ହିନ୍ଦୁ ଧର୍ମରେ ପ୍ରାୟତଃ ଦେଖା ଯାଇଥାଏ ଘରେ ଶିଶୁର ଜନ୍ମ ହେବା ମାତ୍ରେ ଘରର ଗୁରୁଜନ ମାନେ କଳା ଟିକା ଲଗାଇବା, କଳା ସୂତା ବାନ୍ଧିବା ବା ନଜର ଉତାରିବା ପରି କାର୍ଯ୍ୟ ନିଶ୍ଚୟ କରିଥାନ୍ତି । ଆମେ ସମୟ ସହିତ ଆଗକୁ ବଢ଼ି ପୁରୁଣା ରୀତି ନୀତି, ଧର୍ମ କର୍ମ ଓ ମାନ୍ୟତା ଭୁଲି ଚାଲିଛୁ । ଆଜିର ସମାଜରେ ଛଳ କପଟ, ଲୋଭ, କ୍ରୋଧ ଓ ଈର୍ଷା ଆଦି ବଢ଼ିବାରେ ଲାଗିଛି । ଏପରି ଅବସ୍ଥାରେ ଆମର ପୂର୍ବପୁରୁଷ ଙ୍କ ଦ୍ଵାରା ପ୍ରଚଳିତ କିଛି ଉପାୟ ହିଁ ଆମର କାମ ଆସିଥାଏ ।
ଆଜି ଆମେ କଳା ସୂତା ସମ୍ବନ୍ଧିତ କିଛି ଉପାୟ ଜାଣିବା ଯାହା ଦ୍ଵାରା ଆମ ଜୀବନରୁ ନକାରାତ୍ମକ ବିଷୟ ଦୂର ହୋଇଯିବ । କଳା ରଙ୍ଗ ନକାରାତ୍ମକ ଉର୍ଜା ନାଶକାରୀ ଅଟେ । ଯଦି ଆପଣଙ୍କ ଘରେ କ୍ଳେଶ ବଢୁଛି ଓ ଅକାରଣରେ ଝଗଡା ଓ ମନୋମାଳିନ୍ୟ ହେଉଛି ତେବେ ଶନିବାର ଦିନ ଶନି ମହାରାଜାଙ୍କ ମନ୍ଦିରକୁ ଯାଇ ଏକ ମିଟର କଳା ସୂତା ନେଇ ସେଥିରେ ୧୦୮ ଟି ଗଣ୍ଠି ବାନ୍ଧନ୍ତୁ ଓ ପ୍ରତି ଗଣ୍ଠି ସହ “ଓଁ ଶନିଶ୍ଚରାୟ ନମଃ” ଜପ କରନ୍ତୁ ।
ଯଦି ଆଖପାଖରେ ଶନି ମହାରାଜାଙ୍କ ମନ୍ଦିର ନାହିଁ ତେବେ ଘରେ ମଧ୍ୟ ଏହି ଉପାୟ କରି ପାରିବେ । ତା ପରେ ଏହି ସୂତାକୁ ଘରର ମୁଖ୍ୟ ଦ୍ଵାରରେ ବାନ୍ଧି ଦିଅନ୍ତୁ । ଏହା ଦ୍ବାରା ଘରେ ଖରାପ ନଜର ଓ ନକାରାତ୍ମକ ଉର୍ଜା ପ୍ରବେଶ କରି ପାରିବେ ନାହିଁ । ଯଦି ଆପଣଙ୍କ ଘରେ କେହି ବାରମ୍ବାର ରୋଗରେ ପଡ଼ୁଛନ୍ତି ଓ ତାଙ୍କୁ ସବୁବେଳେ କିଛି ନା କିଛି ସମସ୍ୟାର ସାମ୍ନା କରିବାକୁ ପଡୁଛି ତେବେ ଗୋଟେ ଦିନ କଳା ସୂତା କୁ ମନ୍ଦିର ନେଇ ସେଥିରେ ଅଳ୍ପ ସିନ୍ଦୂର ଲଗାଇ ରଖି ଦିଅନ୍ତୁ ।
