ବର୍ତ୍ତମାନ ରାଜନୀତିରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଦବଦବା ଯେ କେତେ ଏହା ତାଙ୍କର ସୁରକ୍ଷା ବ୍ୟବସ୍ଥାକୁ ଦେଖିଲେ ସ୍ପଷ୍ଟ ହୁଏ । ପ୍ରଧାନମନ୍ତ୍ରୀ ମୋଦି ଏକାଧିକ ଆ-ତ-ଙ୍କ-ବା-ଦୀ-ଙ୍କ ଟାର୍ଗେଟରେ ରହିଛନ୍ତି । ତେଣୁ ସେ ଯେଉଁଠିକୁ ମଧ୍ୟ ଯାଆନ୍ତି ସେଠାରେ ଜଳ ସ୍ଥଳ ସବୁଥି ମୁତୟନ ହୋଇଥାନ୍ତି କଡା ସତର୍କ ପ୍ରହରୀ । ଆଗପଛ ସବୁଆଡେ ଘୁରି ବୁଲେ ଅଙ୍ଗରକ୍ଷୀଙ୍କ ଆଖି । ରାସ୍ତାରେ ଲାଗିଥାଏ ଗାଡିର ଲମ୍ବା ଲାଇନ ଆଉ ତା’ ସାଙ୍ଗକୁ ସ୍ଵତନ୍ତ୍ର ଏସପିଜି ସୁରକ୍ଷା ।
ପ୍ରଧାନମନ୍ତ୍ରୀଙ୍କ ସୁରକ୍ଷା ଦାୟିତ୍ଵ ସ୍ପେଶାଲ ପ୍ରୋଟେକ୍ସନ ଗ୍ରୁପ ଏସପିଜି ହାତରେ ରହିଛି । ହେଲେ ସେ ଯେଉଁ ରାଜ୍ୟକୁ ମଧ୍ୟ ଯାଆନ୍ତି ସେଠିକାର ମୁଖ୍ୟମନ୍ତ୍ରୀଙ୍କ ଠାରୁ ଆରମ୍ଭ କରି ଗୃହମନ୍ତ୍ରୀ, ଡିଜିପି ଓ ମୁଖ୍ୟ ଶାସନ ସଚିବ ସମସ୍ତଙ୍କୁ ସୂଚନ ଦିଆଯାଏ । ସିକ୍ଯୁରିଟି ଯୋଜନା ମଧ୍ୟ ଏସପିଜି କୁ ଜଣାଇ ଦିଆଯାଏ ଓ ଆପାତକାଳୀନ ପରିସ୍ଥିତି ପାଇଁ ମଧ୍ୟ ଯୋଜନା ପ୍ରସ୍ତୁତ କରାଯାଏ । ତେବେ ପ୍ରଧାନମନ୍ତ୍ରୀଙ୍କ ସୁରକ୍ଷା ପାଇଁ କେତେ ଟଙ୍କା ଖର୍ଚ୍ଚ ହୁଏ ଜାଣିଲେ ଆପଣ ଆଶ୍ଚର୍ଯ୍ୟ ହୋଇଯିବେ । ପୂର୍ବ ଅପେକ୍ଷା ମୋଦିଙ୍କ ସୁରକ୍ଷା ବଜେଟକୁ ବୃଦ୍ଧି କରାଯାଇଛି ।
ଏହା ପାଖାପାଖି ୬୦୦ କୋଟି ଯାଏଁ ବଢାଇ ଦିଆଯାଇଛି । ୨୦୧୪-୧୫ରେ ପ୍ରଧାନମନ୍ତ୍ରୀଙ୍କ ସୁରକ୍ଷା ବଜେଟ ୨୮୯ କୋଟି ଥିବା ବେଳେ ୨୦୧୫-୧୬ରେ ଏହାକୁ ୩୩୦ କୋଠିକୁ ବୃଦ୍ଧି କରାଗଲା । ସେହିପରି ୨୦୧୯-୨୦ରେ ଏହି ବଜେଟକୁ ୫୪୦.୧୬କୁ ବୃଦ୍ଧି କରା ଯାଇଥିଲା । ଆଉ ଏବେ ଏହା ବୃଦ୍ଧି ପାଇ ୬୦୦ କୋଟିରେ ପହଞ୍ଚିଛି । ପ୍ରଧାନମନ୍ତ୍ରୀଙ୍କ ସୁରକ୍ଷା ପାଇଁ ଦିନକୁ ପାଖାପାଖି ପ୍ରାୟ ୨ କୋଟି ଟଙ୍କା ଖର୍ଚ୍ଚ ହେଉଥିବା ବେଳେ ଘଣ୍ଟାକୁ ପାଖାପାଖି ୫ ଲକ୍ଷ ଟଙ୍କା ଖର୍ଚ୍ଚ ହେଉଛି ।
