ବିପକ୍ଷ ଦଳ ଏବଂ ସେନା ମିଳିତ ଭାବେ ଇମ୍ରାନ ଖାନଙ୍କୁ ପ୍ରଧାନମନ୍ତ୍ରୀ ପଦରୁ ହଟାଇ ଦେଇଛନ୍ତି । କିନ୍ତୁ ଗାଦିରୁ ଉଠିବା ପୂର୍ବରୁ ହିଁ ଇମ୍ରାନ ଖାନ ଏମିତି ଅନେକ କିଛି କରି ଯାଇଛନ୍ତି ଯାହା ନିହାତି ଭାବେ ଆଗକୁ ନୂଆ ସରକାର ଓ ସେନା ଉଭୟଙ୍କ ପାଇଁ ମୁଣ୍ଡବିନ୍ଧାର କାରଣ ସାଜିବ । ଇମ୍ରାନ ଯାହା କରି ଯାଇଛନ୍ତି ତାହା ପାକିସ୍ତାନର ଆଗାମୀ ଅନେକ ପିଢିକୁ ଭୋଗିବାକୁ ପଡିବ । ପ୍ରଧାନମନ୍ତ୍ରୀ ହେବା ପୂର୍ବରୁ ଇମ୍ରାନ ଖାନ ଜନତାଙ୍କୁ ଅନେକ ପ୍ରତିଶ୍ରୁତି ଦେଇଥିଲେ ସତ କିନ୍ତୁ ସେସବୁ କେବେବି ପୂରଣ କରିଲେ ନାହିଁ ।
ନିଜର ପୁରା କାର୍ଯ୍ୟକାଳ ମଧ୍ୟରେ ଇମ୍ରାନ ଖାନ ବିପକ୍ଷ ଦଳକୁ କଟୁକଥା ଶୁଣାଇ ଆସୁଥିଲେ । ଆଉ ଏବେ ଯିବା ପୂର୍ବରୁ ତିନୋଟି ଏପରି କାରନାମା କରି ଯାଇଛନ୍ତି ଯାହା ବିପକ୍ଷ ସରକାର ବନିବା ପୂର୍ବରୁ ହିଁ ତାଙ୍କ ସମସ୍ଯାକୁ ବଢାଇ ଦେଇଛି । ସର୍ବପ୍ରଥମେ ଇମ୍ରାନ ଖାନ ପାକିସ୍ତାନର ଲୋକଙ୍କୁ ବାଣ୍ଟି ଦେଇଛନ୍ତି । ଇମ୍ରାନ ତାଙ୍କ କାର୍ଯ୍ୟକାଳ ମଧ୍ୟରେ ଜନତାଙ୍କ ବିଷୟରେ କେବେ କିଛି ବି ଚିନ୍ତା କଲେନି । ମହଙ୍ଗା ମାଡ ଓ ବେରୋଜଗାର ଯୋଗୁଁ ଜନତା ସବୁବେଳେ ଇମ୍ରାନ ଖାନଙ୍କୁ ଦୋଷ ଦେଇ ଆସୁଥିଲେ ।
କିନ୍ତୁ ଏହି ଜନତା ଅଚାନକ ତାଙ୍କ ସମର୍ଥନରେ ରାସ୍ତାକୁ ଓହ୍ଲାଇ ଆସିଥିଲେ । ଯିବା ପୂର୍ବରୁ ଇମ୍ରାନ ଖାନ ଅତି ଚାଲାଖିର ସହକାରେ ଜନତାଙ୍କୁ ବାଟବଣା କରିଦେଲେ । ଇମ୍ରାନ ଖାନ ତାଙ୍କର ଶେଷ କେତୋଟି ଭାଷଣରେ ଭାରତ ଏବଂ ଭାରତୀୟଙ୍କୁ ଜମେଇକି ପ୍ରଶଂସା କରିଥିଲେ । ସେ କହୁଥିଲେ କି ଭାରତ ଏବଂ ଟା’ର ଲୋକମାନେ ଅତ୍ୟନ୍ତ ସ୍ବାଭିମାନୀ ଅଟନ୍ତି ଓ ମୁଁ ଚାହେଁ କି ପାକିସ୍ତାନର ଲୋକମାନେ ମଧ୍ୟ ଭାରତ ଭଳି ଉନ୍ନତି କରନ୍ତୁ ।
ଇମ୍ରାନଙ୍କ ମୁହଁରୁ ଭାରତର କଥା ଶୁଣି ଜନତା ଏକଦମ ଆଶ୍ଚର୍ଯ୍ୟ ହୋଇ ଯାଇଥିଲେ ଓ ସେମାନଙ୍କୁ ଲାଗିଥିଲା କି ଏବେ ଇମ୍ରାନ ଖାନ ହିଁ ତାଙ୍କୁ ଭାରତ ଠୁ ଆଗରେ ନେଇଯିବେ । ଏହିପରି ଭାବେ ଇମ୍ରାନ ଜନତାଙ୍କୁ ଧୋକାରେ ରଖି ବିପକ୍ଷଙ୍କୁ ମୁସ୍କିଲରେ ପକାଇ ଦେଇଗଲେ । ଅନ୍ୟପରେ ଆମେରିକାକୁ ଆକ୍ଷେପ କରି ବିପକ୍ଷଙ୍କୁ ଆଉ ଏକ ସମସ୍ଯା ମଧ୍ୟ ଉପହାର ଦେଇଗଲେ ଇମ୍ରାନ । ତାଙ୍କ ସରକାର ଭାଙ୍ଗିବା ପଛରେ ଆମେରିକାର ହାତ ଅଛି କହି ସେ ଆମେରିକା ସହ ଶତ୍ରୁତା କରିନେଲେ ।
ଋଷ ସହ ମଧ୍ୟ ସେ ନିକଟତର ହେବାକୁ ଭାବିଲେ । କିନ୍ତୁ ଉଭୟ ଦେଶରୁ ତାଙ୍କୁ କିଛିବି ମିଳିଲାନି । ଏବେ ନୂଆ ସରକାରଙ୍କ ସବୁ ସମୟ ଆମେରିକା ଓ ଋଷକୁ ମନାଇବାରେ ଚାଲିଯିବ । ତୃତୀୟରେ ପାକିସ୍ତାନ ସଂଯୁକ୍ତ ରାଷ୍ଟ୍ର ଠାରୁ ଆରମ୍ଭ କରି ଓଆଇସି ଦେଶ ପର୍ଯ୍ୟନ୍ତ କାଶ୍ମୀର ପ୍ରସଙ୍ଗ ନେଇଗଲେ । କିନ୍ତୁ କିଛି ଫାଇଦା ହେଲାନି । ଓଲଟା ସେହି ଦେଶମାନେ ପାକିସ୍ତାନକୁ ଝଟକା ଦେଇ କାଶ୍ମୀରରେ ନିବେଶ କରିବାକୁ ଆଗେଇ ଆସିଛନ୍ତି । ଆମ ପୋଷ୍ଟ ଅନ୍ୟମାନଙ୍କ ସହ ଶେୟାର କରନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍ କୁ ଲାଇକ କରନ୍ତୁ ।