ଦେଶ ଦୁନିଆକୁ ଶୋକରେ ଭିଜାଇ ସ୍ଵର ସମ୍ରାଜ୍ଞୀ ଲତା ମଙ୍ଗେସକର ୯୨ ବର୍ଷ ବୟସରେ ସମସ୍ତଙ୍କୁ ଅଲବିଦା କରି ଯାଇଛନ୍ତି । ହିନ୍ଦୁସ୍ଥାନ ଓ ହିନ୍ଦୀ ସିନେମାର ସବୁଠୁ ବଡ ଗାୟିକା ଲତାଙ୍କୁ ଏବେ ସାରା ଦେଶ ଅଶ୍ରୁଳ ଚକ୍ଷୁରେ ବିଦାୟ ଦେଇଛି । ନିଜ ମଖମଲି ସ୍ଵରରେ ଲତା ପ୍ରତ୍ଯେକଙ୍କୁ ମନ୍ତ୍ରମୁଗ୍ଧ କରି ଦେଉଥିଲେ । ଲତା ଦିଦିଙ୍କ ସଙ୍ଗୀତ କ୍ଯାରିୟର ଆଠ ଦଶକ ପର୍ଯ୍ୟନ୍ତ ଚାଲିଥିଲା । ସେ ପ୍ରାୟ ୩୬ ହଜାରରୁ ମଧ୍ୟ ଅଧିକ ଗୀତ ଗାଇଛନ୍ତି ।
ତେବେ ଲତାଙ୍କ ଅନୁପସ୍ଥିତିରେ ତାଙ୍କ ଜୀବନର ଅନେକ ଘଟଣା ଏବେ ଲୋକେ ଚର୍ଚ୍ଚା କରୁଛନ୍ତି । ଆଜି ଆମେ ଆପଣଙ୍କୁ ଲତା ଦିଦି ଏବଂ ଦିଗଜ ଅଭିନେତ୍ରୀ ମୀନା କୁମାରୀଙ୍କ ସହ ଜଡିତ ଏକ ଘଟଣା କହିବାକୁ ଯାଉଛୁ । ଲତା ଦିଦି ହିନ୍ଦୀ ସିନେମାର ସବୁଠୁ ଲୋକପ୍ରିୟ ଏବଂ ସମ୍ମାନିତା ଗାୟିକା ଥିବାବେଳେ ମୀନା କୁମାରୀ ମଧ୍ୟ ନିଜ ଜମାନାର ସବୁଠୁ ପ୍ରସିଦ୍ଧ ଅଭିନେତ୍ରୀ ମାନଙ୍କ ମଧ୍ୟରୁ ଜଣେ ଥିଲେ । ଲତା ଦିଦିଙ୍କ ଆୱାଜର ପ୍ରତ୍ଯେକ ବ୍ୟକ୍ତି ଦିୱାନା ଥିଲେ ।
ହିନ୍ଦୀ ସିନେମାର ବଡ ବଡ ଦିଗଜ ବ୍ୟକ୍ତି ମଧ୍ୟ ତାଙ୍କ ସ୍ଵରରେ ମନ୍ତ୍ରମୁଗ୍ଧ ହୋଇ ଯାଉଥିଲେ । ସେହିଭଳି ଅଭିନେତ୍ରୀ ମୀନା କୁମାରୀ ମଧ୍ୟ ତାଙ୍କ ଆୱାଜ ଖୁବ ପସନ୍ଦ କରୁଥିଲେ । ଟ୍ରାଜେଡି କୁଇନ ନାମରେ ପରିଚିତ ମୀନା କୁମାରୀ ଥରେ ତାଙ୍କ ଘରେ ଆସି ଗୀତ ଗାଇବା ପାଇଁ ଲତା ମଙ୍ଗେସକରଙ୍କୁ ନିମନ୍ତ୍ରଣ ଦେଇଥିଲେ । କିନ୍ତୁ ଲତା ଦିଦି ମୀନା କୁମାରୀଙ୍କ ଏହି ନିମନ୍ତ୍ରଣକୁ ଅସ୍ଵୀକାର କରି ଦେଇଥିଲେ । ଏହା ପଛର କାରଣ ଆପଣଙ୍କୁ ଆମେ ଜଣାଇବାକୁ ଯାଉଛୁ ।
ଲତା ଦିଦି ଏହି ଘଟଣା ବିଷୟରେ ନିଜେ ଏକ ସାକ୍ଷାତକାରରେ କହିଥିଲେ । ମୀନା କୁମାରୀଙ୍କ ନିମନ୍ତ୍ରଣକୁ କାହିଁକି ମନା କରି ଦେଇଥିଲେ ଲତା ଦିଦି ନିଜେ କହିଥିଲେ । ଭାରତ ରତ୍ନ ଲତା ଦିଦି କହିଥିଲେ, “ଦିନେ ମୀନା କୁମାରୀ ମୋତେ ଫୋନ କରିଥିଲେ । ସେ ଚାହୁଁଥିଲେ ମୁଁ ତାଙ୍କ ଘରକୁ ଯାଇ ଗୀତ ଗାଇବି । କିନ୍ତୁ ମୁଁ ତାଙ୍କୁ ମନା କରି ଦେଇଥିଲି ଏବଂ କହିଥିଲି କି ବ୍ୟକ୍ତିଗତ ସମାରୋହରେ ମୁଁ ଗୀତ ଗାଏ ନାହିଁ ।
ନିଜ କଥା ଜାରି ରଖି ଲତା ଦିଦି କହିଥିଲେ କି, ମୀନା କୁମାରୀ ଖାସ୍ କରି ତାଙ୍କ ଗୀତ ଶୁଣିବା ପାଇଁ ଅନେକ ଥର ରେକଡିଂ ଷ୍ଟୁଡିଓ ଆସୁଥିଲେ । ସେଦିନ ଲତା ମଙ୍ଗେସକର ତାଙ୍କ କେଶ ମୁକୁଳା ରଖିଥିଲେ । ମୀନା କୁମାରୀଙ୍କୁ ନିଜ କେଶକୁ ନେଇ ବହୁତ ଗର୍ବ ଥିଲା । କିନ୍ତୁ ସେ ଲତାଙ୍କ କେଶ ଦେଖି କହିଥିଲେ କି, ତୁମ ଚୁଟି କେତେ ଲମ୍ବା ! ଏହାର ଉତ୍ତରରେ ଲତା ଦିଦି କହିଥିଲେ କି, ମୁଁ ମୋ କେଶ କେବେ ମଧ୍ୟ କାଟି ନାହିଁ ।
ଫିଲ୍ମ “ପାକିଜା” ହିନ୍ଦୀ ସିନେମାର ଏକ ଶାନଦାର ଫିଲ୍ମ ଅଟେ । ଏହି ଫିଲ୍ମରେ ମୀନା କୁମାରୀଙ୍କ ସହ ରାଜ କୁମାର, ଅଶୋକ କୁମାର ଓ ନଦିରା କାମ କରିଥିଲେ । ୧୯୭୨ ମସିହାରେ ଆସିଥିବା ଏହି ଫିଲ୍ମରେ ଲତା ଦିଦି ଗୀତ ଗାଇ ମୀନା କୁମାରୀଙ୍କ ପାଇଁ ସ୍ଵର ଦେଇଥିଲେ । ଆମ ପୋଷ୍ଟ ଅନ୍ୟମାନଙ୍କ ସହ ଶେୟାର କରନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍ କୁ ଲାଇକ କରନ୍ତୁ ।