ତା ପର ଦିନ ସ୍ୱଚ୍ଛ ହୋଇ ସେହି ସୂତାକୁ ସଦସ୍ୟଙ୍କ ଗୋଡ଼ରେ ବାନ୍ଧି ଦିଅନ୍ତୁ । ଏହା ଦ୍ବାରା ତାଙ୍କ ଆଖ ପାଖରେ ଥିବା ନକାରାତ୍ମକ ଉର୍ଜା ଶେଷ ହୋଇଯିବ ଓ ଖରାପ ନଜର ମଧ୍ୟ ତାଙ୍କୁ ସ୍ପର୍ଶ କରି ପାରିବ ନାହିଁ । ଗର୍ଭବତୀ ମହିଳା ମାନଙ୍କୁ ପ୍ରାୟତଃ ଶୀଘ୍ର ନଜର ଲାଗି ଯାଇଥାଏ । ଅନେକ ସମୟରେ ସେମାନଙ୍କ ହେବାକୁ ଯାଉଥିବା ଶିଶୁ ଉପରେ ଏହାର ଖରାପ ପ୍ରଭାବ ପଡ଼ିବାର ସମ୍ଭାବନା ରହିଥାଏ ।
ସେଥିପାଇଁ କଳା ସୂତା କୁ ଗର୍ଭବତୀ ମହିଳାଙ୍କ ହିସାବରେ ମାପି ନିଅନ୍ତୁ ଓ ଏହାକୁ ତାଙ୍କ ମୁଣ୍ଡ ଉପରେ ୩ ଥର ବୁଲାଇ ଦିଅନ୍ତୁ । ଏହାପରେ ସେହି ସୂତାକୁ ପିପ୍ପଳ ବୃକ୍ଷ ରେ ବାନ୍ଧି ଦିଅନ୍ତୁ କିଅବା ନଦୀରେ ବିସର୍ଜନ କରି ଦିଅନ୍ତୁ । ପିଲା ଜନ୍ମ ହେବା ପର୍ଯ୍ୟନ୍ତ ଏହି ଉପାୟ କୁ କରନ୍ତୁ । ଏହାଦ୍ବାରା ଗର୍ଭବତୀ ମହିଳାଙ୍କ ଆଖ ପାଖରେ କୌଣସି କଳା ନଜର କିମ୍ବା କଳା ଶକ୍ତି ଘୁରି ବୁଲି ପାରିବେ ନାହିଁ ।
କଳା ସୂତା ରେ ରୁଦ୍ରାକ୍ଷ ବାନ୍ଧି ବାହୁ କିମ୍ବା ବେକରେ ପିନ୍ଧିଲେ ତାହା ବହୁତ ଲାଭଦାୟକ ହୋଇଥାଏ । ପୁରୁଣା କଳା ସୂତାକୁ ସବୁବେଳେ ପିପ୍ପଳ ବୃକ୍ଷ ପାଖେ ମାଟି ତଳେ ପୋତି ଦିଅନ୍ତୁ । କାହିଁକି ନା ଅନ୍ୟଥା ଏହି କଳା ସୂତା ରୁ କଳା ଯାଦୁ କରିବା ପାଇଁ ମଧ୍ୟ କିଛି ଲୋକ ବ୍ୟବହାର କରି ପାରନ୍ତି । ଗୋଡ଼ ମୁଦି ପିନ୍ଧିଥିବା ଆଙ୍ଗୁଠିରେ ଯଦି କଳା ସୂତା ପିନ୍ଧନ୍ତି ତେବେ କଳା ଯାଦୁର ପ୍ରଭାବ କମ୍ ହୋଇଯିବ । ସବୁବେଳେ ମନ୍ଦିରରେ ପଣ୍ଡିତ ଦେଇଥିବା କିମ୍ବା ନିଜେ କିଣି ଥିବା କଳା ସୂତା ପିନ୍ଧନ୍ତୁ । ଅନ୍ୟ କେଉଁ ବ୍ୟକ୍ତି ଦେଇଥିବା କଳା ସୂତା କେବେ ପିନ୍ଧନ୍ତୁ ନାହିଁ । ଏହା ଆପଣଙ୍କ ଅନେକ ସମସ୍ୟାର କାରଣ ହୋଇ ପାରେ ।
ଯଦି ଆପଣଙ୍କୁ ଆମର ଏହି ଲେଖାଟି ଭଲ ଲାଗିଥାଏ ଅନ୍ୟମାନଙ୍କ ସହିତ ସେଆର କରନ୍ତୁ । ଏହାକୁ ନେଇ ଆପଣଙ୍କ ମତାମତ କମେଣ୍ଟ କରନ୍ତୁ । ଆଗକୁ ଆମ ସହିତ ରହିବା ପାଇଁ ପେଜକୁ ଲାଇକ କରନ୍ତୁ ।