ଚାରି ସ୍ତରରେ ଏସପିଜି କମାଣ୍ଡୋ ସୁରକ୍ଷା ବ୍ୟବସ୍ଥା ଆଉ ଏଥିରେ ମୁତୟନ ଥାଆନ୍ତି ୨୪ କମାଣ୍ଡୋ । କମାଣ୍ଡୋଙ୍କ ହାତରେ ଥାଏ ଏଫଏନଏଫ ୨୦୦୦ ଆସଲ୍ଟ ରାଇଫଲ, ସେମି ଅଟୋମାଟିକ ପିସ୍ତଲ ଓ ଅତ୍ୟାଧୁନିକ ହତିଆର । ବୁଲେଟ ପ୍ରୁଫ ଗାଡି ଭିତରେ ଥାଆନ୍ତି ପ୍ରଧାନମନ୍ତ୍ରୀ । ଆଉ ଦୁଇପଟେ ଥାଏ ସଶସ୍ତ୍ର ସଜ୍ଜିତ ଗାଡି । ହାଇ ପ୍ରୋଫାଇଲ ଗାଡି ବ୍ଯତୀତ ମୁତୟନ ଥାଏ ଜାମର ଓ ସ୍ପେଶାଲ ଆମ୍ବୁଲାନ୍ସ । ଖାଲି ସେତିକି ନୁହେଁ ବରଂ ଚାରିପାଖେ ଘେରି ରହିଥାନ୍ତି ୧୦୦ ସଶସ୍ତ୍ର ଯବାନ ।
୧୯୮୪ ମସିହା ଅକ୍ଟୋବର ୩୧ ତାରିଖରେ ପୂର୍ବତନ ପ୍ରଧାନମନ୍ତ୍ରୀ ଇନ୍ଦିରା ଗାନ୍ଧୀଙ୍କ ହତ୍ୟା ପରେ ୧୯୮୮ରେ ଏହି ଏସପିଜି ଆକ୍ଟକୁ ପାରିତ କରାଗଲା । ପୁଣି ୧୯୯୧ରେ ରାଜୀବ ଗାନ୍ଧୀଙ୍କୁ ହତ୍ୟା କରାଯିବା ପରେ ଏହି ଆଇନରେ ସଂଶୋଧନ କରାଗଲା । ଏହି ନିୟମ ଅନୁଯାୟୀ ପ୍ରଧାନମନ୍ତ୍ରୀ ଏବଂ ତାଙ୍କ ପରିବାର ପଦରେ ଥିବା ବେଳେ ଏବଂ ପଦରୁ ହଟିବାର ଦଶ ବର୍ଷ ଯାଏଁ ଏହି ଏସପିଜି ସୁରକ୍ଷା ଦିଆଯିବ ।
ତେବେ ୨୦୦୩ରେ ପ୍ରଧାନମନ୍ତ୍ରୀ ଅଟଳ ବିହାରୀ ବାଜପେୟୀଙ୍କ ଶାସନକାଳରେ ଏହାକୁ ପୁନର୍ବାର ସଂଶୋଧନ କରାଗଲା । ୧୦ ବର୍ଷ ବଦଳରେ ଏହି ସମୟସୀମା ଏକ ବର୍ଷ ଧାର୍ଯ୍ୟ କରାଗଲା । ତେବେ ୨୦୧୯ରେ ଏହାକୁ ଆଉ ଥରେ ସଂଶୋଧନ କରାଯାଇ କେବଳ ପ୍ରଧାନମନ୍ତ୍ରୀଙ୍କୁ ହିଁ ଏସପିଜି ସୁରକ୍ଷା ମିଳିପାରିବ ବୋଲି କୁହାଗଲା । ଆମ ପୋଷ୍ଟ ଅନ୍ୟମାନଙ୍କ ସହ ଶେୟାର କରନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍ କୁ ଲାଇକ କରନ୍ତୁ ।