କରୋନା ମହାମାରୀର ଦ୍ଵିତୀୟ ଲହର ସମୟରେ ଦେଶରେ କଟକଣା କଡା କରା ଯାଇଥିଲା । ଦ୍ଵିତୀୟ ଲହର ଯେଉଁ ଭଳି ଭୟଙ୍କର ରୂପ ଦେଖାଇଥିଲା ଏଯାଏଁ ତାହା ଲୋକଙ୍କ ମନରୁ ଯାଇନି । ଆଉ ସେପଟେ ବିଭିନ୍ନ ଦେଶ ମାନଙ୍କରେ ବ୍ୟାପିବାରେ ଲାଗିଛି କରୋନାର ଆଉ ଏକ ମ୍ଯୁଟେସନ ‘ଓମିକ୍ରନ’ । ଆଉ ବିଶ୍ଵ ସ୍ୱାସ୍ଥ୍ୟ ସଂଗଠନ ବି ଦେଇ ସାରିଲାଣି ସତର୍କ ଘଣ୍ଟି । ତେବେ ଦେଶରେ ଦ୍ଵିତୀୟ ଲହର କମିବା ପରେ କଟକଣା ଧୀରେ ଧୀରେ କୋହଳ କରା ଯାଇଥିଲା ।
କିନ୍ତୁ ଓମିକ୍ରନ ଆଉଟବ୍ରେକ ସହ ତୃତୀୟ ଲହରକୁ ଦୃଷ୍ଟିରେ ରଖି ସମସ୍ତ ରାଜ୍ୟ ଏହି ଡିସେମ୍ବର ମାସରେ ପୁଣି ଥରେ କଟକଣା କଡା କରିପାରନ୍ତି ବୋଲି ଆଶଙ୍କା କରାଯାଉଛି । ଏନେଇ କେନ୍ଦ୍ରରୁ ପ୍ରତ୍ଯେକ ରାଜ୍ୟକୁ ଚିଠି ଲେଖି ଜଣାଇଛନ୍ତି ସରକାର । ତେବେ ପ୍ରଥମତଃ କରୋନା ସଂକ୍ରମିତଙ୍କ ସଂଖ୍ୟା ଉପରେ ସତର୍କ ଦୃଷ୍ଟି ରଖିବାକୁ ସରକାର କହିଛନ୍ତି । କରୋନାର ନୂଆ ଭ୍ୟାରିଆଣ୍ଟ ‘ଓମିକ୍ରନ’ ଯେହେତୁ ଚିହ୍ନଟ ହୋଇଛି ସେଥିପାଇଁ ହସ୍ପିଟାଲ ଏବଂ ଆଇସିୟୁ ବେଡ୍ ର ରୋଗୀଙ୍କ ସଂଖ୍ୟା ଉପରେ ନଜର ରଖିବାକୁ ମଧ୍ୟ ପରାମର୍ଶ ଦେଇଛନ୍ତି ।
ସେହିପରି ପର୍ବପର୍ବାଣି ସମୟରେ କୋଭିଡ ସ୍ଥିତି ଉପରେ କଡା ନଜର ରଖିବାକୁ ନିର୍ଦ୍ଦେଶ ଦେଇଛନ୍ତି ସରକାର । ଡିସେମ୍ବର ଗାଇଡଲାଇନରେ ଏନେଇ ଉଲ୍ଲେଖ କରାଯାଇଛି । ଏହି କଟଣା ସବୁ ୧ ଜାନୁୟାରୀ ୨୦୨୨ ପର୍ଯ୍ୟନ୍ତ ଲାଗୁ ରହିବ ବୋଲି ଜଣାପଡିଛି । ତେବେ ପୂର୍ବ ପରି ରାତି ୧୦ଟା ରୁ ସକାଳ ୫ଟା ପର୍ଯ୍ୟନ୍ତ ସହରାଞ୍ଚଳରେ ରାତ୍ରୀକାଳୀନ କର୍ଫ୍ଯୁ ବଳବତ୍ତର ରହିବ ଏବଂ ରାଜ୍ୟର କୌଣସି ସ୍ଥାନରେ ବି ଏବେ ସପ୍ତାହନ୍ତ ସଟଡାଉନ ହେବ ନାହିଁ ।
ଅର୍ଥାତ ରାଜ୍ୟର କୌଣସି ସ୍ଥାନରେ ଶନିବାର ଓ ରବିବାର ପାଇଁ ସଟଡାଉନ ଏବେ ଲାଗୁ ହେବ ନାହିଁ । ତେବେ ପ୍ରଦର୍ଶନୀ, ଏକ୍ସପୋ, ମେଳା, ବାଣିଜ୍ୟ ମେଳା ଆଦି ଉପରେ କଟକଣା ଲଗାଇଛନ୍ତି ରାଜ୍ୟ ସରକାର । ଡିସେମ୍ବର ମାସରେ କୌଣସି ସ୍ଥାନରେ ପ୍ରଦର୍ଶନୀ ଓ ମେଳା ଆଦି ହୋଇ ପାରିବ ନାହିଁ ବୋଲି ଡିସେମ୍ବର ଗାଇଡଲାଇନରେ ଉଲ୍ଲେଖ କରାଯାଇଛି । ତେବେ ଅବରୋଧ ଅଞ୍ଚଳରେ ଲକଡାଉନ ବଳବତ୍ତର ରହିବ ।
ତେବେ ଡିସେମ୍ବର ୧ ତାରିଖରୁ ସମସ୍ତ ମେଡିକାଲ କଲେଜ ଖୋଲିବା ପାଇଁ ଅନୁମତି ମିଳିଛି ଏବଂ ୩୧ ଡିସେମ୍ବର ଯାଏଁ ସମସ୍ତ ଅଙ୍ଗନବାଡି ବନ୍ଦ ରଖିବାକୁ ନିର୍ଦ୍ଦେଶ ଦେଇଛନ୍ତି ରାଜ୍ୟ ସରକାର । ଆମ ପୋଷ୍ଟ ଅନ୍ୟମାନଙ୍କ ସହ ଶେୟାର କରନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍କୁ ଲାଇକ କରନ୍ତୁ ।