ଗୁହାରି ଜଣାଇବା ପାଇଁ ରାଜ୍ୟବାସୀ ଅପେକ୍ଷା କରି ରହିଥିବେ ଆଉ ସେମାନଙ୍କୁ ଅନାଦେଖା କରି ମୁଖ୍ୟମନ୍ତ୍ରୀ ଯେ ବାଟ ଭାଙ୍ଗି ଚାଲିଯିବେ ଏହା ନା କେବେ ହୋଇଛି ନା କେବେ ହେବ ! ଆଜ୍ଞା ହଁ, ଏକଦମ ଠିକ ପଢିଲେ । ହେଲେ ଆମେ ଏଠାରେ କହୁଛୁ, ଆନ୍ଧ୍ରପ୍ରଦେଶର ମୁଖ୍ୟମନ୍ତ୍ରୀ ୱାଇ. ଏସ. ଜଗନ ମୋହନ ରେଡ୍ଡିଙ୍କ କଥା । ଲୋକଙ୍କୁ ଗହଳି ଭିତରୁ ସେ ମୁଖ୍ୟମନ୍ତ୍ରୀ ଜଗନ ମୋହନ ରେଡ୍ଡି ଭଲ ଭାବେ ବୁଝିପାରନ୍ତି କି କେହି ଜଣେ ତାଙ୍କୁ ଅପେକ୍ଷା କରିଛନ୍ତି ।
ନିଜ ରୋଗିଣା ଛୁଆକୁ ଧରି ଦୀର୍ଘ ସମୟ ଧରି ମୁଖ୍ୟମନ୍ତ୍ରୀଙ୍କ ଆଗରେ ଗୁହାରି ଜଣାଇବାକୁ ଅପେକ୍ଷା କରି ରହିଥିଲେ ଜଣେ ମା’ । ଆଉ ଗହଳି ଭିତରେ ବି ଅଚାନକ ମୁଖ୍ୟମନ୍ତ୍ରୀଙ୍କ ନଜର ତାଙ୍କ ଉପରେ ପଡିଲା । ଲୋକଙ୍କ ଭିଡ ଭିତରୁ ସେହି ମା’ଙ୍କୁ ପାଖକୁ ଡାକିଲେ ଓ ଦୀର୍ଘ ୨୦ ମିନିଟ ଧରି ତାଙ୍କ ସହ ଆଲୋଚନା ମଧ୍ୟ କଲେ । ଏକ ସ୍ଵତନ୍ତ୍ର କାର୍ଯ୍ୟକ୍ରମରେ ଯୋଗ ଦେବା ପାଇଁ ଆନ୍ଧ୍ରପ୍ରଦେଶ ମୁଖ୍ୟମନ୍ତ୍ରୀ ୱାଇ. ଏସ. ଜଗନ ମୋହନ ରେଡ୍ଡି ତିରୁପତ୍ତି ଆସିଥିଲେ ।
ଆଉ ସେହି ସମୟରେ ମୁଖ୍ୟମନ୍ତ୍ରୀଙ୍କୁ ଭେଟି ନିଜ ଗୁହାରି ଜଣାଇବା ପାଇଁ ଭିଡ ଭିତରେ ଅପେକ୍ଷା କରି ରହିଥିଲେ ଜଣେ ମାଆ । ଯଦିଓ ପ୍ରଥମେ ମୁଖ୍ୟମନ୍ତ୍ରୀଙ୍କ ସୁରକ୍ଷାକର୍ମୀ ମାନେ ମହିଳାଙ୍କୁ ଜଗନ ମୋହନ ରେଡ୍ଡିଙ୍କ ସହ ଭେଟିବାକୁ ବାରଣ କରିଥିଲେ ତଥାପି ମୁଖ୍ୟମନ୍ତ୍ରୀ ତାଙ୍କୁ ସୁଯୋଗ ଦେଇଥିଲେ ।
ମୁଖ୍ୟମନ୍ତ୍ରୀ ନିଜେ ଗାଡିରୁ ତଳକୁ ଓହ୍ଲାଇ ଆସିଥିଲେ ଆଉ ତାଙ୍କର ସବୁ ଗୁହାରି ଶୁଣିଥିଲେ । ଉକ୍ତ ମହିଳାଙ୍କ ସବୁ ଗୁହାରି ଶୁଣିବା ପାଇଁ ସେ ଜିଲ୍ଲାପାଳଙ୍କୁ ନିର୍ଦ୍ଦେଶ ଦେବା ସହ ନିଜ ଭିଜିଟିଂ କାର୍ଡ ମଧ୍ୟ ସେହି ମହିଳାଙ୍କୁ ଦେଇଥିଲେ ମୁଖ୍ୟମନ୍ତ୍ରୀ । କିଛି ଅସୁବିଧା ହେଲେ ଏହି ମାଧ୍ୟମରେ ତାଙ୍କୁ ଯୋଗାଯୋଗ କରିବା ପାଇଁ କହିଥିଲେ ଆନ୍ଧ୍ରପ୍ରଦେଶ ମୁଖ୍ୟମନ୍ତ୍ରୀ । ତେବେ କେବଳ ଏହି ମହିଳାଙ୍କୁ ନୁହେଁ ବରଂ ମୁଖ୍ୟମନ୍ତ୍ରୀଙ୍କ ବାଟରେ ଅପେକ୍ଷା କରି ରହିଥିବା ଅସହାୟ ଲୋକଙ୍କୁ ସେ କେବେବି ଅଣଦେଖା କରନ୍ତି ନାହିଁ ।
ଜଗନ ମୋହନଙ୍କ ଏଭଳି କାର୍ଯ୍ୟ ପାଇଁ କେବଳ ଆନ୍ଧ୍ରପ୍ରଦେଶରେ ନୁହେଁ ବରଂ ସାରା ଭାରତରେ ତାଙ୍କର ପ୍ରଶଂସା କରାଯାଉଛି । ଆପଣଙ୍କୁ ଜଗଣା ମୋହନ ରେଡ୍ଡିଅଙ୍କ ଏଭଳି ଉଦାରତା ଦେଖି କିପରି ଲାଗିଲା ଆମକୁ କମେଣ୍ଟ କରି ଜଣାନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍ କୁ ଲାଇକ କରନ୍ତୁ ।