ଭୁବନେଶର ଖାରବେଳ ନଗର ଥାନା ଅନ୍ତର୍ଗତ ଶାସ୍ତ୍ରୀନଗରର ଶୁଭଶ୍ରୀ ମହାପାତ୍ର ମୃତ୍ୟୁ ମାମଲାରେ ପୋଲିସ ତାଙ୍କ ପୁରୁଷବନ୍ଧୁ ଚିତ୍ତରଞ୍ଜନ ଜେନାଙ୍କୁ ଗିରଫ କରି କୋର୍ଟ ଚାଲାଣ କରିଛି । ଆତ୍ମହତୟଆ ପାଇଁ ପ୍ରବର୍ତ୍ତାଇବା ନେଇ ୩୦୬ ଭଳି ସଙ୍ଗୀନ ଦଫା ଲାଗିଛି ଚିତ୍ତରଞ୍ଜନଙ୍କ ଉପରେ । ଆତ୍ମହତୟଆର କିଛି ସମୟ ପୂର୍ବରୁ ଚିତ୍ତରଞ୍ଜନ ଓ ଶୁଭଶ୍ରୀ ମଧ୍ୟରେ କଥାବାର୍ତ୍ତା ହୋଇଥିଲା । ଯାହାକୁ ନେଇ ଆତ୍ମହତୟଆ କରିଥିଲେ ଶୁଭଶ୍ରୀ ।
ସୂଚନା ଅନୁସାରେ ୨୦୧୪ ମସିହାରେ ଶୁଭଶ୍ରୀ ଅନନ୍ତଙ୍କୁ ବିବାହ କରିଥିଲେ ଓ ଉଭୟଙ୍କ ଦାମ୍ପତ୍ୟ ଜୀବନ ମଧ୍ୟ ବେଶ ଭଲ ଥିଲା । କିନ୍ତୁ ୨୦୧୯ ରେ ଶୁଭଶ୍ରୀ ତାଙ୍କ ବାପଘରକୁ ଯାଇଥିବା ବେଳେ ସେଠାରେ ଶୁଭଶ୍ରୀଙ୍କ ଘରପାଖେ ରହୁଥିବା ଚିତ୍ତରଞ୍ଜନଙ୍କ ସହ ତାଙ୍କର ପ୍ରେମ ସମ୍ପର୍କ ସ୍ଥାପନ ହୋଇଥିଲସା । ଯାହାପରେ ବିଭିନ୍ନ ସମୟରେ ସେମାନେ ଫୋନ ଯୋଗେ କଥାବାର୍ତ୍ତା ହେବା ସହ ପରସ୍ପରକୁ ଭେଟୁଥିଲେ ମଧ୍ୟ । ଏମିତିକି ହୋଟେଲ ମଧ୍ୟ ଯାଉଥିଲେ ।
୨୯ ତାରିଖ ଦିନ ଅନ୍ୟ ଏକ ପୁରୁଷବନ୍ଧୁଙ୍କୁ ଭେଟିବା ପାଇଁ ଶୁଭଶ୍ରୀ କ୍ୟାପିଟାଲ ହସ୍ପିଟାଲ ଯାଇଥିଲେ ଓ ଏହାକୁ ନେଇ ଚିତ୍ତରଞ୍ଜନ ଏବଂ ଶୁଭଶ୍ରୀଙ୍କ ମଧ୍ୟରେ ପାଟିତୁଣ୍ଡ ହୋଇଥିଲା । ଯାହାକୁ ନେଇ ଶୁଭଶ୍ରୀ ରହୁଥିବା ସ୍ଥାନକୁ ଚିତ୍ତରଞ୍ଜନ ରାତି ୧୧ଟାରେ ଆସିଥିଲେ ଓ ତାଙ୍କୁ ମାଡ ମାରିଥିଲେ ମଧ୍ୟ । ୩୦ ତାରିଖ ଦିନ ଶୁଭଶ୍ରୀ ଚିତ୍ତରଞ୍ଜନଙ୍କୁ ବାରମ୍ବାର ଫୋନ କରୁଥିଲେ ଓ ସେତିକି ବେଳେ ମଧ୍ୟ ସେମାନଙ୍କ ମଧ୍ୟରେ ପାଟିତୁଣ୍ଡ ହୋଇଥିଲା ।
ଆଉ ଶେଷ ୨୭ ସେକେଣ୍ଡର କଲ୍ ହିଁ ଶୁଭଶ୍ରୀଙ୍କ ମୃତ୍ୟୁର ପ୍ରକୃତ କାରଣ ବୋଲି ଜଣାପଡିଛି । ଶୁଭଶ୍ରୀ ଆତ୍ମହତୟଆ କରିବେ ବୋଲି ଫୋନ କରି ଧମକାଉଥିବାରୁ ଜଣେ ଟ୍ୟୁସନ ଟିଚରଙ୍କୁ ତାଙ୍କ ଘରକୁ ଯାଇ ଦେଖିବାକୁ କହିଥିଲେ ଚିତ୍ତରଞ୍ଜନ । ସେ ଯାଇ ଦେଖିଥିଲେ କି ଶୁଭଶ୍ରୀଙ୍କ ଘର ତାଲା ପଡିଛି ଓ ଝରକା ପଟେ ଦେଖିବା ବେଳକୁ ଶୁଭଶ୍ରୀଙ୍କ ମୃତଦେହ ଝୁଲିରହିଛି । ଏହାପରେ ସେ ଚିତ୍ତରଞ୍ଜନଙ୍କୁ ଖବର ଦେବା ସହ ଘର ମାଲିକଙ୍କୁ ମଧ୍ୟ ଏକଥା ଜଣାଇଥିଲେ ।
ଚିତ୍ତରଞ୍ଜନ ସେଠାରେ ପହଞ୍ଚିବା ପରେ ସଂପୂର୍ଣ୍ଣ ଭୟଭୀତ ହୋଇ ଯାଇଥିଲେ । ଫଳରେ ଶୁଭଶ୍ରୀ ବାନ୍ଧିଥିବା ଓଢଣିକୁ ଖୋଲି ଏକ ଖଟିଆରେ ତାଙ୍କୁ ଶୁଆଇ ଦେଇଥିଲେ ଓ ଓଢଣିକୁ ନେଇ ଚମ୍ପଟ ମାରିଥିଲେ । ଆଜି ତାଙ୍କୁ ପଚରାଉଚରା କରିବା ପରେ ଖୋର୍ଦ୍ଧାର ବାରୁନେଇ ପାହାଡ ନିକଟସ୍ଥ ଏକ ସ୍ଥାନରେ ସେ ପକାଇଥିବା ଓଢଣିକୁ ପୋଲିସ ଜବତ କରିଛି । ଏହାସହ ପୋଲିସ ଆଗରେ ସବୁ ସତ ବଖାଣିଛି ଚିତ୍ତରଞ୍ଜନ । ଆମ ପୋଷ୍ଟ ଅନ୍ୟମାନଙ୍କ ସହ ଶେୟାର କରନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍ କୁ ଲାଇକ କରନ୍ତୁ ।