ଦିନେ ମୁଢି ମୁଠାଏ ଖାଇବାକୁ ପାଉ ନଥିବା ଶେଷ କିସାନ ଆଜି ତାଙ୍କ ନିଜ ଗାଁରେ ସ୍ଵପ୍ନର ଘରଟିଏ ତିଆରି କରି ପାରିଛନ୍ତି । ସେ 30 ଲକ୍ଷ ଖର୍ଚ୍ଚ କରି ଏହି ଘରଟିକୁ ତୋଳିବାରେ ସକ୍ଷମ ହୋଇ ପାରିଛନ୍ତି । ଆଉ ଦିନ କେଇଟାରେ ହାତକୁ ଦି’ ହାତ ମଧ୍ୟ ହେବାକୁ ଯାଉଛନ୍ତି ଶେଷ କିସାନ । ଜୀବନରେ ଅନେକ ଦୁଃଖ ଦେଖିଥିବା ଶେଷ କିସାନ ନିଜ ଜୀବନସାଥୀ ବାଛି ସାରିଛନ୍ତି । ସେ ଚାହିଁଥିଲେ ବିଦେଶରେ କିମ୍ବା ଆମ ଦେଶର ଯେକୌଣସି ବଡ ତାରକା ହୋଟେଲରେ ବିବାହ କରି ପାରିଥାନ୍ତେ ।
କିନ୍ତୁ ଏବେ ସେ ନିଜ ଗାଁ’କୁ ଫେରି ଆସିଛନ୍ତି । ଏଇଠି ଓଡିଆ ଝିଅକୁ ନିଜ ଗାଁ’ ମାଟିରେ ବାହା ହେବେ ବୋଲି ନିଷ୍ପତ୍ତି ନେଇଛନ୍ତି । ଶେଷ କିସାନ ପିଲାଟି ଦିନରୁ ବାପାମା’ଙ୍କୁ ହରାଇଛନ୍ତି । ତାଙ୍କ ଜୀବନରେ ଖୁବ ସଂଘର୍ଷ ଲଢିଥିବା ଶେଷ କିସାନ ଗାଈ ମଧ୍ୟ ଚରାଇଛନ୍ତି । ମୂଲମଜୁରି ଲାଗି ନିଜ ପାଠ ପଢିବାର ନିଶାକୁ ସେ ପୂରଣ କରିଛନ୍ତି ।
ସେ ଏତେ ମେଧାବୀ ଥିଲେ ଯେ ଚାରି ବର୍ଷ ତଳେ ଜର୍ମାନୀର କୋଟିନ ଜେନ୍ ବିଶ୍ଵବିଦ୍ୟାଳୟରେ ବୈଜ୍ଞାନିକ ଭାବେ କାର୍ଯ୍ୟ କରିବା ପାଇଁ ଯୋଗ୍ୟ ବିବେଚିତ ହୋଇଥିଲେ । ପିଲାଟି ଦିନରୁ ଦୁଃଖ ଦେଖି ଆସିଥିବା ଶେଷ କିସାନଙ୍କ ଜୀବନରେ ଏବେ କିନ୍ତୁ ଦୁଃଖର ଅନ୍ତ ଘଟିଛି । ଏବେ ଯୋଗ୍ୟ ଏବଂ ରୋଜଗାରକ୍ଷମ ଶେଷ କିସାନ ନିଜେ ବଞ୍ଚିବା ସହ ଗାଁ’ର ଶତାଧିକ ଗରିବ ପିଲାଙ୍କ ପାଇଆନ ବଞ୍ଚିବାର ସାହାରା ସାଜିଛନ୍ତି ।
ତାଙ୍କ ପ୍ରୟାସରେ 170 ଜଣ ପିଲା ପାଠ ପଢିବାର ସୁଯୋଗ ପାଇଛନ୍ତି । ଶେଷ କିସାନ ତାଙ୍କ ଗ୍ରାମ ସମେତ ସମଗ୍ର ରାଜ୍ୟ ପାଇଁ ଗର୍ବ ଓ ଗୌରବର ପ୍ରତୀକ । ନିକଟରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ସ୍ପେନରେ ଭେଟିଥିଲେ ଶେଷ କିସାନ । ଆଜି ଶେଷ କିସାନଙ୍କ ପାଖରେ ସବୁକିଛି ଅଛି ହେଲେ ତାଙ୍କୁ ଦେଖିବା ପାଇଁ ତାଙ୍କ ବାପାମା ଏବଂ ଭଉଣୀ ନାହାନ୍ତି । ତେଣୁ କୁନି କୁନି ପିଲା ହିଁ ତାଙ୍କର ସବୁକିଛି, ସେମାନଙ୍କୁ ପାଠ ପଢେଇ ଭଲ ମଣିଷ କରିବେ ବୋଲି ଶପଥ କରିଛନ୍ତି ଶେଷ କିସାନ ।
ସେ ସଫଳତା ପାଇବା ପରେ ବିଦେଶରେ ନରହି ନିଜ ଅଞ୍ଚଳକୁ ଫେରି ସେଠାକାର ଉନ୍ନତି କରିବାକୁ ଯେଉଁ ଚିନ୍ତା କରିଛନ୍ତି ତାକୁ ସବୁଆଡେ ବେଶ ପ୍ରଶଂସା କରାଯାଉଛି । ଆମ ପୋଷ୍ଟ ଅନ୍ୟମାନଙ୍କ ସହ ଶେୟାର କରନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍ କୁ ଲାଇକ କରନ୍ତୁ ।