ନମସ୍କାର ବନ୍ଧୁଗଣ ତେବେ ସେନାରେ ସାମିଲ ହୋଇ ଦେଶର ସୁରକ୍ଷା କରିଥାନ୍ତେ, ହେଲେ ଆତ୍ମହତ୍ୟା ଭଳି ବାଟକୁ ବାଛିନେଲେ ସୋରର ଯୁବକ । ସୋର ଦୟାନିଧିପୁର ଗାଁର ଯୁବକ ଧନଞ୍ଜୟ ମହାନ୍ତି ନିଜ ଘରେ ଦୌଡି ଦେଇ ଆତ୍ମହତ୍ୟା କରିଥିବା ପରିବାର ଓ ସାଙ୍ଗମାନେ କହିଛନ୍ତି । ଦୁଇବର୍ଷ ତଳେ ସେନାରେ ଭର୍ତ୍ତି ହେବା ପାଇଁ ଆବଶ୍ୟକ ପରୀକ୍ଷା ଦେଇ ସେ କୃତକାର୍ଯ୍ୟ ହୋଇଥିଲେ । ତେବେ ଶାରିରୀକ ଓ ଡାକ୍ତରୀ ପରୀକ୍ଷାରେ ସଫଳ ହୋଇଥିବାବେଳେ ଲିଖିତ ପରୀକ୍ଷାକୁ ଅପେକ୍ଷା କରିଥିଲେ ।
କରୋନା ଯୋଗୁଁ ବାରମ୍ବାର ଲିଖିତ ପରୀକ୍ଷା ବାତିଲ ହୋଇଥିବାବେଳେ ଏବେ କେନ୍ଦ୍ର ସରକାରଙ୍କ ଅଗ୍ନିପଥ ଯୋଜନାକୁ ନେଇ ବିଚଳିତ ହୋଇପଡିଥିଲେ ଧନଞ୍ଜୟ । ତାଙ୍କ ମନରେ ଯେଉଁ ବିଭ୍ରାନ୍ତି ସୃଷ୍ଟିହେଲା ତାହା ତାଙ୍କୁ ଜୀବନ ହାରି ଦେବାକୁ ବାଟ କଢାଇ ନେଲା । ମୋଦୀ ସରକାରଙ୍କ ନୂଆ ଯୋଜନା ଫଳରେ ଆଉତାଙ୍କୁ ସୁଯୋଗ ମିଳିବ ନାହିଁ ବୋଲି ଆଶଙ୍କା କରି ସେ ଆତ୍ମହତ୍ୟା କରିଥିବା କହିଛନ୍ତି ଧନଞ୍ଜୟଙ୍କ ସାଙ୍ଗ ।
ଏପରିକି ‘ଆଇ କ୍ୱିଟ୍’ ବୋଲି ତାଙ୍କ ମୋବାଇଲ ଫୋନରେ ଲେଖାଥିବା ଚାଟ୍ ସାମ୍ନାକୁ ଆସିଛି । ଭାଇଙ୍କୁ ହ୍ୱାଟ୍ସଆପରେ ଚାଟ୍ କରି ସେ ବିଜେପିକୁ ଆଉ ଭୋଟ ଦେବୁନାହିଁ ବୋଲି ପରାମର୍ଶ ଦେଇଛନ୍ତି । ପରିବାର ଲୋକଙ୍କ କହିବା ହେଲା ପରୀକ୍ଷାକୁ ଅପେକ୍ଷା କରି କରି ବୟସ ଗଡିଯିବା ଓ ଅଗ୍ନିପଥ ଯୋଜନା ଭଳି ଘୋଷଣା ତାଙ୍କ ମନରେ ନକାରାତ୍ମକ ଭାବନା ସୃଷ୍ଟି କରିଥିଲା । ବିଭିନ୍ନ ଗ୍ରୁପରେ ୟୁପି, ବିହାର ଭଳି ଅଂଚଳରୁ ଆଶାୟୀ ମାନେ ଆତ୍ମହତ୍ୟା କରୁଥିବା ଖବର ଶୁଣି ସେ ହତାସ ହୋଇ ପଡିଥିଲେ ।
