ଖେଳାଳି ମାନଙ୍କ ସୁରକ୍ଷା ପାଇଁ ଚଳିତ ବର୍ଷ ଆଇପିଏଲ ସ୍ଥଗିତ ହେବା ପରେ ସମସ୍ତ ଖେଳାଳୀମାନେ ଭାରତୀୟ ନାଗରିକଙ୍କ ପାଇଁ ନିଜ ଖଜାନା ଖୋଲି ଦେଇଛନ୍ତି । ପ୍ରାୟତଃ ସମସ୍ତେ କିଛି ନା କିଛି ପରିମାଣର ଅର୍ଥ ଭାରତ ଦେଶବାସୀଙ୍କ ପାଇଁ ଦାନ କରିଛନ୍ତି । ସେମାନଙ୍କ ମଧ୍ୟରୁ ଧୋନି, କୋହଲି, ରୋହିତ ଶର୍ମା ଆଦି ଏପରି କାର୍ଯ୍ୟ କରିଛନ୍ତି ଯାହା ଦ୍ଵାରା ପୁରା ଦେଶର ହୃଦୟ ଜିତି ପାରିଛନ୍ତି । ତେବେ ଚାଲନ୍ତୁ ଦେଖିବା କେଉଁ ଖେଳାଳି କେତେ ପରିମାଣର ଅର୍ଥ ଦାନ ଦେଇଛନ୍ତି ।
ଟୁର୍ନାର୍ମେଣ୍ଟ ସ୍ଥଗିତ ହେବା ସକାଶେ ଫ୍ରାଞ୍ଚାଇଜ୍ ଗୁଡ଼ିକ କ୍ଷତିରେ ଥିବା ବେଳେ ମଧ୍ୟ ନିଜ ଦେଶକୁ ଯଥାସମ୍ଭବ ସାହାଯ୍ୟ ଯୋଗାଇ ଦେବାକୁ ପଛାଇ ନାହାଁନ୍ତି । ଆର୍.ସି.ବି ଟିମ୍ ତରଫରୁ ବ୍ୟାଙ୍ଗଲୋର୍ ର ଅନେକ ସ୍ଥାନରେ ଅକ୍ସିଜେନ୍ ଅଭାବ ଦୂର କରିବା ପାଇଁ ପ୍ରୟାସ ଜାରି ରହିଛି । ସେହିପରି ରାଜସ୍ଥାନ ରୟାଲ୍ସ୍ ଏକ ମିଲିୟନ ଡଲାର ବା ପ୍ରାୟ ସାଢେ଼ ସାତ କୋଟି ଟଙ୍କା ଦାନ କରିଛନ୍ତି । ଦିଲ୍ଲୀ ଫ୍ରାଞ୍ଚାଇଜ୍ ର ମାଲିକ ମଧ୍ୟ ଦେଢ଼ କୋଟି ଟଙ୍କା ପର୍ଯ୍ୟନ୍ତ ଦାନ କରିଛନ୍ତି ।
ପଞ୍ଜାବ କିଙ୍ଗସ୍ ଆସୋସିଏସନ୍ ମଧ୍ୟ ଘୋଷଣା କରିଥିଲେ ଯେ ସେ ନିଜ ତରଫରୁ ଅକ୍ସିଜେନ୍ ଯୋଗାଇବା ପାଇଁ ଯଥାସମ୍ଭବ ସାହାଯ୍ୟ କରିବେ । ଖେଳାଳି ଶିଖର ଧାୱନ ୨୦ ଲକ୍ଷ ଟଙ୍କା ଦାନ କରି ସମସ୍ତଙ୍କ ହୃଦୟ ଜିତିବା ସହ ଏହି ବର୍ଷ ଆଇପିଏଲ ରୁ ମିଳିଥିବା ସମସ୍ତ ଅର୍ଥ ସେ ଦାନ କରିବେ ବୋଲି ଘୋଷଣା କରିଛନ୍ତି । କ୍ରିକେଟ ଭଗବାନ ସଚିନ ତେନ୍ଦୁଲକର ମଧ୍ୟ ଦିଲ୍ଲୀର ଏକ ସଂସ୍ଥାକୁ ଅକ୍ସିଜେନ୍ ପାଇଁ ଏକ କୋଟି ଟଙ୍କା ସାହାଯ୍ୟ ରାଶି ଦାନ କରିଛନ୍ତି ।
