କ ବାପା ନିଜେ ଭାବପୂର୍ଣ୍ଣ ହୋଇ ଅନେକ କଥା ସାମ୍ନାକୁ ଆଣିଛନ୍ତି । ରାହୁଲର ଉଦ୍ଧାର କାର୍ଯ୍ୟରେ ନିଯୋଜିତ ଥିବା ସମସାତ ଲୋକଙ୍କୁ ସେ ଧନ୍ୟବାଦ ଜଣାଇଛନ୍ତି ।
କିନ୍ତୁ ବିଶେଷ କରି କଟକ ମୁଣ୍ଡଳିରୁ ଯାଇଥିବା NDRF ଟିମ୍ କୁ ଖାସ୍ କୃତଜ୍ଞତା ଜଣାଇଛନ୍ତି । ସେ କହିଛନ୍ତି କି ଓଡିଶାର ଏହି NDRF ଟିମ୍ ତାଙ୍କ ପାଇଁ ଭଗବାନ ହୋଇ ଆସିଥିଲେ । ନିହାତି ଭାବେ ପ୍ରଭୁ ଜଗନ୍ନାଥ ସେମାନଙ୍କୁ ସେଠାକୁ ପଠାଇଥିଲେ ବୋଲି କହିଛନ୍ତି । ରାହୁଲ ପୁରୀରେ ହଜିଯିବା ଘଟଣା ମଧ୍ୟ ସେ କହିଥିଲେ । ଥରେ ପୁରୀ ଯାଇଥିବା ବେଳେ ସମୁଦ୍ରକୁଳରେ ଗାଧୋଇବା ପାଇଁ ଯାଇଥିଲେ ।
ସେମାନେ ପାଣି ଭିତରକୁ ଗାଧୋଇବା ପାଇଁ ଯାଇଥିଲେ ଓ ସେମାନଙ୍କ ଜିନିଷପତ୍ର ପାଖରେ ପୁଅକୁ ବସେଇ ଦେଇଥିଲେ । କିନ୍ତୁ ହଠାତ କିଛି ସମୟ ପରେ କୁଳକୁ ନଜର ପକାନ୍ତି ତ ପୁଅ ନାହିଁ ବୋଲି ଦେଖିବାକୁ ପାଇଥିଲେ । ସେମାନେ ବହୁତ ଖୋଜାଖୋଜି କରିଥିଲେ ମଧ୍ୟ ରାହୁଲ ମିଳି ନଥିଲେ ।
ସମୁଦ୍ରକୁଳରେ ଉଠାଇଥିବା ଫଟୋ ଲୋକଙ୍କୁ ଦେଖାଇ ରାହୁଲଙ୍କୁ ଖୋଜିଥିଲେ । କିନ୍ତୁ ରାହୁଲ ନ ମିଳିବାରୁ ସେମାନେ ନିରାଶ ହୋଇ ରୁମ୍ କୁ ଫେରି ଯାଇଥିଲେ ଓ ବହୁତ କାନ୍ଦିଥିଲେ । କିନ୍ତୁ ଦୁଇଜଣ ସ୍ଥାନୀୟ ଲୋକ ରାହୁଲକୁ ଶ୍ରୀମନ୍ଦିର ପାଖରୁ ଉଦ୍ଧାର କରି ଆଣି ହୋଟେଲରେ ତାଙ୍କ ବାପମା’ଙ୍କୁ ସମର୍ପଣ କରି ଯାଇଥିଲେ । ସେବେ ମଧ୍ୟ ପ୍ରଭୁ ଜଗନ୍ନାଥ ରାହୁଲକୁ ବଞ୍ଚେଇ ଥିଲେ ଓ ଏଥର ମଧ୍ୟ ସ୍ନାନପୂର୍ଣ୍ଣିମା ଦିନ ପ୍ରଭୁ ରାହୁଲ ପ୍ରତି ନିଜ କୃପା ଦେଖିଛନ୍ତି ।
ରାହୁଲର ଉଦ୍ଧାର କାର୍ଯ୍ୟ ସମୟରେ ଯଦି ବର୍ଷା ହୋଇଥାନ୍ତା ତେବେ ତାକୁ ଉଦ୍ଧାର କରିବା କଷ୍ଟକର ହୋଇ ପଡିଥାନ୍ତା । କିନ୍ତୁ ପ୍ରାୟ ସବୁଆଡେ ବର୍ଷା ହୋଇଥିଲେ ମଧ୍ୟ ସେହି ସ୍ଥାନରେ ବର୍ଷା ହୋଇ ନଥିଲା । ରାହୁଲ ସୁସ୍ଥ ହେବା ପରେ ନିହାତି ଭାବେ ସେମାନେ ଜଗନ୍ନାଥଙ୍କୁ ଦର୍ଶନ କରିବାକୁ ଓ ଧନ୍ୟବାଦ ଜଣାଇବାକୁ ପୁରୀ ଆସିବେ ବୋଲି କହିଛନ୍ତି ରାହୁଲଙ୍କ ବାପା । ଆମ ପୋଷ୍ଟ ଅନ୍ୟମାନଙ୍କ ସହ ଶେୟାର କରନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍ କୁ ଲାଇକ କରନ୍ତୁ ।