ଆଜି ପୁଣି ଅଲିଉଡ ଫିଲ୍ମ ଇଣ୍ଡଷ୍ଟ୍ରି ରୁ ଆସିଛି ଏକ ଦୁଃଖ ଖବର । ଆଜି ଓଡିଆ ଫିଲ୍ମ ଇଣ୍ଡଷ୍ଟ୍ରି ର ବରିଷ୍ଟ ଅଭିନେତାଙ୍କର ହୋଇ ଯାଇଛି ପରଲୋକ । ସେ ଦୀର୍ଘ ଦିନ ଧରି କରୋନାରେ ଆକ୍ରାନ୍ତ ଥିଲେ । ତେଣୁ ଭୁବନେଶ୍ବରର ଏକ ଘରୋଇ ହସ୍ପିଟଲ ରେ ତାଙ୍କର ଚିକିତ୍ସା କରା ଯାଉଥିଲା । କିନ୍ତୁ ଆଜି ଅପରାହ୍ନରେ ଖବର ଆସିଲା କି ବରିଷ୍ଟ ଅଭିନେତା ଅଜିତ ଦାଶଙ୍କର ମୃତ୍ୟୁ ହୋଇ ଯାଇଛି । ଆପଣ ମାନେ ତ ଅନେକ ଗୁଡିଏ ଓଡିଆ ଫିଲ୍ମ ରେ ଅଜିତ ଦାଶଙ୍କୁ ଅଭିନୟ କରୁଥିବାର ଦେଖିଥିବେ ।
ଏହା ସହିତ ତାଙ୍କ ଅଭିନୟକୁ ଦର୍ଶକମାନେ ବହୁତ ମାତ୍ରାରେ ମଧ୍ୟ ପସନ୍ଦ କରନ୍ତି । ଏହା ସହିତ ଅନେକ ଗୁଡିଏ ଫିଲ୍ମ ରେ ସେ ନିର୍ଦ୍ଦେଶନା ମଧ୍ୟ ଦେଇଛନ୍ତି । ତାଙ୍କର ଫିଲ୍ମ କ୍ଯାରିୟର ବିଷୟରେ କହିଲେ ସେ ୧୯୭୬ ମସିହାରେ ସେ ଓଡିଆ ଫିଲ୍ମ ଇଣ୍ଡଷ୍ଟ୍ରି ରେ ଖଳନାୟକ ଭୂମିକାରେ ଡେବ୍ଯୁ କରିଥିଲେ ।
ତାଙ୍କର ସବୁଠୁ ଚର୍ଚ୍ଚିତ ଚଳଚିତ୍ର ହାକିମ ବାବୁ ସବୁ ଓଡିଆଙ୍କ ମନକୁ କିଣି ନେଇଥିଲା । ଏହି ଫିଲ୍ମ ରେ ସେ ବିଜୟ ମହାନ୍ତିଙ୍କ ସହିତ ଅଭିନୟ କରିଥିଲେ । ତାଙ୍କର ଏହି ଦମଦାର ଅଭିନୟ ଏବେ ବି ଓଡିଆ ସିନେ ଦର୍ଶକଙ୍କ ମନରେ ସ୍ମୃତି ହୋଇ ରହିଛି । କିନ୍ତୁ ବର୍ତ୍ତମାନ ହାକିମ ବାବୁ ଆଉ ଆମ ଗହଣରେ ନାହାଁନ୍ତି ।
ସେ ସବୁଦିନ ପାଇଁ ଆରପାରିକୁ ଚାଲି ଯାଇଛନ୍ତି । ସେ କରୋନା ରେ ପୀଡିତ ଥିଲେ ମଧ୍ୟ ବର୍ତ୍ତମାନ ସୁଧା ତାଙ୍କର ମୃତ୍ୟୁର କାରଣ ସ୍ପଷ୍ଟ ହୋଇ ନାହିଁ । ଚିକିତ୍ସାଧୀନ ଅବସ୍ଥାରେ ତାଙ୍କର ମୃତ୍ୟୁ ହୋଇ ଯାଇଛି । କିଛି ଦିନ ପୂର୍ବରୁ ବିଜୟ ମହାନ୍ତିଙ୍କର ଦେହାନ୍ତ ହୋଇଥିଲା ଯାହାର କ୍ଷତି ଏ ପର୍ଯ୍ଯନ୍ତ ଓଡିଆ ଫିଲ୍ମ ଇଣ୍ଡଷ୍ଟ୍ରି ପୁଆ କରି ପାରି ନାହିଁ ।
କିନ୍ତୁ ଏହା ମଧ୍ୟରେ ପୁଣି ଆଉ ଜଣେ ବରିଷ୍ଟ ଅଭିନେତା ଅଜିତ ଦାଶ ସମସ୍ତଙ୍କୁ ଛାଡି ଚାଲି ଯାଇଛନ୍ତି । ମୃତ୍ୟୁ ବେଳକୁ ତାଙ୍କୁ ୭୧ ବର୍ଷ ହୋଇଥିଲା । ସେ ଅନେକ ମଞ୍ଚ ଅଭିନୟ କରିଛନ୍ତି ଓ ଏହା ସହିତ ମଞ୍ଚ ନାଟକରେ ମଧ୍ୟ ସେ ନିର୍ଦ୍ଦେଶନା ଦେଇଛନ୍ତି ।
ଏହା ସହିତ ସେ ଜଣେ ଲେଖକ ମଧ୍ୟ ଥିଲେ । ଅଭିନେତା ଅଜିତ ଦାଶ ଙ୍କ ବିୟୋଗରେ ଓଡିଆ ଫିଲ୍ମ ଇଣ୍ଡଷ୍ଟ୍ରିରେ ଶୋକର ଛାୟା ଖେଳି ଯାଇଛି । ଆମେ ତ ଏତିକି ପ୍ରାର୍ଥନା କରିବୁ କି ଭଗବାନ ତାଙ୍କର ଅମର ଆତ୍ମା କୁ ଶାନ୍ତି ପ୍ରଦାନ କରନ୍ତୁ ।