ବାମନ, ବାଛୁରୀ, ପିମ୍ପୁଡି ଆଦି କହି ସମସ୍ତେ ଥଟ୍ଟାମଜା କରୁଥିଲେ, କିନ୍ତୁ ଆଜି ନାଁ କମାଇଛନ୍ତି ଲିପୁନ । ନିଜ ଭିଡିଓ ମାଧ୍ୟମରେ ଆଜି ଅନେକ ଲୋକଙ୍କ ମନ ଜିଣି ପାରିଛନ୍ତି ଲିପୁନ । ସେ ନିଜେ ଯେତିକି ମଜାଦାର କଥା କୁହନ୍ତି ତାଙ୍କ ପ୍ରେମ କାହାଣୀ ବି ଠିକ ସେମିତି ମଜାଦାର । ଯାହାଙ୍କୁ ଭଲ ପାଇଥିଲେ ତାଙ୍କୁ ହିଁ ବିବାହ କଲେ । ତାଙ୍କ ବିବାହରେ ବରଯାତ୍ରୀ ଯାଇ ନଥିଲା ସାଙ୍ଗସାଥି ମାନେ ରୋଷଣୀ କରି ନାଚି ନଥିଲେ । ହେଲେ ବି ଅନୁଙ୍କ ସହ ବେଶ ଖୁସି ଅଛନ୍ତି ଜୁନିୟର ଲିପୁନ ।
ଅନୁ ମଧ୍ୟ ଲିପୁନଙ୍କ ସହ ବେଶ ଖୁସି ଅଛନ୍ତି ବୋଲି କହିଛନ୍ତି । ଲିପୁନ କଲେଜର ଶେଷ ବର୍ଷରେ ଥିବାବେଳେ ଅନୁଙ୍କ ସଂସ୍ପର୍ଶରେ ଆସିଥିଲେ । ଉଭୟଙ୍କ ମଧ୍ୟରେ କଥାବାର୍ତ୍ତା ବଢିବା ସହ ଧୀରେ ଧୀରେ ପ୍ରେମ ମଧ୍ୟ ହୋଇଥିଲା । ଲିପୁନଙ୍କ ଉଚ୍ଚତା ବହୁତ କମ୍ ଥିଲେ ମଧ୍ୟ ଅନୁ ତାଙ୍କୁ ବାଛିଥିଲେ । ଏକଥା ଲିପୁନଙ୍କୁ ବେଶ ଭଲ ଲାଗିଥିଲା । ଅନୁଙ୍କ ସାଙ୍ଗସାଥି ସେମାନଙ୍କ ବିଷୟରେ ଜାଣିବା ପରେ ତାଙ୍କୁ ମନା କରୁଥିଲେ ଲିପୁନଙ୍କ ସହ ସମ୍ପର୍କ ରଖିବା ପାଇଁ ।
ହେଲେ ଅନୁ ଲିପୁନଙ୍କ ହୃଦୟ ଦେଖି ପ୍ରେମ କରିଥିଲେ, ଯେଉଁଥି ପାଇଁ ତାଙ୍କ ଉଚ୍ଚତାକୁ ସେ ଅଣଦେଖା କରି ଦେଇଥିଲେ । ତେବେ ଅନୁଙ୍କ ଘରେ ଅନ୍ୟତ୍ର ବାହାଘର ବୁଝାବୁଝି କରିବା ସହ ତାଙ୍କୁ ଘରେ ରଖୁଥିଲେ । ଏପରିକି ସାଙ୍ଗସାଥିଙ୍କ ସହ ମିଶିବାକୁ ମଧ୍ୟ ଦେଉ ନଥିଲେ । ଦିନକୁ ଦିନ ଘର ଲୋକଙ୍କ ତାଗିଦ ବଢିବା ଯୋଗୁଁ ଅନୁ ବ୍ୟସ୍ତ ହୋଇ ଲିପୁନଙ୍କୁ କହିଥିଲେ, ତୁମେ ଆଜି କିଛି ଗୋଟେ କର ନହେଲେ କାଲିକୁ ମୋତେ ଆଉ ପାଇବନି ।
ଲିପୁନ ସେତେବେଳେ ଶୁଟିଙ୍ଗରେ ଯାଜପୁରରେ ଥିଲେ । ଅନୁଙ୍କ କଥା ଶୁଣି ସେ କେବଳ ତିନି ଘଣ୍ଟାରେ କପ୍ତିପଦାରେ ପହଞ୍ଚିଥିଲେ । ଏଥିରେ ତାଙ୍କର ଦୁଇଜଣ ବଡ ଭାଇ ତାଙ୍କୁ ସାହାଯ୍ୟ କରିଥିଲେ । ଅନୁ ରାତି ପ୍ରାୟ 9ଟାରୁ ସାଢେ 9ଟା ମଧ୍ୟରେ ଘରର କାନ୍ଥ ଡେଇଁ ଲିପୁନଙ୍କ ସହ ପଳେଇ ଆସିଥିଲେ । ଏହାପରେ ସେ ରାତାରାତି ଅନୁଙ୍କୁ ନେଇ ଭୁବନେଶ୍ବର ପଳେଇ ଆସିଥିଲେ । କାଳିଆ ଷଣ୍ଢ ଭାଇ ଏବଂ ତାଙ୍କ ପତ୍ନୀ ଡେଜି ଭାଉଜ ସେମାନଙ୍କ ବିବାହ କରାଇଥିବା କୁହନ୍ତି ଲିପୁନ ।
ଉଭୟଙ୍କ ମଧ୍ୟରେ ଯେଉଁ ପ୍ରେମ ଅଛି ଆଜିକାଲିର ଦୁନିଆରେ ଏହା ବହୁତ କମ୍ ଦେଖିବାକୁ ମିଳେ । ଆମ ପୋଷ୍ଟ ଅନ୍ୟମାନଙ୍କ ସହ ଶେୟାର କରନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍ କୁ ଲାଇକ କରନ୍ତୁ ।