କଥାରେ ଅଛି, ଗରିବ ମାଈପ ସମସ୍ତଙ୍କ ଶାଳୀ । ଅର୍ଥାତ ଗରିବ ଲୋକକୁ ସମସ୍ତେ ହଇରାଣ କରନ୍ତି ଓ ଅଣଦେଖା କରନ୍ତି । ଠିକ ସେମିତି ବିଜେବି କଲେଜ ଛାତ୍ରୀଙ୍କ ଆତ୍ମହତ୍ୟା ମାମଲାକୁ କାଜେଲ କତ୍ତୃପକ୍ଷ ହାଲୁକାରେ ନେଉଛନ୍ତି ବୋଲି ଅଭିଯୋଗ ଆଣିଛନ୍ତି ସମାଜସେବୀ ମଧୁମିତା ରଥ । କଲେଜ ହଷ୍ଟେଲର ତିନିଜଣ ସିନିୟରଙ୍କ ରାଗିଂରେ ଅତିଷ୍ଠ ହୋଇ ଯୁକ୍ତ ତିନି ପ୍ରଥମ ବର୍ଷର ଛାତ୍ରୀ ଆତ୍ମହତ୍ୟା କରିଥିବା ଜଣାପଡିବା ପରେ ମାମଲାକୁ ରାଜଧାନୀ ଉଠୁଛି ପଡୁଛି ।
ଏନେଇ ମଧୁମିତା କହିଛନ୍ତି କି ରୁଚିକା ଯଦି ଜଣେ ବିଧାୟକ କିମ୍ବା ମନ୍ତ୍ରୀଙ୍କ ଝିଅ ହୋଇଥାନ୍ତେ ତେବେ କଲେଜରେ ବର୍ତ୍ତମାନ କ୍ଳାସ ହେଉ ନଥାନ୍ତା କି ଗେଟ୍ ରେ ତାଲା ପଡି ନଥାନ୍ତା । ଯେହେତୁ ରୁଚିକା ଗରିବ ଘରର ଝିଅ ଓ ମଫସଲରୁ ଆସିଛି ସେଥିପାଇଁ ତା’ ପ୍ରତି ଏଭଳି ଅନ୍ୟାୟ କରାଯାଉଛି । ଏହି କଲେଜର ବହୁତ ନାଁ ରହିଛି ଓ ଏଇଠୁ ପାଠପଢି ଅନେକ ଲୋକ ଅନେକ ଆଇଏଏସ ଆଇପିଏସ ଆଦି ବଡ ବଡ ଅଫିସର ହୋଇଛନ୍ତି । ସେଥିପାଇଁ ଆଇଏଏସ ହେବାର ଲକ୍ଷ୍ୟ ନେଇ ଏଠାକୁ ପାଠ ପଢିବାକୁ ଆସିଥିଲା ରୁଚିକା ।
କିନ୍ତୁ ତାଙ୍କର ଆଣ୍ଟି ରାଗିଂ କମିଟି ଓ ୱାର୍ଡେନ ଥାଇ ମଧ୍ୟ ରୁଚିକାଙ୍କ ସହ ରାଗିଂ ହେଉଥିଲା । ରୁଚିକା ପାଗେଳି ବ ସାଇକୋ ବୋଲି ୱାର୍ଡେନ ଜାଣିପାରିଲା । କିନ୍ତୁ ତା’ ସହ କେତେ ଟର୍ଚର ହେଉଛି ଓ ସେ କଣ ପାଇଁ ଏତେ ମାନସିକ ଚାପରେ ରହୁଛି ତାହା କେମିତି ୱାର୍ଡେନ ଜାଣିପାରିଲା ନାହିଁ । ତାଙ୍କୁ ସେତିକି ଟର୍ଚର ନ ହୋଇଥିଲେ ସେ ସୁଇସାଇଡ ଭଳି ଶେଷ ପଦକ୍ଷେପ କେବେବି ନେବନାହିଁ ।
ରୁଚିକାଙ୍କ କୌଣସି ଅର୍ଥ ଅଭାବ ନଥିଲା ଓ ସେ ଭଲ ପାଠ ପଢୁଥିଲା । ତେଣୁ ୱାର୍ଡେନଙ୍କୁ ସସପେଣ୍ଡ କରାଯାଉ ଓ ଆରେଷ୍ଟ କରାଯାଉ ବୋଲି ଦାବି କରିଛନ୍ତି ମଧୁମିତା । ଏହାସହ ହଷ୍ଟେଲରୁ ଅନ୍ୟ ଯେଉଁ ୬ ଜଣ ପଳେଇଛନ୍ତି ସେମାନଙ୍କୁ ଠାବ କରାଯାଇ ତିନିଜଣ ଅଭିଯୁକ୍ତଙ୍କୁ ଚିହ୍ନଟ କରାଯାଉ । କଲେଜକୁ ସେତେବେଳ ପର୍ଯ୍ୟନ୍ତ ବନ୍ଦ କରାଯାଇ ପ୍ରଥମେ ଏହି ମାମଲାର ସମାଧାନ କରାଯାଉ ବୋଲି ଦାବି କରିଛନ୍ତି ମଧୁମିତା । କଲେଜର ଆଣ୍ଟି ରାଗିଂ କମିଟି ରହିଛି ସେମାନେ କଣ କରୁଛନ୍ତି ବୋଲି ମଧୁମିତା ପ୍ରଶ୍ନ କରିଛନ୍ତି ।
କଲେଜ ତାଲା ପକେଇଦେଲେ ସେ ଆପେ ଏହି ମାମଲା ସମାଧାନ କରିବାକୁ ବାଧ୍ୟ ହେବେ । ଗରିବ ଝିଅଟି ଗାଁରୁ ଆସିଛି ବୋଲି ତା’ ପାଇଁ କାନ୍ଦିବାକୁ କେହି ନାହାନ୍ତି । ଲୋକେ ଭୁଲିଗଲେ କଥା ସରିଲା ବୋଲି କଲେଜ କତ୍ତୃପକ୍ଷ ଅପେକ୍ଷା କରି ରହିଛନ୍ତି । ଗୋଟିଏ ବଡ କଲେଜ ନାଁର ଧାପାରେ କଲେଜ ଚାଲିଛି ବୋଲି ନିନ୍ଦା କରିଛନ୍ତି ସମାଜସେବୀ ମଧୁମିତା ରଥ । ଆମ ପୋଷ୍ଟ ଅନ୍ୟମାନଙ୍କ ସହ ଶେୟାର କରନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍ କୁ ଲାଇକ କରନ୍ତୁ ।