ହାତକୁ ଦି’ ହାତ ହୋଇଛନ୍ତି ଓଡିଆ ଫିଲ୍ମ ଇଣ୍ଡଷ୍ଟ୍ରିର ରଙ୍ଗିଲା ବୋହୂ ଲିପ୍ସା ମିଶ୍ର । ଆକାଶ ଆଚାର୍ଯ୍ୟଙ୍କ ସହ ଗତକାଲି ଏକ ପ୍ରାଇଭେଟ ସେରିମନିରେ ବିବାହ କରିଛନ୍ତି ଏହି ଲୋକପ୍ରିୟ ଅଭିନେତ୍ରୀ । ଲିପ୍ସା ତାଙ୍କ ବାହାଘରରେ ଏକ ଲାଲ ରଙ୍ଗର ସୁନ୍ଦର ଲେହେଙ୍ଗା ଦେଖିବାକୁ ମିଳିଛି ଏବଂ ଆକାଶ ମଧ୍ୟ ଲାଇଟ କଲର୍ ର ଏକ ସୁନ୍ଦର ସେରୱାନୀ ପିନ୍ଧିଥିଲେ ଯାହା ସମସ୍ତଙ୍କ ଦୃଷ୍ଟି ଆକର୍ଷଣ କରିଥିଲା । ଷ୍ଟେଜକୁ ମଧ୍ୟ ବେଶ ସୁନ୍ଦର ଭାବେ ସଜା ଯାଇଥିଲା ।
ତେବେ ରାଜ୍ୟରେ ଜଣେ ଅଭିନେତ୍ରୀ ଭାବେ ଅନେକ ଟ୍ରେଣ୍ଡ ସେଟ୍ କରିଥିବା ଲିପ୍ସା ପ୍ରଥମ ଓଡିଆ ଅଭିନେତ୍ରୀ ହୋଇ ପାରିଛନ୍ତି ଯିଏ ତାଙ୍କ ବିବାହରେ ଲୋକପ୍ରିୟ ଡିଜାଇନର ସବ୍ୟସାଚୀଙ୍କ ଲେହେଙ୍ଗା ପିନ୍ଧିଥିବା ଦେଖିବାକୁ ମିଳିଛି । ଯାହାକୁ ନେଇ ରାଜ୍ୟରେ ଚର୍ଚ୍ଚା ଜୋର ଧରିଛି । ଲିପ୍ସା କହିଛନ୍ତି କି, ତାଙ୍କ ନିର୍ବନ୍ଧର ଗୋଟେ ଦୁଇଦିନ ପରେ ଆକାଶଙ୍କ ସହ ସେ କୋଲକାତା ଯାଇଥିଲେ ଓ ସେଠାରେ ସବ୍ୟସାଚୀ ଲେହେଙ୍ଗା ପାଇଁ ଅର୍ଡର ଦେଇଥିଲେ ।
ଲେହେଙ୍ଗା ତିଆରି ପାଇଁ ଅଧିକ ସମୟ ଲାଗିବ ବୋଲି ସେମାନେ କହୁଥିବା ବେଳେ ଶୀଘ୍ର ତିଆରି କରିବା ପାଇଁ ସେ ଅନୁରୋଧ କରି ଆସିଥିଲେ । ଦୁଇ ମାସ ପରେ ସେମାନେ ଲିପ୍ସାଙ୍କ ଲେହେଙ୍ଗା ଓ ଆକାଶଙ୍କ ସେରୱାନୀ ପ୍ରସ୍ତୁତ କରି ଡେଲିଭେରି କରିଥିଲେ । ଲିପ୍ସା ତାଙ୍କ ସ୍ଵାମୀଙ୍କୁ ନେଇ କହିଛନ୍ତି କି, ଆକାଶ ବହୁତ ଭଲ ମଣିଷ ଓ ଖୁବ ଭଲ ଜୀବନସାଥି ମଧ୍ୟ ହେବେ । ସେ ବହୁତ କେୟାରିଂ ମୁଁ ତା’ର ବିଲକୁଲ ଓଲଟା । ଆକାଶଙ୍କ ଭଳି ଜୀବନସାଥି ପାଇ ବେଶ ଖୁସି ଥିବା ସେ କହିଛନ୍ତି ।
ଲିପ୍ସାଙ୍କ ବ୍ୟାଚଲର ପାର୍ଟି ଏବଂ ହଲଦୀ ଓ ମେହେନ୍ଦି ସେରିମନିର କିଛି ଝଲକ ସେ ତାଙ୍କ ଇନଷ୍ଟାଗ୍ରାମ ଆକାଉଣ୍ଟରେ ଅପଲୋଡ କରିଛନ୍ତି । ଏହାସହ ପ୍ରି-ୱେଡିଙ୍ଗ ଫଟୋସୁଟ୍ ଭିଡିଓ ଓ ଫଟୋ ମଧ୍ୟ ବେଶ ଭଲ ହୋଇଛି । ଏନେଇ ଲିପ୍ସା କହିଛନ୍ତି ଆମ ଓଡିଶା ଠୁ ସୁନ୍ଦର ଆଉ କେଉଁଠି ନାହିଁ । ସେ କୋରାପୁଟରେ ଏହି ସୁଟ୍ କରିଛନ୍ତି ବୋଲି କହିଛନ୍ତି । ତେବେ ରିଲ୍ ଲାଇଫରେ ତ ସେ ଅନେକ ଥର ବାହା ହୋଇଛନ୍ତି କିନ୍ତୁ ରିୟଲ ଲାଇଫରେ ଏହି ଅନୁଭୂତି ଏକଦମ ଅଲଗା ଏବଂ ନିଆରା ।
ତାଙ୍କ ଛାଡି ଯିବେ ବୋଲି ତାଙ୍କୁ ଦୁଃଖ ଲାଗୁଥିଲେ ବି ସେ ବହୁତ ଭଲ ଶାଶୁଘର ପାଇଛନ୍ତି ସେଥିପାଇଁ ବହୁତ ଖୁସି ଅଛନ୍ତି ବୋଲି କହିଛନ୍ତି । ତେବେ ଲିପ୍ସାଙ୍କ ବାହାଘର ଲୁକ୍ ଆପଣଙ୍କୁ କେମିତି ଲାଗିଲା ଆମକୁ କମେଣ୍ଟ କରି ଜଣାନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍ କୁ ଲାଇକ କରନ୍ତୁ ।