ନ୍ୟୁଜୁଲାଣ୍ଡ ସହ ପ୍ରଥମ ଦିନିକିଆ ମ୍ଯାଚରେ ଭାରତର ପରାଜୟ ପରେ ଗତ ଶନିବାର ଦିନ ନ୍ୟୁଜିଲାଣ୍ଡର ସେଡନ ପାର୍କ ଷ୍ଟାଡିୟମରେ ଖେଳାଯିବାକୁ ଥିଲା ଦ୍ଵିତୀୟ ଦିନିକିଆ ମ୍ଯାଚ । କିୱି କ୍ଯାପଟେନ କେନ୍ ୱିଲିୟାମସନ ଟସ୍ ଜିତିବା ପରେ ପ୍ରଥମେ ବୋଲିଂ କରିବାକୁ ନିଷ୍ପତ୍ତି ନେଇଥିଲେ । ଏହାପରେ ଟିମ୍ ପକ୍ଷରୁ କ୍ଯାପଟେନ ଶିଖର ଧାବନ ଓ ଶୁଭମାନ ଗିଲ୍ ଓପନିଂ କରିବାକୁ ମଇଦାନକୁ ଓହ୍ଲାଇଥିଲେ । ଅନ୍ୟପଟେ ନ୍ୟୁଜିଲାଣ୍ଡର ଟିମ୍ ସାଉଦି ବୋଲିଂ କରିବାକୁ ପ୍ରସ୍ତୁତ ହୋଇଥିଲେ ।
ଉଭୟ ଓପନର ପ୍ରଥମ ଓଭରରେ ବେଶ ମାପିଚୁପି ବ୍ୟାଟ ଚଳାଇଥିଲେ । ଏମିତିରେ 5 ଓଭର ବିତିଯିବା ସହ ଏକଦମ ଜଗି ରଖି ଖେଳୁଥିଲେ ଶିଖର ଓ ଗିଲ୍ । ସେତେବେଳେ ଯାଏଁ ଗୋଟିଏ ବି ବାଉଣ୍ଡେରି ମାରି ନଥିବା ଧାବନ ଷଷ୍ଠ ଓଭରର ପ୍ରଥମ ବଲରେ ଏକ ଲମ୍ବା ସଟ୍ ମାରିବାକୁ ଯାଇ କ୍ୟାଚ ଆଉଟ ହୋଇଥିଲେ । ଧାବନ 10ଟି ବଲରେ ମାତ୍ର 3 ରନ୍ କରି ପାଭିଲିୟନ ଫେରିଥିଲେ । ଏହାପରେ ମଇଦାନକୁ ଓହ୍ଲାଇଥିଲେ ମିଷ୍ଟର 360 ସୂର୍ଯ୍ୟକୁମାର ଯାଦବ ।
ମଇଦାନକୁ ଆସିବା ମାତ୍ରେ କିୱି ବୋଲରଙ୍କ ଉପରେ ନିଜ ପ୍ରକୋପ ଦେଖାଇବା ଆରମ୍ଭ କରି ଦେଇଥିଲେ ସୂର୍ଯ୍ୟ । ଛକା ଚଉକା ମାରି ପୁରା ଟି20 ଷ୍ଟାଇଲରେ ବ୍ୟାଟିଂ ଆରମ୍ଭ କରିଥିଲେ ମିଷ୍ଟର ସ୍କାଏ । ସୂର୍ଯ୍ୟଙ୍କ ବ୍ୟାଟିଂ ଦେଖି କିୱି ବୋଲରମାନେ ଲାଇନ ଲେଙ୍ଗଥ୍ ସବୁ ଭୁଲି ଯାଉଥିଲେ । ଧାବନ ଆଉଟ ହେବା ବେଳକୁ ଇଣ୍ଡିଆର ସ୍କୋର ମାତ୍ର 23 ରନ୍ ହୋଇଥିଲା, ସେ ବି 31 ବଲରେ । ହେଲେ ଏହାପରେ ଗିଲ୍ ଓ ସୂର୍ଯ୍ୟ ମିଶି ବୋସ୍ଫୋରକ ବ୍ୟାଟିଂ ଆରମ୍ଭ କରି ଦେଇଥିଲେ ।
12.5 ଓଭର ବେଳକୁ 89 ଛୁଇଁଥିଲା ସ୍କୋରବୋର୍ଡ । 42 ବଲରେ ଗୋଟିଏ ଛକା ଓ ଚାରୋଟି ଚଉକା ସହ ଗିଲ୍ 45 ରନ୍ କରିଥିଲେ । ଆଉ ସୂର୍ଯ୍ୟ ମାତ୍ର 25 ବଲରେ ତିନୋଟି ଗଗନସ୍ପର୍ଶୀ ଛକା ସହ ଦୁଇଟି ଚଉକା ମାରି 34 ରନ୍ କରିଥିଲେ । କିୱି ବୋଲରଙ୍କ ଶତଚେଷ୍ଟା ପରେ ବି ସୂର୍ଯ୍ୟଙ୍କ ଝଡ ଥମୁ ନଥାଏ । ହେଲେ କିୱି ବୋଲର ଯେଉଁ କାମ କରିବାରେ ବିଫଳ ହେଲେ ବର୍ଷା ତାହା କରି ଦେଖାଇଦେଲା । ଅର୍ଥାତ ବର୍ଷା ଯୋଗୁଁ ଅଧାରୁ ବନ୍ଦ ହୋଇ ଯାଇଥିଲା ଏହି ହାଇଭୋଲଟେଜ ମ୍ଯାଚ ।
ଅଟକି ଯାଇଥିବା ସୂର୍ଯ୍ୟକୁମାରଙ୍କ ଛକା ଚଉକାର ଝଡ । ନଚେତ ସୂର୍ଯ୍ୟ ଯେଉଁଭଳି ବ୍ୟାଟିଂ ଆରମ୍ଭ କରିଥିଲେ ସ୍ଳୋଥ କେଉଁଠି ପହଞ୍ଚିଥାନ୍ତା କେହି କଳନା କରିପାରିବେ ନାହିଁ । ଆମ ପୋଷ୍ଟ ଅନ୍ୟମାନଙ୍କ ସହ ଶେୟାର କରନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍ କୁ ଲାଇକ କରନ୍ତୁ ।