ବର୍ତ୍ତମାନ ଗଞ୍ଜାମର ବହୁଚର୍ଚ୍ଚିତ ଖବର ପାଲଟିଛି ଦୀପିକା ଓ ଦିନେଶଙ୍କ ପ୍ରେମ କାହାଣୀ । ଦୀପିକା ତାଙ୍କ ପ୍ରେମିକ ଦିନେଶଙ୍କ ଘର ସାମ୍ନାରେ ଧାରଣାରେ ବସି ରହିଛନ୍ତି । ଏହାରି ଭିତରେ ୧୬ଦିନ ବିତିଗଲାଣି । ବାରମ୍ବାର ଦୀପିକା ବାନ୍ଧିଥିବା ଟେଣ୍ଟ ଭାଙ୍ଗି ଦିଆ ଯାଉଛି ସିନା ହେଲେ ଏପର୍ଯ୍ୟନ୍ତ ତାଙ୍କୁ ଘର ଭିତରକୁ ପ୍ରବେଶ କରିବାକୁ ଅନୁମତି ଦେଇନାହାନ୍ତି ଦିନେଶଙ୍କ ଘରଲୋକ । ହେଲେବି ଏଇଟା ମୋ ଶ୍ଵଶୁର ଘର ଆଉ ମୁଁ ଏଠି ହିଁ ରହିବି ବୋଲି କହି ଜିଦ୍ ଧରି ବସିଛନ୍ତି ଦୀପିକା ।
ଉଭୟ ପ୍ରେମ ସମ୍ପର୍କରେ ରହିବା ପରେ ଦୀପିକା ଗର୍ଭବତୀ ହୋଇଥିଲେ ଓ ପିଲାକୁ ଜନ୍ମ ମଧ୍ୟ ଦେଇଥିଲେ । କିନ୍ତୁ ସେବେଠାରୁ ଦିନେଶ ବଦଳି ଯାଇଥିଲେ ଓ ଦୀପିକାଙ୍କୁ ବିବାହ କରିବା ପାଇଁ ଯେଉଁ କଥା ଦେଇଥିଲେ ସେଥିରୁ ଓହଳି ଯାଇଥିଲେ । ତେବେ ଏନେଇ ବିଭିନ୍ନ ମହଲରେ ଲୋକମାନେ ନିଜ ମତ ରଖୁଥିବା ବେଳେ ସମାଜସେବୀ ସୁନିତା ମହାନ୍ତି ମଧ୍ୟ ନିଜ ମତ ରଖିଛନ୍ତି । ସୁନିତାଙ୍କ କହିବାନୁଯାୟୀ ଦୀପିକା ରେପ୍ କେସ୍ ଦେଇଥିବାରୁ ଦିନେଶ ତିନି ମାସ ଜେଲ୍ ରେ କାଟିଥିଲେ ।
ତେଣୁ ସେହି କଥାକୁ ଆଢ୍ର କରି ସେମାନେ କହୁଛନ୍ତି କି ତିନିମାସ ଜେଲ୍ ଗଲି ତୋତେ ଆଉ କାଇଁ ରଖିବି । ହେଲେ ଦୀପିକା ମଧ୍ୟ କିଛି କମ୍ କଷ୍ଟ ସହିନାହାନ୍ତି ବୋଲି ସୁନିତା ମହାନ୍ତି କହିଛନ୍ତି । ଭୁଲ ଦୁଇଜଣଙ୍କ ଆଡୁ ହେଇଛି । ଦିନେଶ ଯଦି ପୂର୍ବରୁ ଜାଣିଥିଲେ ତାଙ୍କ ପରିବାର ରକ୍ଷଣଶୀଳ ତେବେ ଦୀପିକାଙ୍କ ପ୍ରେମରେ କାହିଁକି ପଶୁଥିଲେ ?
ଯାହାବି ଫଟୋ ଓ ଭିଡିଓ ସବୁ ଭାଇରାଲ ହେଉଛି ତାହା ତ ସବୁ ମିଛ ନୁହେଁ । ଯଦି ଏଭଳି କାଦୁଅରେ ପଶିଛ ତେବେ ସେହି ଝିଅକୁ ଉଦ୍ଧାର କରିବାର ଦାୟିତ୍ଵ ମଧ୍ୟ ତୁମର । ଦୀପିକା ଯଦି ନଷ୍ଟ ଚରିତ୍ର ହୋଇଥାନ୍ତେ ତେବେ ଦିନେଶଙ୍କ ଘର ଆଗେ କଣ ପାଇଁ ବସିଥାନ୍ତେ । ବ୍ରହ୍ମପୁରରେ ଏକା ଦିନେଶଙ୍କ ପଇସା ନାହିଁ । ସେଠି ଅନେକ ପଇସାବାଲା ଅଛନ୍ତି ।
ତାଙ୍କର ଯଦି ପଇସା ଦରକାର ଥାନ୍ତା ସେ ଆଉ କେଉଁ ଟୋକା ଫସେଇଥାନ୍ତେ, ଏଠି ଏତେ କଷ୍ଟ କରି ନ୍ୟାୟ କାହିଁକି ମାଗିଥାନ୍ତେ । ଆଉ ଆଜିକାଲି ସବୁ ବିବାହତ ଲୋକ ପର ସ୍ତ୍ରୀ ପଛରେ ଗୋଡାଇବା ବି ଗୋଟେ ଫ୍ୟାଶନ ହୋଇଗଲାଣି । ଆମ ପୋଷ୍ଟ ଅନ୍ୟମାନଙ୍କ ସହ ଶେୟାର କରନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍ କୁ ଲାଇକ କରନ୍ତୁ ।