ଭାରତୀୟ କ୍ରିକେଟ ଟିମ୍ ପୂର୍ବତନ ଅଧିନାୟକ ସୌରଭ ଗାଙ୍ଗୁଲି ବା ଦାଦା ନିଜ କ୍ଯାରିୟରର ସବୁଠୁ ଖରାପ ସମୟ ଦେଇ ଗତି କରୁଥିବା ବେଳେ ଗୋଟିଏ ବିଜ୍ଞାପନ ହିଁ ତାଙ୍କର ଭାଗ୍ୟ ବଦଳାଇ ଦେଇଥିଲେ । ଗାଙ୍ଗୁଲି ଏହି ବିଜ୍ଞାପନ କରିବୀ ବୋଲି ଯଦିଓ ସଫା ସଫା ମନା କରି ଦେଇଥିଲେ କିନ୍ତୁ କମ୍ପାନୀ ତାଙ୍କୁ ଏଥିପାଇଁ ବ୍ଲାକମେଲ କରିଥିଲା । ସେହି ସମୟରେ ଉଭୟ କମ୍ପାନୀ ଓ ଦାଦାଙ୍କ ଭାଗ୍ୟ ଖରାପ ଯାଉଥାଏ । ସେତେବେଳେ ଲୋକଙ୍କ ହୃଦୟ ଜିତିବା ପାଇଁ କମ୍ପାନୀ ଏକ ଭାବନାତ୍ମକ ବିଜ୍ଞାପନ ତିଆରି କରିଥିଲା ।
ଇଚ୍ଛା ନଥିଲେ ବାଧ୍ୟ ହୋଇ ସେହି ବିଜ୍ଞାପନ ଶୁଟ କରିଥିଲେ ବେଙ୍ଗଲ ଟାଇଗର ସୌରଭ ଗାଙ୍ଗୁଲି । ଆଉ ରାତାରାତି ପୁରା ଦେଶରେ ନିଆଁ ଲଗାଇ ଦେଇଥିଲା ଏହି ବିଜ୍ଞାପନ । ଦାଦାଙ୍କୁ ନେଇ ଚାଲିଥିବା ଷଡଯନ୍ତ୍ର ଉପରେ ସାରା ଦେଶ ସ୍ଵର ଉଠାଇଥିଲା । ଯାହାଫଳରେ ଟିମ୍ ମ୍ୟାନେଜମେଣ୍ଟ ବାଧ୍ୟ ହୋଇ ଦାଦାଙ୍କୁ ଟିମ୍ ରେ ସାମିଲ କରିଥିଲେ । ଯାହାପରେ ବଦଳି ଯାଇଥିଲା ଦାଦାଙ୍କ ଭାଗ୍ୟ । ୨୦୦୬ରେ କୋଚ ଗ୍ରେଗ ଚାପେଲ ଓ ଗାଙ୍ଗୁଲିଙ୍କ ମଧ୍ୟରେ ଚାଲିଥିବା ଶୀତଲ ଯୁଦ୍ଧ ମୁହାଁମୁହିଁ ସ୍ଥିତିକୁ ଚାଲି ଆସିଥାଏ ।
ଗାଙ୍ଗୁଲି ଭଲ ଖେଳୁଥିବା ସତ୍ତ୍ୱେ ଗ୍ରେଗ ଚାପେଲ, ଟିମ୍ ମ୍ୟାନେଜମେଣ୍ଟ ଓ ବୋର୍ଡର କିଛି ବରିଷ୍ଠ ସଦସ୍ୟ ମିଶି ଦଳରୁ ଗାଙ୍ଗୁଲିଙ୍କୁ ହଟାଇବା ଷଡଯନ୍ତ୍ର କରୁଥିଲେ । ଏପରିକି କିଛି ସାଥି ଖେଳାଳି ମଧ୍ୟ ତାଙ୍କ ବିରୋଧରେ ଥିଲେ । ପ୍ରଥମେ ତାଙ୍କ ଅଧିନାୟକତା ଛଡ଼ାଯାଇ ତାଙ୍କୁ ଟିମ୍ ରୁ ବାହାର କରି ଦିଆଗଲା । ଯେଉଁ ଗ୍ରେଗ ଚାପେଲଙ୍କୁ ଗାଙ୍ଗୁଲି କୋଚ ଭାବେ ଚୟନ କରିଥିଲେ ସେ ହିଁ ତାଙ୍କର ଶତ୍ରୁ ପାଲଟି ଯାଇଥିଲେ ।
