ଆମେରିକା ହିଁ ସାରା ଦୁନିଆକୁ ଜିନ୍ସ ର ପରିଚୟ କରାଇଥିଲା । ଏହି ପୋଷାକ ଆମେରିକାରୁ ଆରମ୍ଭ ହୋଇ ପୃଥିବୀର ସମସ୍ତ କୋଣ ଅନୁକୋଣରେ ବ୍ୟାପି ଯାଇଥିଲା । ତେବେ ଯେଉଁ ଜିନ୍ସକୁ ଆଜି ଏକ ଫ୍ୟାଶନ ଷ୍ଟେଟମେଣ୍ଟ ବୋଲି ମାନାଯାଉଛି, ପ୍ରକୃତରେ ଏହାକୁ ମୂଲିଆ ମଜୁରିଆଙ୍କ ପାଇଁ ପ୍ରସ୍ତୁତ କରା ଯାଇଥିଲା । ଦିନ ମଜୁରିଆଙ୍କ ପୋଷାକ ଶୀଘ୍ର ମଇଳା ନହେବା ପାଇଁ ତଥା ସେମାନଙ୍କୁ ବାରମ୍ବାର ଯେପରି ପ୍ଯାଣ୍ଟ ଧୋଇବାକୁ ପଡିବ ନାହିଁ ସେଥିପାଇଁ ଜିନ୍ସ ତିଆରି କରା ଯାଇଥିଲା ।
ଆଜିର ସମୟରେ ସମସ୍ତେ ଜିନ୍ସ ପିନ୍ଧିବାକୁ ପସନ୍ଦ କରୁଛନ୍ତି । ତେବେ ଜିନ୍ସ ପ୍ଯାଣ୍ଟର ପକେଟ ଉପରକୁ ଏକ ଛୋଟ ପକେଟ ଥିବା ଆପଣ ଦେଖିଥିବେ । ଯାହାକୁ କେହି କେହି ଖୁଚୁରା ଟଙ୍କା (Coins) ରଖିବା ପାଇଁ ବ୍ୟବହାର କରନ୍ତି । କିନ୍ତୁ ପ୍ରକୃତରେ ଏହା ଅନ୍ୟ ଏକ ଜିନିଷ ରଖିବା ପାଇଁ ତିଆରି କରା ହୋଇଥିଲା । ଜିନ୍ସ ପକେଟ ମଧ୍ୟରେ ସାମାନ୍ଯ ଉପରକୁ ଏକ ବହୁତ ଛୋଟ ପକେଟ ଟିଏ ରହିଥାଏ, ଯେଉଁଥିରେ ଲୋକମାନେ ଖୁଚୁରା ଟଙ୍କା ରଖୁଥିବାର ଦେଖିବାକୁ ମିଳେ ।
କିନ୍ତୁ ଜିନ୍ସର ଡାହାଣ ପକେଟରେ ରହିଥିବା ଏହି ଛୋଟ ପକେଟ ଅନ୍ୟ ଏକ କାରଣ ପାଇଁ ବ୍ୟବହାର ହେଉଥିଲା । ପ୍ରକୃତରେ ଏହା ଖୁଚୁରା ଟଙ୍କା ନୁହେଁ ବରଞ୍ଚ ଏକ ଛୋଟ ଘଡି ରଖିବା ପାଇଁ ଡିଜାଇନ କରା ଯାଇଥିଲା । ଜିନ୍ସର ଇତିହାସ ବହୁ ପୁରୁଣା ଅଟେ । ଆରମ୍ଭରେ ଏହା କେବଳ ଦିନ ମଜୁରିଆ ତଥା ଶ୍ରମିକ ମାନଙ୍କ ପାଇଁ ବ୍ୟବହାର କରା ଯାଉଥିଲା । କିନ୍ତୁ ପରେ ଏହା ଏକ ଫ୍ୟାଶନ ଷ୍ଟେଟମେଣ୍ଟ ବନି ଯାଇଥିଲା ।
୧୮୦୦ ଶତାବ୍ଦୀରେ ଏକ ପ୍ରକାର ଛୋଟ ଚେନ ବାଲା ଘଡିର ପ୍ରଚଳନ ହେଉଥିଲା । ସେହି ଘଡିକୁ ରଖିବା ପାଇଁ ଜିନ୍ସ ପକେଟରେ ଏକ ଛୋଟ ଜାଗା ତିଆରି କରା ଯାଇଥିଲା । ଲେଭି ଷ୍ଟ୍ରାସ ନାମକ ଏକ କମ୍ପାନୀ (ଯାହା ଏବେ ଲେଭିସ ନାମରେ ଖୁବ ଜଣାଶୁଣା) ଜିନ୍ସ ପ୍ଯାଣ୍ଟର ଡାହାଣ ପକେଟରେ ଏହିଭଳି ଛୋଟ ପକେଟ ତିଆରି କରିବା ପ୍ରଥମେ ଆରମ୍ଭ କରିଥିଲା । ଜିନ୍ସର ଏହି ଛୋଟିଆ ପକେଟକୁ ୱାଚ ପକେଟ (Watch Pocket) ବୋଲି କୁହାଯାଏ ।
ପୁରୁଣା କାଳରେ ଗାଈଚରାଳି ମାନେ ସେଥିରେ ଘଣ୍ଟା ରଖୁଥିଲେ । କିନ୍ତୁ ସମୟକ୍ରମେ ସେହି ଘଡିର ପ୍ରଚଳନ କମ୍ ହୋଇଯିବାରୁ ତାହା ଖୁଚୁରା ଟଙ୍କା ରଖିବା ପାଇଁ ତିଆରି ହୋଇଛି ବୋଲି ଲୋକେ ଭାବିବାକୁ ଲାଗିଲେ । ଏହି ପକେଟରେ ଘଡି ରଖିବା ଦ୍ଵାରା ତାହା ଭାଙ୍ଗିବାର ଚାନ୍ସ ଖୁବ୍ କମ୍ ରହୁଥିଲା, ସେଥିପାଇଁ ଶ୍ରମିକମାନେ ଏହାକୁ ଖୁବ୍ ବ୍ୟବହାର କରୁଥିଲେ ।
ଏହି ୱାଚ ପକେଟ ଲୋକଙ୍କୁ ଏତେ ପସନ୍ଦ ହୋଇଥିଲା ଯେ ଆଜି ବି ଜିନ୍ସ ପ୍ଯାଣ୍ଟର ଡାହାଣ ପକେଟରେ ଏହା ତିଆରି ହେଉଛି । ଆମ ପୋଷ୍ଟ ଅନ୍ୟମାନଙ୍କ ସହ ଶେୟାର କରନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍କୁ ଲାଇକ କରନ୍ତୁ ।