ଏକାଦଶ ଶତାବ୍ଦୀରେ ଦୁନିଆ ପହଞ୍ଚି ସାରିଥିଲେ ମଧ୍ୟ କିନ୍ନର ମାନଙ୍କୁ ଦେଖିଲେ ଆଜିବି ଲୋକେ ଥଟ୍ଟା ତାମସା କରିଥାନ୍ତି । ଆମ ସମାଜ ଆଜିବି ତାଙ୍କୁ ନିଜର କରି ପାରିନାହିଁ । ତେଣୁ ସମାଜ ପରିବାରରୁ ଅଲଗା ହୋଇ ସେମାନଙ୍କୁ ଜୀବନଯାପନ କରିବାକୁ ପଡିଥାଏ । ଘରେ କିନ୍ନରଟିଏ ଜନ୍ମ ନେଲେ ଏହାକୁ ଏକ ଅଭିଶାପ ଏବଂ ଅପବାଦ ବୋଲି ଭବିଥାନ୍ତି ଲୋକେ । କିନ୍ନରଙ୍କ ଜୀବନ ସାଧାରଣ ମଣିଷଙ୍କ ଠାରୁ ଅଲଗା ହୋଇଥାଏ । ତଥାପି ସବୁ ଦୁଃଖ ସହି ବାହାରେ ଲୋକଙ୍କୁ ହସେଇ ଜୀବନ କାଟି ଦିଅନ୍ତି ।
ନିକଟରେ ଶ୍ରୀମନ୍ଦିରରେ ଯେଉଁ ଅଘଟଣ ଘଟିଯାଇଛି ତାହା ସାରା ରାଜ୍ୟର ଲୋକଙ୍କୁ ଏକ ପ୍ରକାର ଭୟଭୀତ କରିଦେଇଛି । ବଳରାମ ନାମକ ଜଣେ କିନ୍ନର ଶ୍ରୀମନ୍ଦିର ପ୍ରାଙ୍ଗଣରେ ଉପରୁ ଡେଇଁ ଆତ୍ମହତ୍ୟା କରିଛନ୍ତି । ଯାହାର କାରଣ ଏବେ ପର୍ଯ୍ୟନ୍ତ ସ୍ପଷ୍ଟ ହୋଇ ନଥିବା ବେଳେ ସ୍ଥାନୀୟ କିନ୍ନର ସଂଘ ତାଙ୍କର ରୀତିନୀତି ସମ୍ପନ୍ନ କରିଛନ୍ତି । ଏନେଇ ସ୍ଥାନୀୟ କିନ୍ନର ଦେବକୀ କହିଛନ୍ତି ଯେ, ଏହି ଘଟଣା ଆମ ସମଗ୍ର ରାଜ୍ୟ ପାଇଁ ଓ କିନ୍ନର ମାନଙ୍କ ପାଇଁ ଏକ ନିନ୍ଦାର ବିଷୟ ।
ଉକ୍ତ କିନ୍ନରଙ୍କ ମନରେ ହୁଏତ ଥିଲା କି ଶ୍ରୀଜଗନ୍ନାଥଙ୍କ ନିକଟରେ ପ୍ରାଣତ୍ୟାଗ କଲେ ସେ ମୁକ୍ତି ପାଇବେ । ସେଥିପାଇଁ ସେ ଏପରି କରିଥାଇ ପାରନ୍ତି । ନିହାତି ଭାବେ କିଛି ବିଷୟ ତାଙ୍କୁ ବହୁତ ଆଘାତ କରିଛି ବୋଲି ସେ କହିଛନ୍ତି । ସେ ଆହୁରି ମଧ୍ୟ କହିଛନ୍ତି ସେ ଶୁଣିବାକୁ ପାଇଛନ୍ତି କି ଆସନ୍ତା ୧୩ ତାରିଖରେ ତାଙ୍କ ଭଉଣୀଙ୍କ ବାହାଘର ରହିଛି । ସେଥିପାଇଁ ହୁଏତ କିଛି ବିଷୟକୁ ନେଇ ସେ ଚିନ୍ତିତ ରହିଥିବେ ।
ତେବେ କିନ୍ନରଙ୍କ ଶବକୁ ପୋଲିସ ଜବତ କରିଥିବା ହେତୁ ସେମାନେ ବିଶେଷ ରୀତିନୀତି କରି ନଥିଲେ । କିନ୍ତୁ ଅଳ୍ପକେ କିଛି ରୀତିନୀତି କରିଥିଲେ । କିନ୍ନରମାନେ ଯାଇ ତାଙ୍କ ଶବ ପକ୍ଷେ ଧୂପଦୀପ ଲଗାଇ ପ୍ରାର୍ଥନା କରିଥିଲେ । ଛାତିକୁ ହାଏ ହାଏ କରି ମାରି ସେମାନେ ପ୍ରାର୍ଥନା କରିଥାନ୍ତି କି, ଆର ଜନ୍ମରେ ଆଉ କିନ୍ନର ଜନ୍ମ ନମିଳୁ ବୋଲି । କିଛି ବିଧି କରିବା ପରେ ସେମାନେ କିନ୍ନରଙ୍କ ଶବକୁ ତାଙ୍କ ପରିବାରକୁ ହସ୍ତାନ୍ତର କରିଥିଲେ । ଏହାପରେ ସେମାନେ ସମୁଦ୍ରରେ ଯାଇ ବୁଡ ପକାଇ ପ୍ରାର୍ଥନା କରିବା ପରେ ନିର୍ମାଲ୍ୟ ପାଇ ଘରକୁ ଫେରିଥିଲେ ।
କିନ୍ନର ଜନ୍ମ ଏକ ଅଭିଶପ୍ତ ଜନ୍ମ ବୋଲି ସେମାନେ ମାନିଥାନ୍ତି । ତେଣୁ କେହି କିନ୍ନର ମୃତ୍ୟୁବରଣ କରିବା ପରେ ସେମାନେ ଆରଜନ୍ମରେ ପୁଅ କିମ୍ବା ଝିଅ ହୋଇ ଜନ୍ମ ନିଅନ୍ତୁ ବୋଲି ସେମାନେ ପ୍ରାର୍ଥନା କରିଥାନ୍ତି । ଆମ ପୋଷ୍ଟ ଅନ୍ୟମାନଙ୍କ ସହ ଶେୟାର କରନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍ କୁ ଲାଇକ କରନ୍ତୁ ।