ଗାଙ୍ଗୁଲିଙ୍କ ସପକ୍ଷରେ ଯିଏବି ବାହାରୁଥିଲେ ତାଙ୍କ ମୁହଁ କୌଣସିମତେ ବନ୍ଦ କରି ଦିଆଯାଉଥିଲା । ସେତେବେଳେ ଟିମ୍ ଇଣ୍ଡିଆ ପାକିସ୍ତାନ ଗସ୍ତରେ ଥିବାବେଳେ ଗାଙ୍ଗୁଲୀ ରାଜନୈତିକ ଚାପ ପକାଇ ଟିମ୍ ରେ ସାମିଲ ହୋଇଥିଲେ । ପ୍ରଥମ ମ୍ଯାଚରେ ସେ ଭଲ ସ୍କୋର କରିବା ପରେ ବାକି ସବୁ ମ୍ଯାଚରେ ଆକ୍ରୋଶମୂଳକ ଭାବେ ତାଙ୍କୁ ଡ୍ରପ କରି ଦିଆଯାଇଥିଲା । ବିଦେଶୀ ମାଟିରେ ଭାରତୀୟ କ୍ରିକେଟକୁ ସଫଳତାର ଶୀର୍ଷରେ ପହଞ୍ଚାଇଥିବା ଏହି ପ୍ରତିଭାବାନ ଖେଳାଳିଙ୍କ ଅନ୍ତ ଏଭଳି ଦୁଃଖଦ ସ୍ଥିତିରେ ହେବ ଏକଥା ଗାଙ୍ଗୁଲି ବି ନିଜେ ଜାଣି ନଥିଲେ ।
ସେତେବେଳେ ସଫ୍ଟ ଡ୍ରିଙ୍କସ୍ କମ୍ପାନୀ ମାର୍କେଟରେ ରାଜ୍ କରୁଥିବା ପେପ୍ସି । କିନ୍ତୁ ଅନ୍ୟ ଦେଶରେ ବିକ୍ରି ହେଉଥିବା ପେପ୍ସି ତୁଳନାରେ ଭାରତରେ ବିକ୍ରି ହେଉଥିବା ପେପ୍ସିରେ ୨୪% ଅଧିକ ପେଷ୍ଟ୍ରିସାଇଡ ଥିବା ଅଭିଯୋଗ ଉଠିଥିଲା । ଏହାକୁ ନେଇ କେତେକେ ରାଜ୍ୟରେ ପେପ୍ସିକୁ ବୟାନ କରି ଦିଆଯାଇଥିଲା । ହେଲେ କମ୍ପାନୀ କ୍ଵାଲିଟିକୁ ନେଇ ଯେତେ ସଫେଇ ଦେଲେବି କେହି ଶୁଣିବା ଅବସ୍ଥାରେ ନଥିଲେ । ଏହି ସମୟରେ ଦାଦାଙ୍କ ଇମୋଶନକୁ ଯୋଡି ତାଙ୍କୁ ଏଥିରେ ବିଜ୍ଞାପନ କରିବାକୁ କହିଲା ପେପ୍ସି କମ୍ପାନୀ ।
ଦାଦା କିନ୍ତୁ ଏହି ବିଜ୍ଞାପନ ପାଇଁ ରାଜି ହୋଇ ନଥିଲେ । ସେତେବେଳେ କମ୍ପାନୀ ଦାଦାଙ୍କୁ ଏକ ଲିଗାଳ ନୋଟିସ ପଠାଇଥିଲା ଯେଉଁଥିରେ ଲେଖାଥିଲା, ଆପଣ ୨୦୦୭ ଯାଏଁ ବିଜ୍ଞାପନ କରିବାକୁ ଏଥିରେ ସାଇନ କରିଛନ୍ତି । ତେଣୁ ବିଜ୍ଞାପନ ନକଲେ ଆମେ ଲିଗାଲ ନୋଟିସ ନେବୁ । ଏହାପରେ ବାଧ୍ୟ ହୋଇ ଗାଙ୍ଗୁଲି ଏହି ବିଜ୍ଞାପନ ଶୁଟ କରିଥିଲେ । ଯେଉଁଥିରେ ସେ ଏକା ଗୋଟିଏ ଷ୍ଟାଡିୟମ ଭିତରେ ବସିଛନ୍ତି ଆଉ କହୁଛନ୍ତି, “ହାଏ ମୁଁ ସୌରଭ ଗାଙ୍ଗୁଲି ମୋତେ ଭୁଲି ନାହାନ୍ତି ତ ?