ପାଣ୍ଡ୍ୟା ବ୍ରଦର୍ସ ମଧ୍ୟ ଗ୍ରାମାଞ୍ଚଳରେ ୨୦୦ ଅକ୍ସିଜେନ୍ କନ୍ସିଣ୍ଟ୍ରେଟର୍ ଦାନ କରିଛନ୍ତି । ଯେଉଁ ସ୍ଥାନ ଗୁଡିକରେ ଉତ୍ତମ ଚିକିତ୍ସା ସୁବିଧା ନାହିଁ ସେପରି ସ୍ଥାନରେ ଏପରି ଦାନ ଦେଇ ପାଣ୍ଡ୍ୟା ବ୍ରଦର୍ସ ଖୁବ୍ ପ୍ରସଂଶଯୋଗ୍ୟ କାମ କରିଛନ୍ତି । ବିରାଟ କୋହଲି ଓ ଅନୁଷ୍କା ଶର୍ମା ମଧ୍ୟ କରୋନାରେ ଆକ୍ରାନ୍ତ ଲୋକଙ୍କ ସାହାଯ୍ୟ ପାଇଁ ଲାଗି ପଡିଛନ୍ତି । ସେମାନେ ମିଶି ୨ କୋଟିରୁ ଅଧିକ ଅର୍ଥ ଦାନ କରିଛନ୍ତି ଓ ସମୁଦାୟ ୨୦ କୋଟି ପର୍ଯ୍ୟନ୍ତ ଦାନ କରିଛନ୍ତି ବୋଲି ସୂତ୍ରରୁ ଜଣାପଡିଛି ।
ତେବେ ଏଥିରେ କେତେ ସତ୍ୟତା ଅଛି ତାହା ସଠିକ୍ ଜଣା ପଡିନାହିଁ । ରୋହିତ ଶର୍ମା ମଧ୍ୟ ପୂର୍ବରୁ ୮୦ ଲକ୍ଷ ଟଙ୍କା ଦାନ କରିଥିଲେ ଓ ଶୁଣିବାକୁ ମିଳୁଛି ଏଥର ମଧ୍ୟ କୋଟି ଟଙ୍କା ଦାନ କରିଛନ୍ତି ରୋହିତ । ସେହିପରି ମହେନ୍ଦ୍ର ସିଂହ ଧୋନି ମଧ୍ୟ ପୂର୍ବରୁ ଗୁପ୍ତ ଭାବେ ବଡ଼ ରକମର ଦାନ କରିଥିଲେ । ଏକ ନିର୍ଦ୍ଧିଷ୍ଟ ରୋଗୀ ପାଇଁ ମଧ୍ୟ ଏକ ଲକ୍ଷ ଟଙ୍କା ଦାନ କରିଥିଲେ ବୋଲି ଶୁଣିବାକୁ ମିଳିଥିଲା । ଏବେ ଶୁଣିବାକୁ ମିଳୁଛି କି ଧୋନି ସମୁଦାୟ ୧୦ରୁ ୧୫ ଲକ୍ଷ ପର୍ଯ୍ୟନ୍ତ ଦାନ କରି ସାରିଲେଣି ।
ରିଶଭ ପନ୍ତ ମଧ୍ୟ ଏହି ଦୌଡ଼ରେ କିଛି ପଛୁଆ ନାହାଁନ୍ତି । ସେ ମଧ୍ୟ କୋଟି ଟଙ୍କା ଦାନ କରିଛନ୍ତି ବୋଲି ଶୁଣିବାକୁ ମିଳୁଛି । ଏହା ସହ ଦିଲ୍ଲୀ କ୍ୟାପିଟାଲ ସହ ମିଶି ସେମାନେ ଏପରି ଏକ ପୋର୍ଟାଲ ଖୋଲିଛନ୍ତି ଯେଉଁଠି ବରିଷ୍ଠ ନାଗରିକ ମାନେ ଯାଇ ଫର୍ମ ପୂରଣ କରିବେ ଓ ସେମାନଙ୍କ ଟୀକାକରଣର ସମସ୍ତ ଭାର ଏମାନେ ବହନ କରିବେ । ସେହିପରି ବିଦେଶୀୟ ଖେଳାଳି ପ୍ୟାଟ କମିନ୍ସ ଓ ବ୍ରେଟ ଲି ମଧ୍ୟ ମୋଟା ଅଙ୍କର ରାଶି ସାହାଯ୍ୟ କରିଛନ୍ତି ।
ଏହା ଉପରେ ଆପଣଙ୍କ ମତାମତ ଆମକୁ ନିଶ୍ଚୟ କମେନ୍ଟ କରନ୍ତୁ ଓ ଦେଶର ସମସ୍ତ ଖବର ସହ ଅପଡେଟ ରହିବା ପାଇଁ ଆମ ପେଜକୁ ଲାଇକ କରି ଆମ ସହିତ ଯୋଡି ହୁଅନ୍ତୁ । ଧନ୍ୟବାଦ