ଖାଦ୍ଯ ପରେ ଏବେ ଇନ୍ଧନ ଅଭାବ । ଅନେକ ପାକିସ୍ତାନୀ ସହରରେ ଏବେ ଗୁରୁତର ଶକ୍ତି ସଙ୍କଟ ଦେଖାଦେଇଛି । ପରିସ୍ଥିତି ଦିନକୁ ଦିନ ଉତ୍କଟ ହେଉଛି । ପ୍ରଧାନମନ୍ତ୍ରୀ ଶାହବାଜ ଶରିଫ ଦାୟିତ୍ଵ ନେଉଆ ନେଉ ଏହା ସବୁଠୁ ବଡ ଚ୍ୟାଲେଞ୍ଜ ଭାବେ ଉଭା ହେଲାଣି । ଏହି ସ୍ଥିତି ଏତେ ଗୁରୁତର ଯେ ଘରକୁ ବିଦ୍ୟୁତ ସଂଯୋଗ କାଟି ଦିଆଯାଉଛି । ବିଭିନ୍ନ ଶିଳ୍ପସଂସ୍ଥା ମାନଙ୍କର ଅବସ୍ଥା ମଧ୍ୟ ଅତ୍ୟନ୍ତ ଶୋଚନୀୟ । ନୂଆ ସରକାର ସେଗୁଡିକୁ ଇନ୍ଧନ ଯୋଗାଇବା ପାଇଁ ଅସମର୍ଥ ହେଉଛନ୍ତି ।
ଏଭଳି ପରିସ୍ଥିତିରେ ପାକିସ୍ତାନର ନୂଆ ପ୍ରଧାନମନ୍ତ୍ରୀ କଣ ନିଷ୍ପତ୍ତି ନେବେ ତାଙ୍କ ମୁଣ୍ଡ କାମ କରୁନି । ଘନ ଘନ ବୈଠକ ସତ୍ତ୍ୱେ ପାକିସ୍ତାନକୁ ମିଳୁନି ସମାଧାନର ରାସ୍ତା । ପାକିସ୍ତାନର ଆର୍ଥିକ ଅବସ୍ଥା ଶୋଚନୀୟ ଥିବା ହେତୁ ଆନ୍ତର୍ଜାତୀୟ ବଜାରରୁ କୋଇଲା ଓ ପ୍ରାକୃତିକ ଗ୍ଯାସ କିଣିବା ତାଙ୍କ ପାଇଁ କାଠିକର ପାଠ ହେଉଛନ୍ତି । ଇନ୍ଧନ ଅଭାବରୁ ୩୫୦୦ ମେଗା ୱାଟ ପାୱାର ପ୍ଳାଣ୍ଟ ବନ୍ଦ ରହିଛି । ଏଥିସହ ବୈଷୟିକ ତ୍ରୁଟି ଯୋଗୁଁ ବୈଷୟିକ ୩୫୦୦ ମେଗା ୱାଟର ପ୍ରକଳ୍ପ ଅଚଳ ରହିଛି ।
ପାକିସ୍ତାନରେ ସର୍ବମୋଟ ୩୫ ହଜାର ମେଗା ୱାଟ ବିଦ୍ୟୁତ ଉତ୍ପାଦନ ହୋଇଥାଏ । ସେଥିମଧ୍ୟରୁ ୭୦୦୦ ମେଗା ୱାଟ ବିଦ୍ୟୁତ ଉତ୍ପନ୍ନ ହ୍ରାସ ପାଇଥିବାରୁ ବିଦ୍ୟୁତ ସଙ୍କଟ ଦେଖାଦେଇଛି । ୟୁକ୍ରେନ ଉପରେ ଋଷର ଆକ୍ରମଣ ପରଠାରୁ ପାକିସ୍ତାନ ପାଇଁ ସମସ୍ଯା ବଢୁଛି । ବାରମ୍ବାର ଇନ୍ଧନ ଦର ବୃଦ୍ଧି ପାକିସ୍ତାନ ପ୍ରଶାସନର ମୁଣ୍ଡବିନ୍ଧା ବଢେଇ ଦେଇଛି । ପାକିସ୍ତାନର ଇନ୍ଧନ ଖର୍ଚ୍ଚ ପ୍ରାପ୍ୟ ଦୁଇଗୁଣ ବୃଦ୍ଧି ପାଇ ୧୫ ମିଲିୟନ ଡଲାରରେ ପହଞ୍ଚିଛି ।
ସେପଟେ ବିଶ୍ଵ ବଜାରରେ ଇନ୍ଧନର ଅହେତୁକ ଦର ବୃଦ୍ଧି ଯୋଗୁଁ ପାକିସ୍ତାନ ସରକାର ପକ୍ଷରୁ ବିଭିନ୍ନ ରାଷ୍ଟ୍ର ସହ ହୋଇଥିବା ଇନ୍ଧନ ଯୋଗାଣ ଚୁକ୍ତିକୁ ବାତିଲ କରାଯାଇଛି । ୟୁକ୍ରେନ-ଋଷ ଯୁଦ୍ଧ ଲାଗି ରହିଥିବାରୁ ନିକଟ ଭବିଷ୍ୟତରେ ଇନ୍ଧନ ସମସ୍ଯାର ସମାଧାନ ହେବା ନଜର ଆସୁନାହିଁ । ଏଭଳି ପରିସ୍ଥିତିରେ ପାକିସ୍ତାନର ଇନ୍ଧନ ସଙ୍କଟର ସମାଧାନ ପାଇଁ ପାକିସ୍ତାନର ପ୍ରଧାନମନ୍ତ୍ରୀ ଶାହବାଜ ଶରିଫ କଣ ନିଷ୍ପତ୍ତି ନେଉଛନ୍ତି ତାହା ଉପରେ ସମସ୍ତଙ୍କ ନଜର ।
କାରଣ ବିଦ୍ୟୁତ ସଙ୍କଟ ଘନାଉଥିବା ବେଳେ ଆର୍ଥିକ ସମସ୍ଯା ମଧ୍ୟ ପାକିସ୍ତାନ ପାଇଁ ନୂଆ ଚ୍ୟାଲେଞ୍ଜ ସୃଷ୍ଟି କରିଛି । ଅତ୍ୟାବଶ୍ୟକ ସାମଗରୀ ଦର ମଧ୍ୟ ହୁହୁ ହୋଇ ବଢୁଥିବାରୁ ଲୋକଙ୍କ ମଧ୍ୟରେ ଅଶାନ୍ତି ଦେଖା ଦେଉଛି । ମୃଦ୍ରାସ୍ପୀତି ବୃଦ୍ଧି ଯୋଗୁଁ ଦେଖା ଦେଇଥିବା ସଙ୍କଟରୁ ଉଦ୍ଧାର ପାଇବା ପାଇଁ ଆନ୍ତର୍ଜାତୀୟ ମୁଦ୍ରା ପାଣ୍ଠି ସଂସ୍ଥା ପକ୍ଷରୁ ବଡ ଧରଣର ଆର୍ଥିକ ସହାୟତା ଅପେକ୍ଷାରେ ରହିଛି ପାକିସ୍ତାନ । ଆମ ପୋଷ୍ଟ ଅନ୍ୟମାନଙ୍କ ସହ ଶେୟାର କରନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍ କୁ ଲାଇକ କରନ୍ତୁ ।