ମଣିଷକୁ ଭଗବାନ ପୁରୁଷ ଓ ନାରୀ କରି ଗଢିଛନ୍ତି । ଆଉ ପ୍ରତ୍ଯେକ ଶରୀରରେ ମଣିଷକୁ ଦୁଃଖଭୋଗ କରିବାକୁ ପଡିଥାଏ । ଯେମିତିକି ସ୍ତ୍ରୀ’ମାନେ ମାସିକଧର୍ମ କଷ୍ଟ ଭୋଗ କରନ୍ତି । ତେବେ କେଉଁ କାରଣରୁ ସ୍ତ୍ରୀ’ମାନଙ୍କୁ ଏହି ଅଭିଶାପ ଦିଆଯାଇଥିଲା ତାହା ଆଜି ଆମେ ଜାଣିବା । ଏକଦା ଇନ୍ଦ୍ରପୁରରେ ଭଗବାନ ଇନ୍ଦ୍ର ତାଙ୍କ ପତ୍ନୀ ଓ ସମସ୍ତ ପାର୍ଶ୍ବଦେବଙ୍କ ସମୁଖରେ ମଦିରା ପାନ କରି ଭୋଗବିଳାସ ଜାରି ରଖିଥିଲେ । ସେହି ସମୟରେ ତାଙ୍କ ଗୁରୁ ବୃହସ୍ପତି ଦେବ ରାଜ୍ୟସଭାରେ ଉପସ୍ଥିତ ହୋଇଥିଲେ ।
କିନ୍ତୁ ଶିଷ୍ୟ ଇନ୍ଦ୍ରଙ୍କ ମଦମତ୍ତ ଅବସ୍ଥା ଦେଖି ସେଠାରେ ରହିବା ଅସମ୍ମାନ ହେବ ବୋଲି ସେ ଭାବିଲେ । ଏହାକୁ ନେଇ ବୃହସ୍ପତି ବିଚାର କଲେ ଯେ, ଇନ୍ଦ୍ର ଆଜି କୁକର୍ମ ଓ ମଦରେ ଲିପ୍ତ ହୋଇଛି । ତେଣୁ ସେ ସେଠାରୁ ଚାଲିଯାଇ ନିଜେ ଗୁରୁପଦରୁ ନିଜକୁ ତିରସ୍କାର କରିଦେଲେ । ବୃହସ୍ପତି ଗୁରୁପଦ ଛାଡି ଦେବାରୁ ବିଶ୍ଵରୂପଙ୍କୁ ନିଜର ଗୁରୁ ରୂପରେ ଗ୍ରହଣ କଲେ । ଏହି ସମୟରେ ବ୍ରାହ୍ମଣଙ୍କୁ ହତ୍ୟା କରି ଇନ୍ଦ୍ର ବ୍ରହ୍ମହତ୍ୟା ଦୋଷରେ ଦୋଷିତ ହୋଇଥିବାରୁ ତାଙ୍କର ଏହି ଦୋଷକୁ ଚାରିଜଣଙ୍କୁ ବାଣ୍ଟିଲେ ।
ସେହି ଚାରିଜଣ ହେଲେ ଭୂମି, ଜଳ, ବୃକ୍ଷ ଏବଂ ନାରୀ । ଇନ୍ଦ୍ର ଏହି ସମସ୍ତଙ୍କୁ କହିଲେ ତୁମେମାନେ ମୋର ବ୍ରହ୍ମହତ୍ୟା ପାପର ଏକ ଚତୁର୍ଥାଂଶ ପାପକୁ ଗ୍ରହଣ କର, ଆଉ ପ୍ରତିବଦଳରେ ମୁଁ ତୁମକୁ କିଛି ନା କିଛି ଆଶୀର୍ବାଦ ମଧ୍ୟ ପ୍ରଦାନ କରିବି । ପ୍ରଥେମ ବୃକ୍ଷ ଇନ୍ଦ୍ରଙ୍କ ବ୍ରହ୍ମହତ୍ୟା ଦୋଷର ପାପାଂଶ ଗ୍ରହଣ କରିଥିବାରୁ ପ୍ରତିଫଳ ସ୍ୱରୂପ ଗଛ ଗୁଡିକରୁ ବାହାରିଥିବା ନିର୍ଯ୍ୟାସ ବା ରସ ଗ୍ରହଣ ବା ଆସ୍ଵାଦନ ଯୋଗ୍ୟ ହୋଇ ନଥାଏ ।
