ଆଉ ମାତ୍ର ଚାରୋଟି ଦିନ ପରେ ଆରମ୍ଭ ହୋଇଯିବ ନୂଆବର୍ଷ 2023 । ଜାନୁୟାରୀ 1 ତାରିଖ ଛୁଟିଦିନ ରବିବାର ପଡୁଥିବାରୁ ଏଥର ନୂଆବର୍ଷ ସମସ୍ତଙ୍କୁ ଖୁସି ଦେବ । ହେଲେ ନୂଆବର୍ଷରେ ବ୍ୟାଙ୍କରେ କାମ ଥିବା ଗ୍ରାହକଙ୍କ ପାଇଁ ଆମେ ନେଇ ଆସିଛୁ ଜରୁରୀ ସୂଚନା । କାରଣ ଏଥର ନୂଆବର୍ଷ ଜାନୁୟାରୀ ମାସରେ ପ୍ରାୟ 14 ଦିନ ବନ୍ଦ ରହିବ ବ୍ଯାଙ୍କ । ଏନେଇ ରିଜିର୍ଭ ବ୍ଯାଙ୍କ ଅଫ ଇଣ୍ଡିଆ ଛୁଟି ତାଲିକା ଜାରି କରି ସାରିଲାଣି । ବ୍ଯାଙ୍କରେ କାମ ଥିଲେ ବ୍ଯାଙ୍କ ଛୁଟିଦିନ ଗୁଡିକୁ ଜାଣି ରଖିବା ଉଚିତ ।
ନଚେତ ଆପଣ ଜରୁରୀ କାମରେ ବ୍ଯାଙ୍କ ଯିବାବେଳେ ବ୍ଯାଙ୍କ ବନ୍ଦ ଥିବ ଓ ଆପଣ ଅସୁବିଧାରେ ପଡିବେ । ତେଣୁ ଜରୁରୀ କାମକୁ ବ୍ଯାଙ୍କ ଖୋଲା ଥିବା ଦିନ ମାନଙ୍କରେ କରିବା ଉଚିତ ହେବ । ତେବେ ଜାନୁୟାରୀରେ ଦ୍ଵିତୀୟ ଓ ଚତୁର୍ଥ ଶନିବାର ଏବଂ ରବିବାରକୁ ମିଶାଇ ମୋଟ 14 ଦିନ ବ୍ଯାଙ୍କ ଛୁଟି ରହିବ । ଦେଶର ବିଭିନ୍ନ ରାଜ୍ୟର ପର୍ବପର୍ବାଣିକୁ ଧ୍ୟାନରେ ରଖି ଏହି ଛୁଟି ତାଲିକା ପ୍ରସ୍ତୁତ ହୋଇଛି । ଜାନୁୟାରୀ 1 ରେ ରବିବାର ସାପ୍ତାହିକ ଛୁଟି ଓ 2 ରେ ମିଜୋରାମ ନୂଆବର୍ଷ ।
ଜାନୁୟାରୀ 8 ରବିବାର ସାପ୍ତାହିକ ଛୁଟି ଏବଂ ଜାନୁୟାରୀ 11 ମିଶନାରୀ ଦିବସ ଛୁଟି । ସେହିପରି ଜାନୁୟାରୀ 12 ରେ ସ୍ଵାମୀ ବିବେକାନନ୍ଦ ଜୟନ୍ତୀ ଓ 14 ରେ ମକର ସଂକ୍ରାନ୍ତି ସହ ଗୁଜୁରାଟ, କର୍ଣ୍ଣାଟକ, ଆସାମ, ସିକିମ ଓ ତେଲେଙ୍ଗାନା ପାଇଁ ବିହୁ ଛୁଟି । ଜାନୁୟାରୀ 15 ପୋଙ୍ଗଲ ପାଇଁ ଛୁଟି ।
ଜାନୁୟାରୀ 22 ରବିବାର ସାପ୍ତାହିକ ଛୁଟି ଏବଂ 23 ତାରିଖରେ ନେତାଜୀ ସୁବାଷ ଚନ୍ଦ୍ର ବୋଷ ଜୟନ୍ତୀ ଓ ହିମାଚଳ ପ୍ରଦେଶର ରାଜ୍ୟ ପାହ୍ୟା ଦିବସ । ଜାନୁୟାରୟ 26 ରେ ସାଧାରଣତନ୍ତ୍ର ଦିବସ ଛୁଟି ସାଙ୍ଗକୁ 18 ଜାନୁୟାରୀରେ ଦ୍ଵିତୀୟ ଶନିବାର ଛୁଟି । 29 ଜାନୁୟାରୀ ମଧ୍ୟ ରବିବାର ସାପ୍ତାହିକ ଛୁଟି ଏବଂ 19 ରେ ଆସାମର ମି-ଦମ-ମି-ଫି ଛୁଟି । ତେବେ କେବଳ ଏତିକି ନୁହେଁ ବରଂ ନୂଆବର୍ଷରେ ବ୍ଯାଙ୍କ ଗୁଡିକ ପାଇଁ ଆରବିଆଇ ନୂଆ ନିୟମ ମଧ୍ୟ ଜାରି କରିଛନ୍ତି ।
ଗ୍ରାହକଙ୍କ ସୁବିଧା ପାଇଁ ନୂଆ ଲକର୍ ନିୟମ ଲାଗୁ କରାଯାଇଛି । ଡିସେମ୍ବର ଶେଷ ସୁଧା ଗ୍ରାହକଙ୍କ ସ୍ଵାକ୍ଷର ନବୀକରଣ କରିବା ସହ ଲକର୍ ରେ ଥିବା ଧନ ପାଇଁ ବ୍ଯାଙ୍କମାନେ ଉତ୍ତରଦାୟୀ ହେବେ ବୋଲି ପରିଷ୍କାର ଭାବେ କୁହାଯାଇଛି । ଗ୍ରାହକଙ୍କୁ ହଇରାଣ କରିବା ପାଇଁ ନୂଆ ନିୟମ ଲାଗୁ ନ କରିବାକୁ ମଧ୍ୟ କୁହାଯାଇଛି । ଆମ ପୋଷ୍ଟ ଅନ୍ୟମାନଙ୍କ ସହ ଶେୟାର କରନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍ କୁ ଲାଇକ କରନ୍ତୁ ।