ଚଳିତ ବର୍ଷ ଜାନୁୟାରୀ ମାସରେ ମୁମ୍ବାଇରେ ଆୟୋଜିତ ହୋଇଥିବା ମିସେସ୍ ଇଣ୍ଡିଆ ପ୍ରତିଯୋଗୀତାରେ ମିସେସ୍ ଇଣ୍ଡିଆ କ୍ରାଉନ ହାସଲ କରିଥିଲେ ଓଡିଆ ବୋହୂ ନବଦୀପ କୌର । ଏହି ପ୍ରତିଯୋଗିତାରେ ଦେଶର ବିଭିନ୍ନ ପ୍ରାନ୍ତରୁ ଆସିଥିବା ମହିଳାଙ୍କୁ ପଛରେ ପକାଇ ନବଦୀପ ଏହି ଟାଇଟଲ ହାସଲ କରିଥିଲେ । ସୁନ୍ଦରଗଡର ସୁନ୍ଦରୀ ବୋହୂ ନବଦୀପ ଏହି ପ୍ରତିଯୋଗୀତାରେ ଅନଲାଇନ ମାଧ୍ୟମରେ ଭାଗ ନେଇଥିଲେ । ଆଉ ବିଭିନ୍ନ ରାଉଣ୍ଡରେ ଉଲ୍ଲେଖନୀୟ ସଫଳତା ହାସଲ କରିଥିଲେ ।
ବିବାହ ପରେ ମଧ୍ୟ ମହିଳା ମାନେ ନିଜ ପ୍ରତିଭାକୁ ପରିପ୍ରକାଶ କରିପାରିବେ ବୋଲି ଏହି ପ୍ରତିଯୋଗୀତା ଦେଶର ମହିଳା ମାନଙ୍କୁ ଆହ୍ଵାନ ଦିଏ । କେବଳ ଘରରର ଚାରିକାନ୍ଥ ମଧ୍ୟରେ ରହି ନୁହେଁ, ବରଂ ମହିଳା ବାହାରକୁ ବାହାରି ପରିବାରକୁ ଓ ଦେଶକୁ ଗର୍ବିତ କରାଇ ପାରିବେ ବୋଲି ନବଦୀପ ସେତେବେଳେ କହିଥିଲେ । ତେବେ ଏହି ସଫଳତା ହାସଲ କରିବା ପରେ ଏବେ ନବଦୀପଙ୍କ ନଜର ରହିଛି ମିସେସ୍ ୱାର୍ଲ୍ଡ କ୍ରାଉନ ଉପରେ ।
ସେ ଖୁବ୍ କଠିନ ପରିଶ୍ରମ କରି ଆସୁଛନ୍ତି । ଆଉ ଏଥିପାଇଁ ସେ ଗତ ଏକ ବର୍ଷ ଧରି ପ୍ରସ୍ତୁତି ଜାରି ରଖିଛନ୍ତି । ସେ କହିଛନ୍ତି କି ଏମିତି କିଛି ବି ପ୍ରସ୍ତୁତି ନାହିଁ ଯାହା ସେ କରିପାରି ଥାନ୍ତେ କିନ୍ତୁ କରି ନାହାନ୍ତି । ଗତ ୨୧ ବର୍ଷ ମଧ୍ୟରେ ଭାରତ ଗୋଟିଏ ହେଲେ ବି ମିସେସ୍ ୱାର୍ଲ୍ଡ କ୍ରାଉନ ହାତେଇ ପାରିନାହିଁ । ଆଉ ନବଦୀପଙ୍କ ବିଶ୍ବାସ ସେ ଆନ୍ତର୍ଜାତୀୟ ସ୍ତରରେ ଏହି ପ୍ରତିଯୋଗିତାରେ ଭାଗ ନେଇ ଇଣ୍ଡିଆ ପାଇଁ ଗର୍ବ ଓ ଗୌରବ ଆଣିଦେବେ ବୋଲି ।
ତାଙ୍କର ଦୃଢ ବିଶ୍ବାସ ଯେ ସେ ନିଶ୍ଚୟ ଏଥର ମିସେସ୍ ୱାର୍ଲ୍ଡ କ୍ରାଉନ ହାସଲ କରିବେ । ଇଣ୍ଡିଆକୁ ସେ ରିପ୍ରେସେଣ୍ଟ କରିବାକୁ ଯାଉଥିବାରୁ ଦେଶବାସୀଙ୍କ ସହଯୋଗ ମଧ୍ୟ ଲୋଡିଛନ୍ତି । କେବଳ ଆଉ କିଛି ସପ୍ତାହର କଥା । ଆସନ୍ତା ଜାନୁୟାରୀ ମାସ ୨୦ ରୁ ୨୫ ତାରିଖ ମଧ୍ୟରେ ମିସେସ୍ ୱାର୍ଲ୍ଡ କ୍ରାଉନ ଭାରତ ଆସିଛି ବୋଲି ସମସ୍ତେ ଜାଣିଯିବେ । ଏହିପରି ଦୃଢୋକ୍ତି ଦେଇଛନ୍ତି ନବଦୀପ କୌର ।
ସେ ମିସେସ୍ ଇଣ୍ଡିଆ ଟାଇଟଲ ଜିତିବା ପରେ ଦେଶ ପ୍ରତି ତାଙ୍କର ଦାୟିତ୍ଵକୁ ସେ ଖୁବ୍ ଭଲ ଭାବେ ବୁଝି ପାରୁଛନ୍ତି ଓ ସେଥିପ୍ରତି ସେ ଖୁବ୍ ଉତ୍ସର୍ଗୀକୃତ ବୋଲି ତାଙ୍କ କଥାରୁ ଜଣାପଡୁଛି ।ତେବେ ଏହି ପ୍ରତିଯୋଗୀତାରେ ଟପ୍ ୧୫ ପ୍ରତିଯୋଗୀଙ୍କ ମଧ୍ୟରେ ସ୍ଥାନ ପାଇବାକୁ ହେଲେ ଦେଶବାସୀଙ୍କ ଭୋଟ୍ ର ଆବଶ୍ୟକ ରହିଛି । ଯାହାକି ଆପଣ http://www.mrsworld.com କୁ ଯାଇ ନବଦୀପଙ୍କୁ ଭୋଟ କରିପାରିବେ । ଆମ ପୋଷ୍ଟ ଅନ୍ୟମାନଙ୍କ ସହ ଶେୟାର କରନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍କୁ ଲାଇକ କରନ୍ତୁ ।