ରାତିରେ ବାପା ଝିଅକୁ ଫୋନ କଲ୍ କରିଥିଲେ ଆଉ କଣ କରୁଛୁ ବୋଲି ପଚାରିଥିଲେ । ଝିଅ କହିଥିଲା ମେସ୍ ରେ ଆଜି ଚିକେନ ହେଇଥିଲା ଆଉ ସେ ଗିନାରେ ଚିକେନ ଆଣି ରୁମ୍ ରେ ରଖିଛି । ତା’ର ଭାତ ଖାଇବାକୁ ଇଚ୍ଛା ନଥିଲା ତେଣୁ ମା’ ଦେଇଥିବା ମୁଢି ସହ ସେହି ଚିକେନ ଖାଇବ ବୋଲି ବାପାଙ୍କୁ କହିଥିଲା ଝିଅ । ବାପା କହିଥିଲେ, ହଉ ମା ଖାଇଦେବୁ । ଆଉ ଭଲରେ ପାଠ ପଢିବୁ । ତୋ ମା’ ବହୁତ ପରିଶ୍ରମ କରି ତୋତେ ନର୍ସ ପାଠ ପଢାଉଛି ।
ଝିଅ ବି କହିଥିଲା ହଁ ବାପା ମୁଁ ଭଲ ପାଠ ପଢୁଛି । ଏଥର କ୍ଳାସ ପରୀକ୍ଷାରେ ମୁଁ ୫ ନମ୍ବର ସ୍ଥାନରେ ରହିଛି । ଆଉ ପରୀକ୍ଷା ସରିଗଲେ ଭଲ ଚାକିରି ବି ପାଇଯିବି । ଏତିକି କଥା ହେବା ପରେ ବାପା କହିଥିଲେ ହଉ ମା ଫୋନ ରଖ ମୋ ଡ୍ଯୁଟି ଟାଇମ ହେଲାଣି ମୁଁ ଯାଉଛି । ରାତି ୮ଟା ସମୟରେ ବାପା ଝିଅ ଫୋନ କଲ୍ ରେ ଏମିତି କଥା ହୋଇଥିଲେ । ଆଉ ଏହାର ଠିକ ଦେଢ ଘଣ୍ଟା ପରେ ଅର୍ଥାତ ରାତି ୯ଟା ବାଜି ୩୦ ମିନିଟ ସମୟରେ ତାଙ୍କୁ ଜ୍ଯୋତି ହସ୍ପିଟାଲରୁ ଫୋନ କଲ୍ ଯାଇଥିଲା ।
ତାଙ୍କୁ କୁହା ଯାଇଥିଲା କି ତୁମ ଦେହ ପୁରା ଗୁରୁତର ସେ ଆଇସିୟୁରେ ଅଛନ୍ତି ଶୀଘ୍ର ଆସ । ଆଉ ଏହାର ଠିକ ୫ଦିନ ପରେ ଘରର ଅବସ୍ଥା ଦେଖିଲେ ଆପଣଙ୍କ ମନ ବି ସହିବନି । ଝିଅ ପାଇଁ ଘର କାନ୍ଦ ବୋବାଳିରେ ଫାଟି ପଡୁଛି ଆଉ ସମସ୍ତଙ୍କ ଆଖିରୁ ଧାର ଧାର ଲୁହ ବୋହି ପଡୁଛି ।
କାରଣ ଝିଅ ନର୍ସ ହେବା ପାଇଁ ଯାଇଥିଲା କିନ୍ତୁ ଶବ ହୋଇ ଘରକୁ ଫେରିଛି । ଏକଥା କେହିବି ସହଜରେ ଗ୍ରହଣ କରି ପାରୁନାହାନ୍ତି । ମା, ବଡମା, ଭାଇ, ଭାଉଜ ସମସ୍ତେ ରାହା ଛାଡି କାନ୍ଦୁଛନ୍ତି । ଘରର ଗେଲ ବସରିଆ ଝିଅ ଲିପ୍ସା ଆଜି ସମସ୍ତଙ୍କୁ ଛାଡି ଆରପାରିକୁ ଚାଲିଯାଇଛି । ରୋଗୀ ମାନଙ୍କର ସେବା କରିବା ପାଇଁ ସେ ନର୍ସ ପାଠ ପଢୁଥିଲେ । କିନ୍ତୁ ତାଙ୍କ ସହ ଯେ ଏମିତି ଘଟିଯିବ ସେକଥା କିଏ ବା ଜାଣିଥିଲେ ।
ବାଲେଶ୍ଵରର ଜ୍ଯୋତି ହସ୍ପିଟାଲରେ ପାଠ ପଢୁଥିବା ଲିପ୍ସା ଆଜି ନୀରବି ଯାଇଛନ୍ତି । ତେବେ ତାଙ୍କ ମୃତ୍ୟୁର କାରଣ ଅସ୍ପଷ୍ଟ ଥିବାବେଳେ ତାଙ୍କୁ ରାଗିଂ ହୋଇଥାଇ ପାରେ ବୋଲି ଅଭିଯୋଗ କରିଛନ୍ତି ଘରଲୋକେ । ଆମ ପୋଷ୍ଟ ଅନ୍ୟମାନଙ୍କ ସହ ଶେୟାର କରନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍ କୁ ଲାଇକ କରନ୍ତୁ ।