ଓଲିଉଡ ଜଗତର ଲୋକପ୍ରିୟ ଅଭିନେତା ସ୍ବର୍ଗତଃ ମିହିର ଦାସଙ୍କ ସାନ ପୁଅ ଅକ୍ଲାନ୍ତ ଦାସଙ୍କ ଅଚାନକ ଦେହାନ୍ତ ପରେ ଏବେ ସାରା ଓଡିଶାବାସୀ ଏକପ୍ରକାର ସଦମାରେ ଅଛନ୍ତି । କାରଣ ମାତ୍ର ବାପାଙ୍କ ମୃତ୍ୟୁର ମାତ୍ର ଏକ ବର୍ଷରେ ତାଙ୍କ ସାନ ପୁଅ ମଧ୍ୟ ଦୁନିଆ ଛାଡି ଚାଲିଯିବା ସମସ୍ତଙ୍କୁ ଅତ୍ୟନ୍ତ ମର୍ମାହତ କରିଛି । 26 ବର୍ଷୀୟ ଅକ୍ଲାନ୍ତ ଲିଭର ଜନିତ ରୋଗରେ ପୀଡିତ ହୋଇ ପ୍ରାଣ ହରାଇଥିବା କୁହା ଯାଉଥିବା ବେଳେ ପ୍ରକୃତରେ କଣ ହୋଇଥିଲା ଏହି ପ୍ରଶ୍ନ ସମସ୍ତଙ୍କ ମନକୁ ଆନ୍ଦୋଳିତ କରୁଛି ।
ତେବେ AIIMS ହସ୍ପିଟାଲରେ ଚିକିତ୍ସାଧୀନ ଅବସ୍ଥାରେ ଅକ୍ଲାନ୍ତ ପ୍ରାଣ ହରାଇଥିବା ବେଳେ ସେଠାକାର ଜଣେ ଡାକ୍ତର ଅକ୍ଲାନ୍ତଙ୍କ ମୃତ୍ୟୁର କାରଣ ଖୁଲାସା କରିଛନ୍ତି । ଡାକ୍ତରଙ୍କ କହିବା ଅନୁଯାୟୀ ଅକ୍ଲାନ୍ତ ଦୀର୍ଘ ଦିନ କ୍ରୋନିକ ଲିଭର ରୋଗରେ ପୀଡିତ ଥିଲେ । ତାଙ୍କ ଲିଭର ଏଭଳି ଅବସ୍ଥାକୁ ଚାଲି ଆସିଥିଲା ଯେଉଁଠି ସେ ନିଜକୁ ଠିକ କରିବା କ୍ଷମତା ହରାଇ ସାରିଥିଲା । ସାଧାରଣତ ଲିଭରର କିଛି ଅଂଶ ଅସୁସ୍ଥ ହୋଇଗଲେ ଖାଦ୍ୟପେୟ ଠିକ ରଖିବା ସହ ବ୍ୟାୟାମ ଦ୍ଵାରା ଏହାକୁ ଭଲ କରିହେବ ।
କିନ୍ତୁ ଯଦି ଏହା ଏଭଳି ଅବସ୍ଥାକୁ ଚାଲିଯାଏ ଯେଉଁଠି ତାହା ପୂର୍ବାବସ୍ଥାକୁ ଆଉ ଫେରି ପାରେନାହିଁ ସେଭଳି ସ୍ଥିତିରେ ଲିଭର ଫେଲ୍ଯୁର ହେବାର ଆଶଙ୍କା ଅଧିକ ରହିଥାଏ । ତେବେ କେବଳ କ୍ରୋନିକ ଲିଭର ରୋଗ ନୁହେଁ ବରଂ ଅକ୍ଲାନ୍ତ ନିମୋନିଆରେ ମଧ୍ୟ ପୀଡିତ ଥିଲେ । ତାଙ୍କର ଦୁଇଟି ଯାକ ଫୁସଫୁସର କିଛି ଅଂଶ ଲେଖାଏଁ ନିମୋନିଆରେ ଆକ୍ରାନ୍ତ ହୋଇ ସାରିଥିଲା । ଏହାସହ ତାଙ୍କୁ ସେପସିସ ମଧ୍ୟ ହୋଇଥିଲା ଅର୍ଥାତ ତାଙ୍କ ରକ୍ତରେ ଏକପ୍ରକାର ସଂକ୍ରମଣ ମଧ୍ୟ ହୋଇଥିଲା ।
ତାଙ୍କର ରକ୍ତଚାପ ମଧ୍ୟ ବାରମ୍ବାର କମି ଯାଉଥିଲା । ଏହିସବୁ ସମସ୍ଯାରେ ପୀଡିତ ହୋଇ ଅକ୍ଲାନ୍ତ ହସ୍ପିଟାଲରେ ଭର୍ତ୍ତି ହୋଇଥିବା ବେଳେ ତାଙ୍କ ସ୍ଵାସ୍ଥ୍ୟାବସ୍ଥାରେ ଉତ୍ଥାନ ପତନ ଲାଗି ରହିଥିଲା । ତେବେ ମଝିରେ ଅକ୍ଲାନ୍ତଙ୍କ ସ୍ୱାସ୍ଥ୍ୟରେ ଉନ୍ନତି ଦେଖା ଦେଇଥିଲେ ମଧ୍ୟ ତାଙ୍କ ଲିଭର ସମସ୍ଯା ଭଲ ହେବାର ଆଶଙ୍କା ବହୁତ କମ୍ ଥିଲା । ଏହା ଯୋଗୁଁ ତାଙ୍କ ଶରୀରର ରୋଗ ପ୍ରତିରୋଧକ ଶକ୍ତି ମଧ୍ୟ ଭଲ ଭାବେ କାମ କରୁ ନଥିଲା ।
ICU ରୁ ୱାର୍ଡକୁ ଆସିଥିବା ବେଳେ ତାଙ୍କ ସ୍ୱାସ୍ଥ୍ୟ ପୁଣି ବିଗିଡିବାରୁ ତାଙ୍କୁ ଆଉ ଥରେ ICU କୁ ସ୍ଥାନାନ୍ତର କରା ଯାଇଥିଲା । ତାଙ୍କୁ ଯେତେ ସପୋର୍ଟିଭ ଥେରାପି ଦେଲେ ମଧ୍ୟ ତାଙ୍କ ଶରୀର ଆଉ ରେସପଣ୍ଡ କରୁ ନଥିଲା । ଶେଷରେ କାର୍ଡିଆକ ଆରେଷ୍ଟ ହୋଇ ତାଙ୍କର ଜୀବନ ଚାଲି ଯାଇଥିଲା । ଆମ ପୋଷ୍ଟ ଅନ୍ୟମାନଙ୍କ ସହ ଶେୟାର କରନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍ କୁ ଲାଇକ କରନ୍ତୁ ।