ଏହି ଭିଡିଓ ଦେଖିଲେ ଆପଣ ଏହି ମାଙ୍କଡକୁ ପ୍ରଶଂସା ନକରି ରହି ପାରିବେନି । ପଶୁ ସିନା କଥା କହିପାରନ୍ତି ନାହିଁ ହେଲେ ମଣିଷଙ୍କ ଭଳି ବେଶ ବୁଦ୍ଧିଆ ହୋଇଥାନ୍ତି । ସେମାନଙ୍କ ସ୍ନେହ ଶ୍ରଦ୍ଧା ଓ ଭଲପାଇବା ଆଗରେ ମଣିଷ ବି ହାର୍ ମାନିବ । ସୋସିଆଲ ମିଡିଆରେ ଭାଇରାଲ ହୋଇଥିବା ଏହି ଭିଡିଓରୁ ତାହା ସ୍ପଷ୍ଟ ଜଣାପଡୁଛି । କୂଅରେ ଗୋଟିଏ ବିଲେଇ ଟିଏ ପଡି ଯାଇଥିବା ବେଳେ ମାଙ୍କଡଟି ବିଲେଇକୁ କୂଅରୁ ଉଦ୍ଧାର କରିବା ପାଇଁ ପ୍ରାଣପଣେ ଚେଷ୍ଟା କରୁଥିବା ଦେଖିବାକୁ ମିଳିଛି ।
ଭିଡିଓରେ ବିଲେଇଟି କୂଅ ଭିତରେ ପଡି ଯାଇ ଥିବାର ନଜର ଆସିଛି । କୂଅଟି ଯଦି ଏତେ ଗଭୀର ନୁହେଁ ହେଲେ ତା’ ଭିତରେ ଥିବା ପଙ୍କ ଭିତରେ ବିଲେଇଟି ପଡିଯାଇଛି ଓ ଉପରକୁ ଉଠିବା ପାଇଁ କିଛି ବାଟ ବି ନାହିଁ । ବିଲେଇଟି କୂଅରୁ ବାହାରିବା ପାଇଁ ଅସମର୍ଥ ଥିବା ବେଳେ ଏହି ଦୃଶ୍ୟ ମାଙ୍କଡ ନଜରରେ ପଡିଯାଇଛି । ଯାହା ଦେଖି ମାଙ୍କଡଟି ସାଙ୍ଗେ ସଙ୍ଗେ ବିଲେଇକୁ ବଞ୍ଚେଇବା ପାଇଁ କୂଅ ଭିତରକୁ ଡେଇଁ ପଡିଛି ।
କିନ୍ତୁ ବିଲେଇର ଓଜନ ଅଧିକ ଥିବାରୁ ମାଙ୍କଡ ତାହାକୁ ହାତରେ ଧରି ବାହାରକୁ ବାହାରି ଆସି ପାରୁ ନାହିଁ । ତଥାପି ବିଲେଇକୁ କୂଅ ଭିତରୁ ବାହାର କରିବା ପାଇଁ ମାଙ୍କଡଟି ଚେଷ୍ଟା ଚଳେଇଛି । ହେଲେ ଅନେକ ଚେଷ୍ଟା ପରେ ବି ସେ ବିଲେଇକୁ କୂଅ ଭିତରୁ ବାହାର କରି ପାରୁ ନଥିବାରୁ ହତାଶ ହୋଇପଡିଛି ।
ଏହି ସମୟରେ ଜଣେ ଝିଅ ସେହି କୂଅ ପାଖକୁ ଆସୁଛନ୍ତି ଓ ବିଲେଇଟି କୂଅରେ ପଡିଥିବା ବେଳେ ମାଙ୍କଡଟିଏ ତାକୁ ବାହାରକୁ ବାହାର କରିବାକୁ ଚେଷ୍ଟା କରୁଥିବା ଦେଖିବାକୁ ପାଉଛନ୍ତି । ତେବେ କୂଅଟି ଛୋଟ ଥିବାରୁ ଝିଅଟି ସେହି କୂଅ ଭିତରକୁ ଯାଉଛି ଓ ମାଙ୍କଡଟି ବୁଝି ପାରୁଛି ଯେ ସେ ବିଲେଇକୁ ଉଦ୍ଧାର କରିବା ପାଇଁ କୂଅ ଭିତରକୁ ଆସିଛନ୍ତି ବୋଲି । ମାଙ୍କଡ ପ୍ରଥମେ ଡେଇଁ କରି ବାହାରକୁ ବାହାରି ଆସୁଛି ଓ ତା’ପରେ ଝିଅଟି ବିଲେଇକୁ ହାତରେ ଧରି ବାହାରକୁ ବାହାର କରୁଛନ୍ତି ।
ଏହି ସମୟର ଭିଡିଓଟି ଏବେ ସୋସିଆଲ ମିଡିଆରେ ଖୁବ ଭାଇରାଲ ହେଉଛି । ତେବେ ମାଙ୍କଡ ଓ ବିଲେଇ ଦୁଇଟି ତାଙ୍କର ପୋଷା ହୋଇଥିବା ଭଳି ଜଣା ପଡ଼ୁଛନ୍ତି । ଆମ ପୋଷ୍ଟ ଅନ୍ୟମାନଙ୍କ ସହ ଶେୟାର କରନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍ କୁ ଲାଇକ କରନ୍ତୁ ।