କ୍ଯାପଟେନ କୁଲ୍ ଧୋନୀ ପଡିଆ ମଝିରେ ଏଥର ଖେଳାଳିଙ୍କ ଉପରେ ରାଗି ଯାଉଛନ୍ତି । ଖରାପ ଖେଳିଲେ ସିଧା ପଡିଆ ମଝିରେ ସିଧା ଗାଳି ଦେଉଛନ୍ତି । ଭଲ ଖେଳିବାର ଅଛି ଯଦି ଖେଳ ନହେଲେ ପଡିଆ ବାହାରକୁ ପଳାଅ ବୋଲି ଖେଳାଳିଙ୍କୁ କହୁଛନ୍ତି । ଆଉ ତାଙ୍କ ରାଗ ଦେଖିବାକୁ ମିଳିଛି ଓଡିଆ ଖେଳାଳି ଶୁଭ୍ରାଂଶୁ ସେନାପତିଙ୍କୁ । ଶୁଭ୍ରାଂଶୁ କ୍ୟାଚ ଗଳେଇବା ପରେ ଧୋନୀ ରାଗିଯାଇ ଶୁଭ୍ରାଂଶୁଙ୍କୁ ଗାଳି ଦେଇଥିଲେ । ଧୋନୀ ତାଙ୍କୁ କହିଥିଲେ, କ୍ୟାଚ ଗଳଉଛ କାହିଁକି ଖେଳିବାକୁ ଆସୁଛ ?
ଯାହାକୁ ନେଇ ଏବେ ସବୁଆଡେ ଚର୍ଚ୍ଚା ହେଉଛି । କଲିକତା ନାଇଟ ରାଇଡ଼ର୍ସ ଏବଂ ଚେନ୍ନାଇ ମଧ୍ୟ ମ୍ଯାଚ ଚାଲିଥିଲା ବେଳେ ଶେଷ ଓଭରରେ ଏମିତି କିଛି ଘଟି ଯାଇଥିଲା । ଶେଷ ଓଭରରେ ଚେନ୍ନାଇର ମହେଶ ଦିକଶିଣା ବୋଲିଂ କରିବାକୁ ଆସିଥିଲେ । ଆଉ ବ୍ୟାଟିଂ କରୁଥିଲେ ଦମଦାର ବ୍ୟାଟ୍ସମ୍ୟାନ ରିଙ୍କୁ ସିଂ । ରିଙ୍କୁ ଦିକଶିଣାଙ୍କ ବଲକୁ ଘୂରାଇ ମାରିଥିଲେ ଯାହା ବାଉଣ୍ଡେରୀ ଲାଇନରେ ଯାଇ କ୍ୟାଚ ଉଠିଥିଲା । କିନ୍ତୁ ଏହି କ୍ୟାଚକୁ ଗଳେଇ ଦେଇଥିଲେ ଓଡିଆ ପୁଅ ଶୁଭ୍ରାଂଶୁ ସେନାପତି ।
ଯାହା ପରେ ନିଜ କୁଲ୍ ହରେଇଥିଲେ କ୍ଯାପଟେନ କୁଲ୍ ଧୋନୀ । ପଡିଆ ମଝିଆରେ ସିଧା ଶୁଭ୍ରାଂଶୁଙ୍କୁ ଗାଳି କରିଥିଲେ ବୋଲି ଏବେ ଚର୍ଚ୍ଚା ହେଉଛି । କିଛିଦିନ ପୂର୍ବରୁ ତୁଷାର ଦେଶପାଣ୍ଡେ ବୋଲିଂ କରି ଅତିରିକ୍ତ ରନ୍ ଦେଇଥିଲେ ବୋଲି ତାଙ୍କୁ ମଧ୍ୟ ଧୋନୀ ଗାଳି ଦେଇଥିଲେ । ଏମିତି ବୋଲିଂ କଲେ ମୁଁ ଅଧିନାୟକତା ଛାଡିଦେବି ବୋଲି ମଧ୍ୟ ବୋଲରଙ୍କୁ ଏକପ୍ରକାର ଚେତାବନୀ ଦେଇଥିଲେ ଧୋନୀ ।
ତୁଷାର ଦେଶପାଣ୍ଡେ ଏବଂ ଦୀପକ ଚହରଙ୍କ ତ୍ରୁଟିପୂର୍ଣ୍ଣ ବୋଲିଂରେ ଧୋନୀ ଅତ୍ୟନ୍ତ କ୍ଷୁବ୍ଧ ହୋଇ ଯାଇଥିଲେ । ସେଥିପାଇଁ ପୋସ୍ତ ମ୍ଯାଚ ପ୍ରେଜେଣ୍ଟେସନରେ ବୋଲରଙ୍କ ଉପରେ ଖୁସି ନଥିବା କହିଥିଲେ । ଖାସ କରି ୱାଇଡ ଏବଂ ନୋ ବଲ୍ ନ ପକାଇବା ପାଇଁ ସେ କହିଥିଲେ । ଏପରି ନହେଲେ ସେମାନଙ୍କୁ ଅଲଗା କୌଣସି କ୍ଯାପଟେନଙ୍କ ଅଣ୍ଡରରେ ଖେଳିବାକୁ ପଡିବ ବୋଲି ଧୋନୀ ସିଧା କହି ଦେଇଥିଲେ । ଆଉ ଏବେ ପୁଣି ଥରେ ଶୁଭ୍ରାଂଶୁ ସେନାପତିଙ୍କ କ୍ୟାଚ ମିସ୍ ହେବାକୁ ନେଇ ଧୋନୀ ରାଗିଥିବା ଦେଖିବାକୁ ମିଳିଛି ।
ଧୋନୀଙ୍କୁ ପଡିଆ ମଝିରେ ରାଗୁଥିବାର ଏମିତି ବହୁତ କମ୍ ଦେଖିବାକୁ ମିଳେ । ଦରକାର ପଡିଲେ ସେ ନିଜ ଖେଳାଳିଙ୍କୁ ତାଗିଦ କରିବା ସହ ଭଲ ଭାବେ ଖେଳିବା ପାଇଁ ପ୍ରୋତ୍ସାହନ ଦିଅନ୍ତି । କ୍ଯାପଟେନ କୁଲ୍ ନାମରେ ଖ୍ୟାତ ଧୋନୀ ଯେ, ଏମିତି ରାଗି ପାରନ୍ତି ତାହା ଏବେ ଦେଖିବାକୁ ମିଳୁଛି । ଆମ ପୋଷ୍ଟ ଅନ୍ୟମାନଙ୍କ ସହ ଶେୟାର କରନ୍ତି ଓ ଆଗକୁ ଆମ ସହ ରହିବା ପାଇଁ ଆମ ପେଜ୍ କୁ ଲାଇକ କରନ୍ତୁ ।