RCB ର ପୁଣି ଥରେ ଆଇପିଏଲ ଟ୍ରଫି ଜିତିବା ସ୍ଵପ୍ନ ଭାଙ୍ଗି ଯାଇଛି । କ୍ଵାଲିଫାୟର ମ୍ଯାଚରେ କଲିକତା ଠାରୁ ପରାସ୍ତ ହୋଇ ଫାଇନାଲରେ ପ୍ରବେଶ କରିବାରୁ ଅଳ୍ପକେ ବଞ୍ଚିତ ହୋଇଛି RCB । ପ୍ଲେ ଅଫ୍ ରୁ ବାହାର ହେବା ପରେ RCB ଟିମ୍ ର ସମସ୍ତ ଖେଳାଳି, ଅଧିନାୟକ ବିରାଟ କୋହଲିଙ୍କ ସମେତ RCB ଫ୍ୟାନ୍ସଙ୍କୁ ମଧ୍ୟ ମର୍ମାହତ କରିଛି । ମ୍ଯାଚ ପରେ କାନ୍ଦି ପକାଇଥିଲେ କୋହଲି । କିନ୍ତୁ ଭାବୁକ ହୋଇ କିଛି ଏମିତି କଥା କହିଥିଲେ ଶୁଣିଲେ ଆପଣ ମଧ୍ୟ ଭାବୁକ ହୋଇଯିବେ ।
ବିରାଟ କୋହଲିଙ୍କ ଅଧିନାୟକତାରେ RCB ଆଜି ପର୍ଯ୍ୟନ୍ତ ଗୋଟିଏ ବି ଟ୍ରଫି ଜିତି ନଥିଲେ ମଧ୍ୟ RCB ଟିମ୍ ର ଆଜି ମଧ୍ୟ ଅନେକ ସମର୍ଥକ ତଥା ପ୍ରଶଂସକ ଅଛନ୍ତି । ଗତକାଲି RCB ଓ କଲିକତା ମଧ୍ୟରେ ଏଲିମିନେଟର ମ୍ଯାଚ ଖେଳା ଯାଇଥିଲା । ବିରାଟ କୋହଲି ଟସ୍ ଜିତି ପ୍ରଥମେ ବ୍ୟାଟିଂ ନେଇଥିଲେ । କିନ୍ତୁ ତାଙ୍କ ଟିମ୍ କାଲି ସେତେ ଭଲ ପ୍ରଦର୍ଶନ କରିପାରି ନଥିଲେ । ମାତ୍ର ୧୩୮ ରନ୍ ର ଲକ୍ଷ ରଖିଥିଲେ କଲିକତା ଆଗରେ । ଯାହା ହାସଲ କରିବା କଲିକତା ଭଳି ଟିମ୍ ପାଇଁ ସେତେ କଷ୍ଟକର ମଧ୍ୟ ନଥିଲା ।
ତେବେ ମ୍ଯାଚ ହାରିବା ପରେ ଅଧିନାୟକ କୋହଲି ଭାବୁକ ହୋଇ ଯାଇଥିଲେ । ବିରାଟ କୋହଲି ନିଜ ବୟାନରେ କହିଥିଲେ, “ମୋତେ ଲାଗୁଛି ଯେତେବେଳେ ମିଡଲ ଅର୍ଡରରେ ଆମ ଟିମ୍ ର ସ୍ପିନର ବୋଲିଂ କରୁଥିଲେ ତାହା ଏହି ମ୍ଯାଚର ସବୁଠୁ ଭଲ ସମୟ ଥିଲା । ବୋଲରଙ୍କ ଉପରେ ଭରସା ଥିଲା କି ସେ ଠିକ ସମୟରେ ୱିକେଟ ନେଇ ଆମ ଟିମ୍ କୁ ପୁଣି ଟ୍ରାକରେ ଆଣିବେ । ଆଉ ସେମିତି ବି ହୋଇଥିଲା । କିନ୍ତୁ କ୍ରିଷ୍ଟିନଙ୍କ ଓଭର ପୁରା ମ୍ଯାଚକୁ ଓଲଟ ପାଲଟ କରି ଦେଇଥିଲା ।
ସେହି ଗୋଟେ ଓଭର ପୁରା ଖେଳକୁ ବଦଳି ଦେଇଥିଲା । ସେତେବେଳଠୁ ଆମେ ଜାଣି ସାରିଥିଲୁ କି କଲିକତାକୁ ହରାଇବା ମୁସ୍କିଲ ହେବ । ଯାହା ବି ହେଉ କଲିକତା ମଧ୍ୟ କିଛି ସହଜରେ ଜିତିନାହିଁ । ମୁଁ ଖରାପ ବ୍ୟାଟିଂ କଥା ନକହି ଶାନଦାର ବୋଲିଂକୁ ପ୍ରଶଂସା କରିବି । ଆମ ବୋଲର ମାନେ ଆଜି ସେମାନଙ୍କର ଶହେ ପ୍ରତିଶତ ଦେଇଛନ୍ତି । ମୁଁ ମଧ୍ୟ ସବୁବେଳେ RCB ଟିମ୍ ପାଇଁ ନିଜର ଶହେ କୋଡିଏ ପ୍ରତିଶତ ଦେଇଛି । ଟିମ୍ କୁ ଜିତାଇବା ମୋର ପ୍ରଥମ କର୍ତ୍ତବ୍ୟ ଅଟେ ।
ମୁଁ RCB ଛଡା ଅନ୍ୟ କେଉଁ ଟିମ୍ ପାଇଁ ଖେଳିବା କଥା କେବେ ଚିନ୍ତା କରିପାରିବି ନାହିଁ । ତେବେ ଆଗକୁ ଜଣେ ଅଧିନାୟକ ନୁହେଁ ବରଂ ଜଣେ ଖେଳାଳି ହିସାବରେ ଟିମ୍ ପାଇଁ ଆହୁରି ଭଲ ଖେଳିବି । ଆଶା କରୁଛି ଆମ ଟିମ୍ ର ସମସ୍ତ ଫ୍ୟାନ ଆମକୁ ବୁଝିବେ ଓ ଏଥର ପାଇଁ ମଧ୍ୟ କ୍ଷମା କରିବେ ।” ବିରାଟ କୋହଲିଙ୍କ ଏହିଭଳି ମନ୍ତବ୍ୟ ଆପଣଙ୍କୁ କେମିତି ଲାଗିଲା ଆମକୁ କମେଣ୍ଟ କରି ଜଣାନ୍ତୁ ଓ ଆଗକୁ ସହ ରହିବା ପାଇଁ ଆମ ପେଜ୍ କୁ ଲାଇକ କରନ୍ତୁ ।