ସାମାଜିକ ଟାହିଟାପରାକୁ କ୍ଷତିର ନକରି ପେଟପାଟଣା ଲାଗି ଜଣେ ଯୁବତୀ ହୋଇ ମଧ୍ୟ ପରିବା ବିକ୍ରି କରିବା ଭଳି ଧନ୍ଦାକୁ ସେ ଆଦରି ନେଇଛନ୍ତି । ଆଗରୁ ବାଲି ସିମେଟ କାମ କରି ଯାହା ରୋଜଗାର କରୁଥିଲେ ସେଥିରେ ଘର ଚଳାଇବା ସହଜ ନଥିଲା । ନିଜେ କିଛି କରିବାର ଆକାଂକ୍ଷାରେ ସବୁ ବିଧାବିଘ୍ନକୁ ଏଡାଇ ଆଗକୁ ବଢିବାକୁ ଚେଷ୍ଟା କରିଥିଲେ ଅଞ୍ଜନା ଦୋରା । ପ୍ରଥମେ ବ୍ଯାଙ୍କରୁ ଲୋନ ଆଣି ଲୁନା ଗାଡିଟିଏ କିଣିଲେ ।
ଆଉ ତା’ପରେ ଘର ଠାରୁ ବହୁ ଦୂରରେ ଥିବା ଏକ ପରିବା ମାର୍କେଟରୁ ତାଜା ପରିବା ଆଣି ଲୋକଙ୍କୁ ବିକିବା ସହ ଦି’ପଇସା ରୋଜଗାର କରୁଛନ୍ତି ଅଞ୍ଜନା । ସେ ରୋଜଗାର କରି ଦୁଇ ଭଉଣୀଙ୍କୁ ପାଠ ପଢାଉଛନ୍ତି । ତେଣୁ ସରକାର ଯଦି ତାଙ୍କ ଉପରେ ଟିକେ ଦୃଷ୍ଟି ଦିଅନ୍ତେ ଓ ତାଙ୍କୁ ଘରଖଣ୍ଡେ ମିଳନ୍ତା ତେବେ ତାଙ୍କ ପରିବାର ଟିକେ ଭଲରେ ଚଳିପାରିବେ ବୋଲି ଅଞ୍ଜନା କହିଛନ୍ତି । ପରିବାରର ଦାରିଦ୍ର୍ୟତା କାରଣରୁ ଅଷ୍ଟମ ଶ୍ରେଣୀରୁ ପାଠ ଛାଡି ଦେଇଛନ୍ତି ଅଞ୍ଜନା ।
ବଡ ଭାଇ ବାହା ହୋଇ ଅନ୍ୟତ୍ର ରହୁଥିବା ବେଳେ ଘରେ ବାପା, ମାଆ ଆଉ ଦୁଇ ଭଉଣୀ ଅଛନ୍ତି । ଘରର ବଡ ଭଉଣୀ ହିସାବରେ ଅଞ୍ଜନା ତାଙ୍କ ମୁଣ୍ଡକୁ ଏବେ ସବୁ ବୋଝ ନେଇଛନ୍ତି । ଅଞ୍ଜନା ସ୍ଥିର କରିଛନ୍ତି କି, ନିଜେ ବାହା ହେବେନାହିଁ ବରଂ ଦୁଇ ଭଉଣୀଙ୍କୁ ପାଠ ପଢେଇ ଭଲ ମଣିଷ କରିବେ ।
ଆଉ ସେଥିପାଇଁ ବାପାମା’ଙ୍କ ପାଇଁ ସେ ବଡ ପୁଅ ସାଜିଛନ୍ତି । ଗ୍ରାମବାସୀ ମଧ୍ୟ କୁହନ୍ତି କି, ଅଞ୍ଜନାଙ୍କ ଘର ପରିବାର ବହୁତ ଗରିବ । ଅଞ୍ଜନା ପରିବା ବେପାର କରି ତା’ ପରିବାର ପୋଷୁଛି । ଆଜିକାଲିର ମହିଳା ଯେ ଦୁର୍ବଳ ନୁହନ୍ତି ଅଞ୍ଜନା ନିଜେ ଏହାର ଜ୍ଵଳନ୍ତ ଉଦାହରଣ । ଅଞ୍ଜନାଙ୍କ ବାପା ଜଣେ ବଧିର ହୋଇଥିଲେ ମଧ୍ୟ ତାଙ୍କୁ ଭିନ୍ନକ୍ଷମ ଭତ୍ତା ମିଳୁନାହିଁ କି ଗରିବ ପରିବାର ପାଇଁ ଇନ୍ଦିରା ଆବାସ ଖଣ୍ଡେ ନାହିଁ ।
ତେବେ ଅଞ୍ଜନାଙ୍କ ବିଷୟରେ ଜାଣିବା ପରେ ଜୀବିକା ମିଶନ ର ପ୍ରୋଜେକ୍ଟ ମ୍ୟାନେଜର କହିଛନ୍ତି କି, ଅଞ୍ଜନାଙ୍କୁ ସ୍ଵୟଂ ସହାୟିକା ମହିଳା ଗୋଷ୍ଠୀରେ ସାମିଲ କରି ଜୀବିକା ମିଶନ ପକ୍ଷରୁ ରୋଜଗାର ପାଇଁ ଋଣ ସମେତ ଯାହା ଆବଶ୍ୟକ ସବୁ ସୁବିଧା ସୁଯୋଗ ଦିଆଯିବ । ଆମ ପୋଷ୍ଟ ଅନ୍ୟମାନଙ୍କ ସହ ଶେୟାର କରନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍ କୁ ଲାଇକ କରନ୍ତୁ ।