ତେବେ କେନ୍ଦ୍ର ସରକାରଙ୍କ ‘ଅଗ୍ନିପଥ’ ଯୋଜନା ବିରୋଧରେ ଦେଶର ବିଭିନ୍ନ ସ୍ଥାନରେ ଆନ୍ଦୋଳନ ତୀବ୍ର ହେବାରେ ଲାଗିଛି । ବିଶେଷକରି ବିହାର, ଉତରପ୍ରଦେଶରେ ଯୁବକ ରାଜରାସ୍ତାକୁ ଓହ୍ଲାଇ ପ୍ରତିବାଦ କରିଛନ୍ତି । ସେନାରେ ମାତ୍ର ଚାରିବର୍ଷକୁ ବିରୋଧ କରି ଯୁବକ ଆନ୍ଦୋଳନ କରୁଛନ୍ତି । ପ୍ରତିବାଦ କରୁଥିବା ଯୁବକଙ୍କ କହିବା ଅନୁସାରେ ୪ ବର୍ଷର ଚାକିରି ପରେ ସେମାନେ କ’ଣ କରିବେ ।
୨୧ ବର୍ଷର ଯୁବକ ଚାକିରି କଲା ପରେ ସଶସ୍ତ୍ର ତାଲିମ ନେଇ ଯେତେବେଳେ ଫେରିବେ, ସେତେବେଳେ ତାଙ୍କୁ ଚାକିରି ମିଳିବ କି ନାହିଁ, ତାକୁ ନେଇ ମଧ୍ୟ ଯୁବବର୍ଗ ଆଶଙ୍କା କରିଛନ୍ତି । ତେବେ କେନ୍ଦ୍ର ସରକାର ସେନାରେ ନିଯୁକ୍ତି ପାଇଁ ‘ଅଗ୍ନିପଥ‘ ଯୋଜନା ଲଂଚ କରିଛନ୍ତି । ଏହି ଯୋଜନା ଅନ୍ତର୍ଗତ ଯୁବବର୍ଗଙ୍କୁ ୪ ବର୍ଷ ପାଇଁ ସେନାରେ ଭର୍ତି କରାଯିବ । ଯେଉଁମାନେ ଏଥିରେ ଯୋଗଦେବେ, ସେମାନଙ୍କୁ ‘ଅଗ୍ନିବୀର’ କୁହାଯିବ ।
ନୂଆ ଯୋଜନା ଆଧାରରେ ପ୍ରତିବର୍ଷ ତିନି ସେନା ବିଭାଗରେ ପାଖାପାଖି ୪୫ରୁ ୫୦ ହଜାର ନିଯୁକ୍ତି ପାଇବେ । ପୂର୍ବରୁ ସେନାରେ ନିଯୁକ୍ତି ବୟସସୀମା ୧୫ ବର୍ଷ ଯାଏଁ ଧାର୍ଯ୍ୟ ଥିବା ବେଳେ ଏବେ ୪ ବର୍ଷ ହେବାରୁ ଏହାକୁ ବିରୋଧ କରାଯାଉଛି । ବିହାରରେ ଏହି ଯୋଜନା ବିରୋଧରେ ଆନ୍ଦୋଳନ ତୀବ୍ର ହେବାରେ ଲାଗିଛି । ସେଠାକାର ବିରୋଧ କାରୀଙ୍କ ଅଭିଯୋଗ ହେଲା, ଯଦି ଜଣେ ବିଧାୟକ ୫ ବର୍ଷ ରହିବା ପରେ ତାଙ୍କୁ ପେନସନ୍ ମିଳିପାରିବ, ତେବେ ସେନାରେ ଭର୍ତି ଯୁବକଙ୍କୁ କାହିଁକି ପେନସନ୍ ମିଳିବ ନାହିଁ । ତେବେ ଏହା ଉପରେ ଆପଣଙ୍କ ମତାମତ କଣ ନିଶ୍ଚିତ ଜଣାନ୍ତୁ ।