ଯାହା ସବୁ କେମିତି ହେଲା ଓ କାହିଁକି ହେଲା ଏସବୁ ଭାବି ମୋତେ ଦୁଃଖ ବି ଲାଗୁଥିଲା ଆଉ ରାଗ ବି ଲାଗୁଥିଲା । ହେଲେ ଆଉ ଏବେ ନୁହେଁ ମୁଁ ଟିମ୍ କୁ ଫେରିବା ପାଇଁ ଜୋରଦାର ଅଭ୍ଯାସ କରୁଛି । କେଜାଣି ଆଉ ଥରେ ବ୍ୟାଟ ବୁଲାଇବା ପାଇଁ ମୋତେ ସୁଯୋଗ ମିଳିପାରିବ କି ନାହିଁ । ତେବେ ମୁଁ ବାହାରେ ଥାଏ କି ଟିମ୍ ରେ ଥାଏ ସବୁ ମ୍ଯାଚଏ ଇଣ୍ଡିଆ ଟିମ୍ ପାଇଁ ଚିୟର ଅଫ୍ କରିବି । ଆଉ ଆପଣ ବି କରନ୍ତୁ । ଆପଣଙ୍କ ଦାଦାଙ୍କ କଥା ଆପଣ ମାନିବେ ତ ?”
ଆଉ ଏହି ବିଜ୍ଞାପନ ରାତାରାତି ଦେଶରେ ନିଆଁ ଲଗାଇ ଦେଇଥିଲା । ଡ୍ରେସିଂ ରୁମ୍ ର ବିବାଦ ଆସି ରାଜରାସ୍ତାରେ ପହଞ୍ଚିଥିଲା । ଲୋକେ ରାସ୍ତାରେ ନାରା ଲଗାଇବା ସହ ନବଜୋତ ସିଂ ସିଧୁଙ୍କ ଭଳି କିଛି ପୂର୍ବତନ ଖେଳାଳି ଚାପେଲଙ୍କୁ ଆଉଟ କରିବା ସହ ଗାଙ୍ଗୁଲି ଟିମ୍ ରେ ସାମିଲ କରିବା ପାଇଁ ଖୋଲାଖୋଲି ବୟାନ ଦେଇଥିଲେ । ସେତେବେଳେ ଟିମ୍ ଇଣ୍ଡିଆ ବହୁତ ଖରାପ ପ୍ରଦର୍ଶନ କରୁଥାଏ । ଏହି ସମୟରେ ସାଉଥ ଆଫ୍ରିକା ବିପକ୍ଷ ଟେଷ୍ଟରେ ହଠାତ ଦାଦାଙ୍କ ନାଁ ଆସିଲା ।
ଘାଇଲା ବାଘ ଭଳି ଦଳକୁ ଫେରିଥିବା ସୌରଭ ଗାଙ୍ଗୁଲି ପ୍ରଥମ ମ୍ଯାଚରେ ଅର୍ଦ୍ଧଶତକ କଲେ ଓ ଦଳ ଟେଷ୍ଟ ମ୍ଯାଚ ମଧ୍ୟ ଜିତିଲା । ଏହାପରେ ଦିନିକିଆ ଟିମ୍ କୁ ମଧ୍ୟ ଫେରି ପ୍ରଥମ ମ୍ଯାଚରେ ୯୮ ରନ୍ ର ଜବରଦସ୍ତ ପାରି ଖେଳିଥିଲେ । ଏହାପରେ ଟିମ୍ ରେ ଚାଲିଲା ଦାଦାଙ୍କ ଦାଦାଗିରି ଏବଂ କିଛିଦିନ ପରେ ବିଦା ହେଲେ ଟିମ୍ କୁ ବରବାଦ କରୁଥିବା ଗ୍ରେଗ ଚାପେଲ । ଆମ ପୋଷ୍ଟ ଅନ୍ୟମାନଙ୍କ ସହ ଶେୟାର କରନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍ କୁ ଲାଇକ କରନ୍ତୁ ।