ଖୁବ ଶୀଘ୍ର ଟେଷ୍ଟ କ୍ରିକେଟରେ ମଧ୍ୟ ତେଜ ଦେଖାଇବେ ଧୂଆଁଦାର ଟି20 ବ୍ୟାଟ୍ସମ୍ୟାନ ସୂର୍ଯ୍ୟକୁମାର ଯାଦବ । ବିସ୍ଫୋରକ ଶତକ ପରେ ସଙ୍କେତ ଦେଇଛନ୍ତି ଏହି ଟି20 ର ଏକ ନମ୍ବର ବ୍ୟାଟର । ଧଳା ବଲରେ ବିସ୍ଫୋରକ ବ୍ୟାଟିଂ ପରେ ଏବେ ଲାଲ ବଲ ମ୍ଯାଚରେ ମଧ୍ୟ ଗର୍ଜିବ ସୂର୍ଯ୍ୟଙ୍କ ବ୍ୟାଟ । ଆଜ୍ଞା ହଁ, ଟି20ରେ ଧୂଆଁଦାର ବ୍ୟାଟିଂ କରି ବୋଲରଙ୍କ ନିଦ ହଜେଇ ଦେଉଥିବା ସୂର୍ଯ୍ୟକୁମାର ଯାଦବଙ୍କୁ ଖୁବ ଶୀଘ୍ର ଟିମ୍ ଇଣ୍ଡିଆର ଧଳା ଜର୍ସିରେ ଦେଖିବାକୁ ମିଳିବ ।
ଟି20 ମ୍ଯାଚ ସହ ଦିନିକିଆରେ ସୂର୍ଯ୍ୟ ଯେଉଁ ଭଳି ପ୍ରଦର୍ଶନ କରୁଛନ୍ତି ତାହା ସଙ୍କେତ ଦେଉଛି ଯେ ସୂର୍ଯ୍ୟଙ୍କୁ ଖୁବ ଶୀଘ୍ର ଟେଷ୍ଟ ମ୍ଯାଚର ଡାକରା ଆସିପାରେ । ଟେଷ୍ଟ ଟିମ୍ ରେ ସାମିଲ ହେବା ନେଇ ସୂର୍ଯ୍ୟ ନିଜେ ମଧ୍ୟ କହିଛନ୍ତି କି, ଖୁବ ଶୀଘ୍ର ଟେଷ୍ଟ ଟିମ୍ ରେ ଆସୁଛି । ବର୍ତ୍ତମାନ ଟି20 କ୍ରିକେଟରେ ବିଶ୍ଵର ଏକ ନମ୍ବର ବ୍ୟାଟର ସ୍ଥାନ ହାସଲ କରିଥିବା ସୂର୍ଯ୍ୟକୁମାର ଯାଦବ ଏହା ପୂର୍ବରୁ ମୁମ୍ବାଇ ପକ୍ଷରୁ ପ୍ରଥମ ଶ୍ରେଣୀ କ୍ରିକେଟ ମଧ୍ୟ ଖେଳିଛନ୍ତି ।
ଗତ କିଛି ବର୍ଷ ହେବ ମୁମ୍ବାଇ ପକ୍ଷରୁ ଭଲ ପ୍ରଦର୍ଶନ କରି ଆସୁଛନ୍ତି ସୂର୍ଯ୍ୟ । ଏନେଇ ସୂର୍ଯ୍ୟ କହିଛନ୍ତି, “ଯେବେ ଆମେ ପ୍ରଥମେ କ୍ରିକେଟ ଖେଳିବା ଆରମ୍ଭ କରିଥିଲୁ ଲାଲ ବଲରେ ଖେଳିଥିଲୁ । ଏବେ ବି ମୁଁ ମୁମ୍ବାଇ ପକ୍ଷରୁ ପ୍ରଥମ ଶ୍ରେଣୀ କ୍ରିକେଟ ଖେଳୁଛି । ଟେଷ୍ଟ ଫର୍ମାଟରେ ଖେଳିବା ମୁଁ ଭଲଭାବେ ଜାଣିଛି । ଏପରିକି ଲମ୍ବା ଫର୍ମାଟରେ ଖେଳିବାର ଆନନ୍ଦ ମଧ୍ୟ ଉଠାଇଛି । ଆଶା ଅଛି ମୋତେ ଖୁବ ଶୀଘ୍ର ଟିମ୍ ଇଣ୍ଡିଆର ଟେଷ୍ଟ ଟିମ୍ ରେ ସ୍ଥାନ ମିଳିବ । ମୁଁ ଭାରତ ପାଇଁ ଭଲ ପ୍ରଦର୍ଶନ କରିପାରିବି ।”
ତେବେ ଗତ କିଛି ବର୍ଷ ହେବ ଟେଷ୍ଟ ଟିମ୍ ରେ ଭାରତ ପାଇଁ ଖେଳିବାର ସ୍ଥାନ ମିଳୁ ନଥିବାରୁ ନିରାଶ ଥିବା କଥା ମଧ୍ୟ କହିଛନ୍ତି ସୂର୍ଯ୍ୟକୁମାର । ସୂର୍ଯ୍ୟ ଆହୁରି ମଧ୍ୟ କହିଛନ୍ତି କି, ବେଳେବେଳେ ମୁଁ ଅତୀତ କଥା ମନେପକାଏ । ଯେତେବେଳେ ମୁଁ ଘରେ ଥାଏ କିମ୍ବା ପତ୍ନୀଙ୍କ ସହ କେଉଁଠିକୁ ଯାତ୍ରା କରୁଥାଏ ସେତେବେଳେ 2-3 ବର୍ଷ ତଳେ କେମିତି ସ୍ଥିତି ଥିଲା ସେନେଇ ଆମେ କଥା ହୋଇଥାଉ । ଅତୀତ ଓ ବର୍ତ୍ତମାନ ମଧ୍ୟରେ କଣ ଫରକ ଅଛି ତାହା ଆମେ ପରଖି ଥାଉ ।
ଜୀବନରେ କିଭଳି ଭାବେ ନୂଆ ମୋଡ ଆସିଛି ଆମେ ସେସବୁ ଆଲୋଚନା କରୁ । ତିନି ବର୍ଷ ତଳେ ଦଳରେ ସ୍ଥାନ ନ ମିଳିବାରୁ ନିରାଶ ଥିଲି । କିନ୍ତୁ ଜୀବନରେ ଯେତେବେଳେ କିଛି ଭଲ ହେଉଛି ସେ ଦିଗ ପ୍ରତି ବିଶେଷ ଧ୍ୟାନ ଦେବା ଉଚିତ ବୋଲି ସେ କହିଛନ୍ତି । ତେବେ ଆଗକୁ ଖୁବ ଶୀଘ୍ର ଟେଷ୍ଟ ଟିମ୍ ରେ ସୂର୍ଯ୍ୟ ନିଜ ସ୍ଥାନ ବନେଇବେ ବୋଲି ବେଶ ଆଶାବାଦୀ ଅଛନ୍ତି । ଆମ ପୋଷ୍ଟ ଅନ୍ୟମାନଙ୍କ ସହ ଶେୟାର କରନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍ କୁ ଲାଇକ କରନ୍ତୁ ।