ଡିଜିଟାଲ ଉପାୟରେ ଟଙ୍କା ନେଣଦେଣ ପ୍ରକ୍ରିୟା ଲୋକଙ୍କ ପାଇଁ ବେଶ ସହଜ ହୋଇଯାଇଛି । ଏଣିକି ଆଉ ପକେଟରେ ଟଙ୍କା ନଥିଲେ କିମ୍ବା ସାଙ୍ଗରେ ଡେବିଟ କି କ୍ରେଡିଟ କାର୍ଡ ନଥିଲେ ମଧ୍ୟ ୟୁପିଆଇ ପେମେଣ୍ଟ ସିଷ୍ଟମ ମାଧ୍ୟମରେ ଲୋକେ ଅତି ସହଜରେ ଟଙ୍କା କାରବାର କରି ପାରୁଛନ୍ତି । ହେଲେ ୟୁପିଆଇ ପେମେଣ୍ଟ କରିବା ଯେତିକି ସହଜ ସେଥିରେ କିଛି ବିପଦ ମଧ୍ୟ ରହିଛି । ମୋବାଇଲ ନମ୍ବରରେ ଟଙ୍କା ଟ୍ରାନ୍ସଫର କରିବା ବେଳେ ଯଦି ଗୋଟେ ବି ନମ୍ବର ଭୁଲ ହୋଇଯାଏ, ତେବେ ଅନ୍ୟ କାହା ଆକାଉଣ୍ଟକୁ ଟଙ୍କା ଚାଲି ଯାଇଥାଏ ।
ଯଦି ଆପଣଙ୍କ ସହ କେବେ ଏମିତି ହୁଏ ତେବେ ଟଙ୍କା ଫେରି ପାଇବା ପାଇଁ କାହା ପାଖରେ ଅଭିଯୋଗ କରିବେ, ଏହା ନିହାତି ଭାବେ ଜାଣି ରଖିବା ଉଚିତ । ଗୁଗୁଲ ପେ, ଫୋନପେ ଓ ପେଟିଏମ ଭଳି ୟୁପିଆଇ ପ୍ଲାଟଫର୍ମରେ ଟଙ୍କା ଟ୍ରାନ୍ସଫର ବେଳେ ଯଦି ଭୁଲରେ ଅନ୍ୟ କାହାରି ଆକାଉଣ୍ଟକୁ ଟଙ୍କା ଚାଲିଯାଏ ତେବେ ତାକୁ ସିଧାସଳଖ ଫେରାଇ ଆଣିବା ପାଇଁ କୌଣସି ଉପାୟ ନାହିଁ । ଏଭଳି ସ୍ଥିତିରେ କେବଳ ଟଙ୍କା ରିସିଭ କରିଥିବା ବ୍ୟକ୍ତି ହିଁ ଆପଣଙ୍କ ଟଙ୍କା ଫେରାଇ ପାରିବେ ।
କିନ୍ତୁ ଆପଣ ଅଭିଯୋଗ କରି ନିଜ ଟଙ୍କା ଫେରି ପାଇପାରିବେ । ୟୁପିଆଇ ପେମେଣ୍ଟ ଆପ୍, ବ୍ଯାଙ୍କ ଏବଂ NPCI ଙ୍କ ସହାୟତାରେ ଆପଣ ନିଜ ଟଙ୍କା ଫେରି ପାଇପାରିବେ । ଯଦି ଆପଣ ୟୁପିଆ ଜରିଆରେ ଭୁଲ ପେମେଣ୍ଟ କରି ଦେଇଛନ୍ତି ତେବେ ପ୍ରଥମେ ସେହି ଟ୍ରାନସାକ୍ସନ ର ଏକ ସ୍କ୍ରିନସଟ୍ ନେବାକୁ ହେବ । ଏହାପରେ ସେହି ଆପ୍ ର ଆସିଷ୍ଟାଣ୍ଟ ସେକ୍ସନକୁ ଯାଇ ଅଭିଯୋଗ କରନ୍ତୁ । ଏହା କରିବା ଅତ୍ୟନ୍ତ ଜରୁରୀ ହୋଇଥାଏ ।
ଏହାପରେ ଯେଉଁ ବ୍ଯାଙ୍କ ଖାତାରୁ ଟଙ୍କା ଟ୍ରାନ୍ସଫର ହୋଇଛି ସେହି ବ୍ଯାଙ୍କ ସହ ଯୋଗାଯୋଗ କରନ୍ତୁ ଏବଂ ବ୍ଯାଙ୍କକୁ ସମସ୍ତ ତଥ୍ୟ ଦିଅନ୍ତୁ । ସମସ୍ତ ତଥ୍ୟକୁ ଯାଞ୍ଚ କରିବା ପରେ ବ୍ଯାଙ୍କ ଆପଣଙ୍କର ସହାୟତା କରିପାରିବ । ଯଦି ଆପଣଙ୍କୁ ୟୁପିଆଇ ଆପ ଓ ବ୍ଯାଙ୍କ ତରଫରୁ କୌଣସି ସହାୟତା ନମିଳେ ତେବେ ଆପଣ ଦ୍ଵିତୀୟ ଉପାୟ ଆପଣେଇ ପାରିବେ । ଅର୍ଥାତ NPCI ୱେବସାଇଟରେ ଯାଇ ଅଭିଯୋଗ କରିପାରିବେ । ଏଥିପାଇଁ NPCI ୱେବସାଇଟ ର “ଡିସପୁଟ୍ ରିଡ୍ରେସାଲ ମେକାନିଜିମ” ଉପରେ କ୍ଲିକ କରନ୍ତୁ ।
ଏହାପରେ ଆପଣଙ୍କୁ ଏକ ଫର୍ମ ଭରିବାକୁ ଦିଆଯିବ । ଫର୍ମରେ ସମସ୍ତ ତଥ୍ୟ ପ୍ରଦାନ କରି ବ୍ଯାଙ୍କ ଷ୍ଟେଟମେଣ୍ଟ ଅପଲୋଡ କରିଦିଅନ୍ତୁ । ଏହାର ଯାଞ୍ଚ ପରେ ଆପଣ ନିଜ ଟଙ୍କା ଫେରିପାରିବେ । ଆମ ପୋଷ୍ଟ ଅନ୍ୟମାନଙ୍କ ସହ ଶେୟାର କରନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍ କୁ ଲାଇକ କରନ୍ତୁ ।