ଅଭିନେତା ପିଣ୍ଟୁ ନନ୍ଦ ଲିଭର ଟ୍ରାନ୍ସପ୍ଳାଣ୍ଟ କରିବା ପାଇଁ ପ୍ରସ୍ତୁତି ହେଉଥିବା ବେଳେ ଅର୍ଥ ସହ ନୂଆ ଲିଭର ଡୋନର ମଧ୍ୟ ତାଙ୍କ ପାଇଁ ପ୍ରତିବନ୍ଧକ ସାଜିଛି । ପିଣ୍ଟୁଙ୍କ ଲିଭର ସଂପୂର୍ଣ୍ଣ ଭାବେ ଅକାମୀ ହୋଇ ଯାଇଥିବା ବେଳେ ଖୁବ ଶୀଘ୍ର ନୂଆ ଲିଭର ପ୍ରତ୍ୟାରୋପଣ କରିବାକୁ ଡାକ୍ତର ପରାମର୍ଶ ଦେଇଛନ୍ତି । ଏହି ଅସ୍ତ୍ରୋପଚାର ପାଇଁ ଲକ୍ଷାଧିକ ଟଙ୍କାର ଆବଶ୍ୟକ ହେଉଥିବା ବେଳେ ପିଣ୍ଟୁଙ୍କୁ ସାଧାରଣ ଲୋକଙ୍କ ଠାରୁ ଆରମ୍ଭ କରି ଓଡିଆ ଫିଲ୍ମ ଜଗତର ଅନେକ ଜଣାଶୁଣା ଅଭିନେତା ଓ ଅଭିନେତ୍ରୀମାନେ ସାହାଯ୍ୟର ହାତ ବଢାଇଛନ୍ତି ।
ଓଡିଶା ସିନେ ଆର୍ଟିଷ୍ଟ ଆସୋସିଏସନ ପକ୍ଷରୁ ଏକ ବୈଠକ କରାଯାଇ ପିଣ୍ଟୁଙ୍କୁ ସାହାଯ୍ୟ କରାଯାଇଛି । ତେବେ ଏହାରି ମଧ୍ୟରେ ଲିଭର ଟ୍ରାନ୍ସପ୍ଳାଣ୍ଟ ପାଇଁ ପିଣ୍ଟୁ ନନ୍ଦ ଦିଲ୍ଲୀ ଯାଇଛନ୍ତି । ତେବେ ଶୁଣିବାକୁ ମିଳୁଛି କି, ସାଂସଦ ତଥା ଅଭିନେତା ଅନୁଭବ ମହାନ୍ତି ପିଣ୍ଟୁ ନନ୍ଦଙ୍କୁ ଅର୍ଥର ସାହାଯ୍ୟ କରିବା ସହ ପିଣ୍ଟୁଙ୍କ ଦିଲ୍ଲୀ ଯିବା ବ୍ୟବସ୍ଥା ଓ ସେଠାରେ ତାଙ୍କ ରହିବା ବ୍ୟବସ୍ଥା ମଧ୍ୟ କରିଛନ୍ତି । ବର୍ତ୍ତମାନ ଅର୍ଥ ଯୋଗାଡ ସରିଥିବା ବେଳେ ପିଣ୍ଟୁ ଜଣେ ଲିଭର ଡୋନରଙ୍କ ଅପେକ୍ଷାରେ ଅଛନ୍ତି ।
ତେବେ ଏତେ ଶୀଘ୍ର ବାହାରୁ ତାଙ୍କ ଶରୀରକୁ ମ୍ଯାଚ ହେବା ଭଳି ଲିଭର ମିଳୁ ନଥିବା ବେଳେ ପିଣ୍ଟୁ ପରିବାରର ଦୁଇଜଣ ସଦସ୍ୟ ସେଥିପାଇଁ ରାଜି ହୋଇଥିବା ଶୁଣିବାକୁ ମିଳୁଛି । ସେମାନଙ୍କ ବ୍ଲଡ଼ ପରୀକ୍ଷା ଓ ଅନ୍ୟାନ୍ୟ ଆବଶ୍ୟକୀୟ ପରୀକ୍ଷା କରାଯିବା ବେଳେ ଜଣଙ୍କୁ ବଛାଯିବ ।
ଆପଣଙ୍କୁ କହି ରଖୁଛୁ ଯେ, ଲିଭର ଆମ ଶରୀରରେ 500ରୁ ଅଧିକ କାର୍ଯ୍ୟ କରିଥାଏ ଓ ଏହା ନିଜେ ନିଜକୁ ଭଲ କରିବାର କ୍ଷମତା ରଖିଥାଏ । ଏପରିକି ଲିଭରକୁ ଯଦି 65% କାଟି ଦିଆଯାଏ ତେବେ ମଧ୍ୟ ଏହା ଆପେ ଆପେ ନିଜକୁ ଠିକ କରିପାରେ । ଲିଭର 35% ଭଲ ଥିଲେ ମଧ୍ୟ ଜଣେ ମଣିଷ ବଞ୍ଚିପାରିବ ।
ତେବେ ଦେଖାଯାଉ କେବେ ପିଣ୍ଟୁଙ୍କ ଲିଭର ପ୍ରତ୍ୟାରୋପଣ କରାଯାଉଛି । ସେ ନୂଆ ଲିଭର ସହ ନୂଆ ଜୀବନ ପାଆନ୍ତୁ ଓ ଶୀଘ୍ର ଫିଲ୍ମ ଦୁନିଆକୁ ଫେରି ପୂର୍ବ ଭଳି ଲୋକଙ୍କ ମନୋରଞ୍ଜନ କରନ୍ତୁ ବୋଲି ସାରା ଓଡିଶାବାସୀ ପ୍ରାର୍ଥନା କରୁଛନ୍ତି । ଆମ ପୋଷ୍ଟ ଅନ୍ୟମାନଙ୍କ ସହ ଶେୟାର କରନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍ କୁ ଲାଇକ କରନ୍ତୁ ।