ଦୀର୍ଘ ଦୁଇ ମାସ ପରେ ତପସ୍ଵିନୀଙ୍କୁ ସୁମିତଙ୍କ ଘରେ ରହିବାକୁ କୋର୍ଟ ଅର୍ଡର ଦେଇଛନ୍ତି । ତପସ୍ଵିନୀ ଯେଉଁଥି ପାଇଁ ଲଢେଇ ଆରମ୍ଭ କରିଥିଲେ ତାଙ୍କ ସପକ୍ଷରେ କୋର୍ଟ ରାୟ ଶୁଣାଇଛନ୍ତି । କିନ୍ତୁ କୋର୍ଟଙ୍କ ରାୟ ପରେ ବି ତୁଟୁନି ସୁମିତ ଏବଂ ତପସ୍ଵିନୀଙ୍କ ବିବାଦ । କୋର୍ଟଙ୍କ ରାୟକୁ ସମ୍ମାନ ଦେଇ ତପସ୍ଵିନୀଙ୍କୁ ସୁମିତଙ୍କ ଘରେ ରହିବାକୁ ସ୍ଥାନ ଦେଇଛନ୍ତି ଶ୍ଵଶୁର । କିନ୍ତୁ ଏହାକୁ ନେଇ ସନ୍ତୁଷ୍ଟ ନାହାନ୍ତି ତପସ୍ଵିନୀ । କାରଣ ସେ ଚାହାନ୍ତି ସେ ତଳ ମହଲାରେ ସୁମିତଙ୍କ ବେଡରୁମ୍ ରେ ହିଁ ରହିବେ ।
କିନ୍ତୁ ଶ୍ଵଶୁର ତାଙ୍କୁ ଉପର ମହଲାରେ ରହିବା ପାଇଁ ରୁମ୍ ଦେଇଛନ୍ତି । ଯେଉଁଠି ପୂର୍ବରୁ ସୁମିତଙ୍କ ପରିବାର ତାଙ୍କୁ ବନ୍ଦୀ କରି ରଖିଥିବା ନେଇ ଅଭିଯୋଗ କରିଥିଲେ ତପସ୍ଵିନୀ । ଏବେ ସୁମିତଙ୍କ ପରିବାର ପକ୍ଷରୁ ଦିଆ ଯାଇଥିବା ସେହି ରୁମ୍ ରେ ରହିବାକୁ ରାଜି ନାହାନ୍ତି ବୋହୂ ତପସ୍ଵିନୀ । କାରଣ ସେ କହିଛନ୍ତି କି ସେଇଟା ବେଡରୁମ୍ ନୁହେଁ ବରଂ ହଷ୍ଟେଲ ରୁମ୍ । ଉପର ମହଲାରେ ହଷ୍ଟେଲ କରି ଛାତ୍ର ଛାତ୍ରୀଙ୍କୁ ରହିବାକୁ ସ୍ଥାନ ଦିଆ ଯାଇଥିଲା ।
ଶ୍ଵଶୁର ଯାହା କହୁଛନ୍ତି କି ତପସ୍ଵିନୀଙ୍କ ପାଇଁ ଭଲ ରୁମ୍ ର ବ୍ୟବସ୍ଥା କରିଛନ୍ତି ବୋଲି ଏହାକୁନେଇ ତପସ୍ଵିନୀ କହିଛନ୍ତି କି, ତାଙ୍କୁ ଧର୍ମ ସହିବନି । ଶ୍ଵଶୁର ପ୍ରମୋଦ କୁମାର ସାହୁ ମିଡିଆ ସାମ୍ନାରେ ମିଛ କହିଛନ୍ତି ବୋଲି ଅଭିଯୋଗ କରିଛନ୍ତି ତପସ୍ଵିନୀ । ହଷ୍ଟେଲ ରୁମ୍ କେମିତି ହୋଇଥିବ ଭାବି ଦେଖିବା ପାଇଁ ତପସ୍ଵିନୀ କହିଛନ୍ତି । ଉପର ମହଲାରେ ଥିବା ଦୁଇଟି ଯାକ ରୁମ୍ ହଷ୍ଟେଲ ରୁମ୍ ଏବଂ ସେସବୁ ଏକଦମ ଅପରିଷ୍କାର ହୋଇ ପଡି ରହିଛି ବୋଲି ତପସ୍ଵିନୀ କହିଛନ୍ତି ।
ତେବେ ସେ ଯେତେବେଳେ ବିବାହ କରି ଆସିଥିଲେ ସେ ତଳ ରୁମ୍ ରେ ସୁମିତଙ୍କ ସହ ତାଙ୍କ ବେଡରୁମ୍ ରେ ରହୁଥିଲେ, ଆଉ ଏବେବି ସେ ସେହି ରୁମ୍ ରେ ରହିବାକୁ ଚାହାନ୍ତି ବୋଲି ଦାବି କରୁଛନ୍ତି । ତେବେ ଏହାପରେ କ’ଣ ହେବ ଏହାକୁ ନେଇ ଏବେ ସମସ୍ତେ ସନ୍ଦିହାନ । ତପସ୍ଵିନୀ ଚୁପଚାପ ସ୍ୱ୍ସୁର ଦେଇଥିବା ରୁମ୍ ରେ ରହିବେ ନା ଏନେଇ ପୁଣି ଥରେ କୋର୍ଟଙ୍କ ଦ୍ଵାରସ୍ଥ ହେବେ ତପସ୍ଵିନୀ ?
ଅବା ଶ୍ଵଶୁର ତାଙ୍କ କଥା ମାନି ତାଙ୍କୁ ସୁମିତଙ୍କ ବେଡରୁମ୍ ରେ ରହିବାକୁ ଦେବେ ? ଏବେ ସମସ୍ତଙ୍କ ମନରେ ଏହି ଗୋଟିଏ ପ୍ରଶ୍ନ । ତେବେ ଆଗକୁ କଣ ହେବ ଏହାରି ଅପେକ୍ଷାରେ ସମସ୍ତେ ରହିଛନ୍ତି । ଆମ ପୋଷ୍ଟ ଅନ୍ୟମାନଙ୍କ ସହ ଶେୟାର କରନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍କୁ ଲାଇକ କରନ୍ତୁ ।