ସେଥିପାଇଁ ତାଳ ଓ ଖଜୁରୀ ଆଦି ଗଛରୁ ଯେଉଁ ରସ ବାହାରିଥାଏ ଓ ମଦିରା ସମାନ ତାକୁ ଆମେ ପିଇଥାଉ ସେସବୁକୁ ପାନ କରିବା ନିଷେଧ ଅଟେ । ଦ୍ବିତୀୟରେ ଜଳ ମଧ୍ୟ ଇନ୍ଦ୍ରଙ୍କ ବ୍ରହ୍ମହତ୍ୟାର କିଛି ପାପାଂଶ ଗ୍ରହଣ କରି ଫେଣ ସ୍ୱରୂପରେ ଏହି ଦୋଷକୁ ପାଇଲେ । ଏହା ବଦଳରେ ଇନ୍ଦ୍ର ଜଳକୁ ବର ଦେଇ କହିଥିଲେ, ତୁମେ ଯାହା ସହ ମିଶିବ ତା’ର ଗୁଣ ପ୍ରଦାନ କରିବ ।
ସେହିଭଳି ତୃତୀୟରେ ଭୂମି ମଧ୍ୟ ଇନ୍ଦ୍ରଙ୍କ ବ୍ରହ୍ମହତ୍ୟା ପାପାଂଶ ବହନ କରିବାକୁ ରାଜି ହେବା ପରେ ଭୂମି ଉସର ଭୂମି ଭାବେ ପରିଦୃଶିତ ହୋଇଥିଲା । କିନ୍ତୁ ଭୂମିକୁ ଇନ୍ଦ୍ର ବର ଦେଇ କହିଲେ, ତୁମକୁ କେହି ଆଘାତ ଦେଲେ ବା ଖୋଳିଲେ କିଛିଦିନ ମଧ୍ୟରେ ତୁମେ ଯେପରି ଥିଲ ପୁନର୍ବାର ସେପରି ହୋଇଯିବ ।
ଶେଷରେ ନାରୀ ଇନ୍ଦ୍ରଙ୍କ ବ୍ରହ୍ମହତ୍ୟା ପାପାଂଶର ଭାଗୀ ହେବାରୁ ଏହାର ଫଳସ୍ଵରୂପ ତାଙ୍କୁ ମାସିକଧର୍ମର କଷ୍ଟ ଭୋଗିବାକୁ ପଡୁଛି । ଏହା ବଦଳରେ ଇନ୍ଦ୍ର ନାରୀଙ୍କୁ ବର ଦେଇ କହିଲେ, ତୁମେ ଚାହିଁଲେ କୌଣସି ଘରକୁ ଅମୃତମୟ ସ୍ଵର୍ଗରେ ପରିଣତ କରିପାରିବ କିମ୍ବା ନର୍କରେ ପରିଣତ କରିପାରିବ ।
ତେଣୁ ନାରୀ ଚାହିଁଲେ ପ୍ରତ୍ଯେକ ପରିବାର ଏକ ସୁଖମୟ ସଂସାର ଭାବେ ଜୀବନଯାପନ କରିବ ନଚେତ ପରିବାର ଧ୍ଵଂସ ହୋଇଯିବ । ନାରୀ ଚାହିଁଲେ ସମସ୍ତ ସଂସାରକୁ ଉଜାଡିଦେବ । ଆମ ପୋଷ୍ଟ ଅନ୍ୟମାନଙ୍କ ସହ ଶେୟାର କରନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍ କୁ ଲାଇକ କରନ୍ତୁ ।