ଉତ୍ତର ପ୍ରଦେଶର କୌଶାଂବୀ ଜିଲ୍ଲାରେ ହୃଦୟ ବିଦାରକ ଏକ ଘଟଣା ସାମ୍ନାକୁ ଆସିଛି । ଯେଉଁଠି ପାଞ୍ଚ ବର୍ଷର ପୁଅକୁ ତାହାର ସାବତ ମା’ ମାରି ଦେଇଛି । କହିବାକୁ ଗଲେ ପ୍ରଥମେ ତ ମହିଳା ଜଣକ ପୋଲିସକୁ ମିଛ କହିବାକୁ ଚେଷ୍ଟା କରୁଥିଲା । କିନ୍ତୁ ଯେତେବେଳେ ପୋଲିସ ଜୋର ଦେଇ ପଚରା ଉଚରା କରିଲା ତ ସାବତ ମା ଭାଙ୍ଗିଗଲା ଓ ଶେଷରେ ସେ ନିଜର ଅପରାଧକୁ ସ୍ଵୀକାର କରିନେଲା ।
ଅନ୍ୟ ପଟେ ହତ୍ୟାକାଣ୍ଡ ବିଷୟରେ ଏଏସପି ଅଶୋକ କୁମାର କହିଲେ କି ମହିଳାଙ୍କୁ ଦ୍ଵିତୀୟ ସ୍ଵାମୀ ଠାରୁ କୌଣସି ସନ୍ତାନ ନ ହେବା କାରଣରୁ ସେ ସେହି ପୁଅର ହତ୍ୟା କରିଛି । କିନ୍ତୁ ବର୍ତ୍ତମାନ ମହିଳାଙ୍କୁ ନିଜ ଅପରାଧ ଉପରେ ପଶ୍ଚାତାପ ହେଉଛି । ପିପରୀ ଥାନା କ୍ଷେତ୍ରର ଗିରିୟା ଖାଲସା ଗ୍ରାମରେ ମଙ୍ଗଳବାର ରାତିରେ ୫ ବର୍ଷୀୟ ଅରୁଣ କୁ ଘର ଭିତରେ ହିଁ ତାହାର ବେକ ଚିପି ହତ୍ୟା କରି ଦିଆ ଯାଇଥିଲା । ସେହି ଘରେ ହିଁ ତାହାର ପିତା ଚନ୍ଦନ, ସାବତ ମା ମିନତା ଦେବୀ, ବଡ ଭଉଣୀ ରେଶମା ବି ଶୋଇଥିଲେ ।
ଏହା ପରେ ସକାଳ ସମୟରେ ପୋଲିସ ପହଞ୍ଚି ସନ୍ଦେହ ଆଧାରରେ ସାବତ ମା ଓ ପିତାକୁ ନିଜ ଅଧୀନରେ ନେଇ ପଚରା ଉଚରା କରିବା ଆରମ୍ଭ କରିଥିଲା । ପୋଲିସକୁ ସାବତ ମା ଉପରେ ଅଧିକ ସନ୍ଦେହ ହେଉଥିଲା । ଏହା ପରେ ପୋଲିସ ଯେତେବେଳେ ଜୋର ଦେଇ ପଚରା ଉଚରା କରିଲା ତେବେ ସାବତ ମା କହିଲା କି ବିବାହର ବହୁତ ବର୍ଷ ହୋଇ ଯାଇଥିବା ସତ୍ତ୍ୱେ ବି ଚନ୍ଦନ ଦ୍ଵାରା ତାକୁ କୌଣସି ସନ୍ତାନ ହେଉ ନ ଥିଲା ।
ଅରୁଣ ଓ ରେଶମା ଚନ୍ଦନର ପ୍ରଥମ ପତ୍ନୀର ପିଲା ଥିଲେ । ଏହି କାରଣରୁ ସେ ବହୁତ ରାଗରେ ରହୁଥିଲା । ଅରୁଣକୁ ସେ ମା ଭଳି ଭଲ ମଧ୍ୟ ପାଉ ନ ଥିଲା । ଏମିତିରେ ଯେତେବେଳେ ଅରୁଣ ମଙ୍ଗଳବାର ରାତିରେ ବହୁତ ଥର ଶୌଚ କରିବା ପାଇଁ ଗଲା ତେବେ ତା’ର ନିଦରେ ବାଧା ଆସିଲା । ସେ ଅରୁଣ ଉପରେ ଚିଡିଗଲା ଓ ଏହା ପରେ ଅରୁଣର ବେକ ଚିପି ତାକୁ ମାରିଦେଲା ।
ସେ ପୋଲିସକୁ ଏହି କଥା କହିଲା କିନ୍ତୁ ଯେତେବେଳେ ମିଡିଆ ସାବତ ମା କୁ ଅରୁଣକୁ ମାରିବାର କାରଣ ପଚାରିଲା ତ ସେ କାନ୍ଦିବାକୁ ଲାଗିଲା ଓ ନିଜର କାମ ପାଇଁ ପଶ୍ଚାତାପ କରିଲା । ବହୁତ ସମୟ ପର୍ଯ୍ୟନ୍ତ ସେ କ୍ୟାମେରା ସାମ୍ନାରେ କାନ୍ଦିଲା । କହିବାକୁ ଗଲେ ପୁରା ଜିଲ୍ଲାରେ ଏହି ସାବତ ମା ବିଷୟରେ ବର୍ତ୍ତମାନ ଚର୍ଚ୍ଚା ଚାଲିଛି ଓ ଏହି କଥା ବିଷୟରେ ଲୋକମାନେ ଜାଣିବା ପରେ ପୁଣି ଥରେ ସାବତ ମା’ର ସମ୍ପର୍କକୁ ଗାଳି ଦେବାକୁ ଲାଗିଛନ୍ତି ।