ଘରେ କୁନି ଶିଶୁଟିଏ ଜନ୍ମ ନେଲେ ତା’ର ଯତ୍ନ ନେବା ପାଇଁ ମା’କୁ ଅନେକ ତ୍ୟାଗ କରିବାକୁ ପଡେ । ସବୁ କମ ଛାଡି କୁନି ପିଲାଟିକୁ ସବୁ ସମୟ ଦେବାକୁ ପଡେ । ହେଲେ ଆଜି ଆମେ ଏଠାରେ କହିବୁ ଏକଦମ ଓଲଟା କଥା । କୁନି ପିଲା ସହ ଅଧିକ ସମୟ ବିତାଇବା ପାଇଁ ବାପା କୋଟି କୋଟି ଟଙ୍କାର ଚାକିରି ଛାଡି ଦେଇଛନ୍ତି । ପଦୋନ୍ନତି ହେବା ପରେ କାମ ପାଇଁ ବିଭିନ୍ନ ସହରକୁ ଯିବାକୁ ପଡିବ ଏବଂ ନବଜାତ ସହ ସମୟ ବିତାଇବାକୁ ପାଇବେନି ଭାବି ଜଣେ ବାପା ଏଭଳି ନିଷ୍ପତ୍ତି ନେଇଛନ୍ତି ।
ନିଜ ନବଜାତ ଝିଅ ପ୍ରତି ଆଦୌ ହେଲା ନକରି ସେ ତାଙ୍କୁ ସବୁ ସମୟ ଦେବାକୁ ଚାହାନ୍ତି । ତେଣୁ ସେ ଚାକିରି ଛାଡି କହୁଛନ୍ତି, ବାପା ଭାବେ ମୋର ପ୍ରମୋଶନ ହୋଇଛି । IIT ଖଡଗପୁରରୁ ସ୍ନାତକ ହାସଲ କରିଥିବା ଅଙ୍କିତ ଯୋଶୀ ନାମକ ଜଣେ ଯୁବ ପିତାଙ୍କ ଏଭଳି ନିଷ୍ପତ୍ତି ସମସ୍ତଙ୍କୁ ବେଶ ଆଶ୍ଚର୍ଯ୍ୟ କରିଛି । ଅଙ୍କିତଙ୍କ ଏଭଳି ନିଷ୍ପତ୍ତିକୁ ଅନେକ ବିରୋଧ କରିଥିଲେ ବି ତାଙ୍କ ପତ୍ନୀ ଆକାଂକ୍ଷା ଏନେଇ ତାଙ୍କୁ ସମର୍ଥନ ଜଣାଇଛନ୍ତି ।
କିଛି ମାସ ତଳେ ଜଣେ ବରିଷ୍ଠ ଉପାଧ୍ୟକ୍ଷ ଭାବେ ଏକ ନୂତନ ଚାକିରି ଆରମ୍ଭ କରିଥିଲେ । କିନ୍ତୁ ତାଙ୍କର କନ୍ୟା ସନ୍ତାନ ଜନ୍ମ ନେବା ପରେ ତା’ ସହ ଅଧିକ ସମୟ ବିତାଇବା ପାଇଁ କୋଟି କୋଟି ଟଙ୍କାର ବେତନ ମିଳୁଥିବା ଚାକିରିକୁ ମଧ୍ୟ ନା’ କହି ଦେଇଛନ୍ତି । କାରଣ ଚାକିରି କରିଥିଲେ ତାଙ୍କୁ ବିଭିନ୍ନ ସହରକୁ ଯାତ୍ରା କରିବାକୁ ପଡିଥାନ୍ତା ଓ ସେ ନିଜ ଝିଅ ସହ ସମୟ ବିତାଇ ପାରି ନଥାନ୍ତେ ।
ତେବେ ଅଙ୍କିତଙ୍କ ଏଭଳି ନିଷ୍ପତ୍ତି ଅନେକଙ୍କୁ ଆଶ୍ଚର୍ଯ୍ୟ କରୁଥିବା ସେ କହିଛନ୍ତି । ଅଙ୍କିତଙ୍କ ପାଇଁ ଏହି ପଦକ୍ଷେପଟି ସେତେ ସହଜ ନଥିଲା । କାରଣ ଅନେକ ପୁରୁଷ ଏଭଳି ନିଷ୍ପତ୍ତି ନେବା କଥା ସହଜରେ ଚିନ୍ତା କରିପାରନ୍ତି ନାହିଁ । କିନ୍ତୁ ଅଙ୍କିତ ଆଶା ରଖିଛନ୍ତି ଯେ, ଆଗାମୀ ବର୍ଷ ତାଙ୍କ ପରିସ୍ଥିତି ବଦଳିଯିବ ।
ଗତ ଏକ ମାସରେ ଝିଅ ସହ ସମୟ ଅତିବାହିତ କରି ସେ ଯେତିକି ଖୁସି ହୋଇଛନ୍ତି ତାହା ତାଙ୍କର ଏପର୍ଯ୍ୟନ୍ତ ମିଳିଥିବା ସବୁ ଖୁସି ଠାରୁ ବଡ । ବାପା ହେବା ପରେ ଏହା ଅନୁଭବ କରୁଥିବା ଅଙ୍କିତ କହିଛନ୍ତି । ଆମ ପୋଷ୍ଟ ଅନ୍ୟମାନଙ୍କ ସହ ଶେୟାର କରନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍ କୁ ଲାଇକ କରନ୍ତୁ ।